🔞My Girlfriend's Family🔞|| BL[COMPLETE✔]

အပိုင်း(၁၅)

{My Girlfriend's Family}

နောက်အခန်းမှာအဟွင်းဟွင်း..

-------------------------------------

ဝမ်ချူးလင်ကသူ့သူငယ်ချင်းထွက်သွားပြီးနောက် သူဟာရှန်ပိန်ကိုမော့သောက်ပစ်လိုက်ပြီး သူ့ကိုလာနှုတ်ဆက်သောလုပ်ငန်းရှင်များနှင့်စကားပြောဆိုနေလိုက်သည်။စကားပြောရင်းသူဟာ လဲ့ယောင်ကိုတစ်ချက်လှမ်းကြည့်လိုက်စဥ် မိန်းကလေးတစ်ယောက်ကလဲ့ယောင်အနားသို့ချဥ်းကပ်သွားသည်ကိုမြင်တွေ့လိုက်သည်။

လဲ့ယောင်ဟာစားပွဲပေါ်ရှိကိတ်မုန့်တချို့နှင့်အခြားသောမုန့်များကိုငေးကြည့်ရင်း စားဖို့ရန်သူ့ပန်းကန်ထဲသို့ထည့်နေစဥ် သူ့ဘေးသို့ရောက်ရှိလာသောမိန်းကလေးတစ်ယောက်ကိုသတိထားလိုပ်မိကာ လှည့်ကြည့်လိုက်သည်။ ထိုမိန်းကလေးကလဲ့ယောင်လှည့်ကြည့်လာတဲ့အခါ ကြင်နာသောအပြုံးတစ်ခုဖြင့်လဲ့ယောင်ကိုနှုတ်ဆက်လာသည်။

"ဟယ်လို..ကျွန်မကမင်ရှုန်းပါ။ ရှင်ကဝမ်လင်းလင်းရဲ့ချစ်သူလို့ကျွန်မကြားတယ်..လင်းလင်းနဲ့ကျွန်မကအသိတွေလေ"

"မင်းကလင်းလင်းရဲ့သူငယ်ချင်းလား?"

လဲ့ယောင်ရဲ့အမေးကိုမင်ရှုန်းကထူးဆန်းစွာပြုံးလာပြီးနောက် ချက်ချင်းခေါင်းညိတ်လိုက်သည်။ လဲ့ယောင်မှာလင်းလင်း၏သူငယ်ချင်းနဲ့မြင်တွေ့ခွင့်ရတော့ဝမ်းသာလို့သွားသည်။ လင်းလင်းကသူ(မ)ရဲ့သူငယ်ချင်းများနှင့်သူ့ကိုတစ်ခါမှမိတ်မဆက်ပေးဖူးသောကြောင့် လင်းလင်း၏သူငယ်ချင်းများကိုတွေ့ကာလင်းလင်း၏အကြောင်းတချို့ကိုမေးချင်နေတာဖြစ်သည်။

လဲ့ယောင်၏မျက်နှာထက်တွင်လင်းလင်းအကြောင်းသိချင်နေသောအရိပ်အယောင်တို့ကဖုံးကွယ်လို့မထားနိုင်ပေ။ မင်ရှုန်းကဝိုင်တစ်ခွက်ကိုယူလိုက်ပြီးတော့ သူ(မ)ကလဲ့ယောင်အနီးသို့ကပ်၍တီးတိုးပြောလာသည်။

"လင်းလင်းရဲ့အကြောင်းတွေကိုကျွန်မပြောပြမယ်..ကျွန်မနောက်လိုက်ခဲ့"

"မင်းကသဘောကောင်းတာပဲ!"ဟူ၍ဝမ်းသာအားရစွာပြောလိုက်ပြီး သူ့မုန့်ပန်းကန်ကိုယူကာမင်ရှုန်းအနောက်သို့လိုက်သွားတော့သည်။ အနောက်မှလိုက်သွားသောကြောင့် မင်ရှုန်း၏ကောက်ကျစ်သောအပြုံးကိုလဲ့ယောင်ကမမြင်လိုက်ချေ။