الحلم الجميل

الحلم الجميل(١٣)

البارت الثالث عشر .
..
..
..
قراءه ممتعه

قام من النوم وراح للمطبخ وجهز لنفسه فطور سريع وقهوته وجلس ياكل بسرعه عشان يروح المطار يجيب احمد .لانه مايعرف حد هنا غيره ....
دخل المطبخ وهو يتمغط :ليش ماسويتلي
فطور معك
نظرله ثم كمل اكل :سوا لنفسك انا ماني خادم عندك
صقر :هووب لااله الا الله انا ماقلت شي  ...
وبعدين عادي انا قلت دامنا عايشين مع بعض ممكن نخدم بعض ...
فارس :لااا مشكور مابغيت حد يخدمني اخدم نفسك بنفسك ..وبعدين تذكر لاتحاول تتقرب مني لاني بصراحه مااحبك ولا اطيقك زييين ...
صقر بنص عين :عاد انا الي ميت عليك هه...تنهد صقر وتوجه للثلاجه وطلع قارورت حليب واخذ كاس وكب له وشربه وهو يراقب فارس .
وهو ياكل ويتنهد بضيق ..في البدايه تردد يسأله بعدين قرر يسال من باب الفضول :اله ايش فيك مانت بخير
فارس تنهد وقال:شوف انا لوودي اقول لك مالك شغل بس في النهايه من حقك تعرف ...انا بروح للمطار الحين
صقر باسستغراب :ليش بترجع ..
فارس :لالا بجيب شخص من المطار مايعرف حد غيري هنا وبجيبه عندنا...و
صقر:وماقلتلي من هذا الشخص وليش بيجي أنشأ الله
فارس سكت وهو ينظر لصقر شوي بعدين قال :هذا يكون صديقي احمد وهو أخو جوان الي خطفتها
صقروبانت عليه علامات الصدمه وتوتر:وليش بتجيبه لهنا ...وبعدين انت ليكون قلتله عني ...
فارس :لالا يابن الحلال بغيته يقتلك ..اكيد ماقلتله غبي انا
صقر تنفس براحه :اوووه الحمد لله
فارس بنظره حاده :بس اذا ما عرفت وين مكان جوان باسرع وقت مابتردد لحظه وحده اني اقوله فهمت .
صقر بلع ريقه بتوتر:ءءاايه انشالله نحصلها ..
فارس :انشالله ..بس انا مو هذا الي شاغل بالي
صقر :اله ايش ..
فارس :اكيد دحين بحصله غاضب مني عشان ماقلتله عن جوان لما انخطفة فهوبنهايه اخوها والمفروض كان نقوله من اول ماانخطفت بس انا كنت مشغول اني احصلها بسرعه وكنت مركز على ذه الشي وبس وانسيت الباقي تتوقع بيعذرني ويسامحني ..
صقر:ماعليه انت كان همك انك تنقذها بسرعه اكيد انشالله بيسامحك...
تنهد وقام :انشالله يصير خير ..يالله انا بروح
صقر :مع السلامة..
........
كان يدور عليه بين زحمت الناس في المطاروقلق عليه لانه ماحصله وكمل يدور عليه ...
ومن جهه ثانيه ..كان يسير وهو يسحب شنطت سفره ويدور على فارس :دحين وينه ذه مهو قال بيستقبلني في المطار ياربي اووووف وين اروح انا مااعرف بلد الغرب ذي قطع عليه تحلطمه صوت شخص يناديه :احمددددد احمد هنا هنا تعال ..التفت ورااء وحصل فارس يلوحله ابتسم وراح له اخيرا ..
وصل له وسلم عليه :هلا فارس كيف حالك
فارس :انت كيفك وكيف كانت الرحله عسى ماتعبت
احمد :لاه الحمد لله ماتعبت ..
فارس :ياله خلنا نروح البيت عشان ترتاح ...
احمد :اييه ...
......
وصل احمد وفارس للشقه ودخل فارس وهو يرحب باحمد :ياحيا ويامرحبا تفضل تفضل ..
احمد :الله يحيك
ودخلوا غرفة الجلوس استاذن فارس منه ودخل ينادي صقر ورجع معاه لاحمد وصقر في غايت التوتر والخوف (ايش فيك صقر خايف لاتخاف هو قال مابيفضحك ارتاح)بلع ريقه وقعد بجنب فارس بهدوء
فارس بابتسامه  :احمد اعرفك على صقر صديقي جاء يساعدني عشان ندور على جوان ..
التفتةله صقر بصدمه ...
احمد :اهلا فيك انا احمد اخوا جوان ...بس ليش كلفت على نفس نحن بندور عليها ..
فارس دق صقر:لالا هو مصر يساعدنا صح صقر
خرج من صدمته :اايه انا اي اصريت عليه ...
احمد :دام كذا مشكور جزاك الله خير
قام فارس :انا بروح اجيبلك شي تاكله اكيد جوعان ايه صح  البيت بيتك .....
وقام ولحقه صقر وتوجهوا للمطبخ
صقر:ليش قلتله اني صديقك
فارس باستخفاف:والله وايش بغيني اقوله من حضرتك وليش جالس معي في هاذي الشقه وانت ماتقرب لي ..
وبعدين لاتاخذ بنفسك مقلب انت مستحيل تكون صديقي..او اني اعدك صديقي بيوم من الايام فهمت واخذ الصينيه الي جهز فيها اكل لاحمد وخرج وترك صقر وراه
اما صقر فجلس على الكرسي بضيق :انا استاهل الي يصير معي يعني لازم كان انتقم والله اني كنت غبي لوني قبلت بالشهاده الي معي
ورضيت
لكن لا
ضيعت نفسي وحياتي لو ماخطفتها كنت دحين عايش بامان بين امي وابوي وحتى البنت كانت دحين بين عايلتها ...بس اااخ ايش اقول استاهل خاذهي نتيجة الطمع
.............
وبعد مرور اسبوعين على جوان ومايا وهن يهربن المواد لجان واخيرا خلصوا منه وجاء دور الشخص الثاني.....
كانن جالسات في شقة جوان ...
جوان:اوووف اخير خلصنا منه يالله هانت عاد باقي اسبوعين ونخلص من الثاني وارجع لاهلي اخيرا
مايا :ايه اخيرا بس
جوان :بس ايش
مايا نظرت لجوان بحزن :يعني أنا مابغيت نفترق بعدما عرفتك وصرنا صديقات وبعدين (لفت وجهها وهي تخبئ دموعها)انا ما حبيت حد في هاذي الدنيا مثل ما حبيتك ياجوان انا حسيت انك صرتي اختي وعائلتي ..ومااا ..وما بغيت اتركك واصير وحيده مره ثانيه ..
نظرت لها جوان بحزن وهي الي تعرف شعور الوحده زين لماكانت عند خالتها وطول الوقت جالسه في غرفتها لحالها ..مدت يدها وسحبت مايا وضمتها :لا تقولين كذا أنشأ الله ما نفترق ...
بعدت مايا عنها وهي تبكي :كيف كيف انتي بتروحين عند اهلك ..وراجح مستحيل يخليني اروح معك ..
جوان بحزن: والله مابيدي حيله مادري ايش اسوي ..وانتي تدرين اني ماني مصدقه متى ارجع واكون بين اهلي .بس بنفس الوقت مابغيت اروح واخليش وراي ...
مايا:ااااااخ بس
جوان :وبعدين كيف بتروحين وبتخلين الاطفال وراش
مايا :صدق ..بس خطرت على بالها فكره وصرخت :هاااااااااااا
جوان بخوف:بسم الله ايش فيش
مايا :امممم ويش رايك بتصل على راجح وبخليه يوعدني اذا خلصت المهمه يخليني بحالي ..والله برمي الأكياس الي يجيبها..
جوان بنص عين:مشاء الله عليك يعني بذه الطريقة بيخاف يعني
مايا:خليني اجرب مابخصر شي
جوان :وإذا قال بيقتل الاطفال ياذكيه هاااااا
مايا طلعت الجوال واتصلت عليه : بتراجع بس خليني اجرب حظي بالاول ...فرحت لما جاها الرد من راجح :الوو هااا ليش متصله هاذي المره
مايا بتوتر :ااسمعني بعقد معك اتفاق اذا خلصت المهمه بنجاح بتخليني اروح في حالي اوكيه ..
راجح بملل:مشا الله وش الي طرء فجاء
مايا بعصبيه:اسمعني عاد انا من البدايه قلتك اني مابسوي الي تبي فهمت ...وإذا ماوافقت على الي أقوله ترا مابوصل الاكايس وبرميها ها اشقلت
راجح :جربي عشان تودعين الاطفال
مايا بغضب:والله لو لمست شعره منهم بتندم ...
راجح :هههههه غبيه وتهدد بعد ..المهم وبجديه اسمعيني انا مستحيل اخليك تروحين وتتركيني وانتي تعرفين كل شي عني فهمتي ..
مايا باندفاع:اوعدك والله مااقول لأحد بس خلني في حالي الله يخليك
راجح بجديه :مستحيل وانسي وحذفيه من راسش فهمتي .وباستهزاء وأما بنسبه للاولاد اصلا انا مستحيل اقتلهم كيف بغتيني اضيع فلوسي ...انا اشتريت هم بفلوسي بغتيني أحرقها ههههه مسكينه هددتك فيهم لاني اعرف انش مابتنفذين الي اطلبه منك الا بهاذي الطريقة فهمتي ..وكمل ضحك باستهزاء هههههههههههههه
مايا اشتعلت النار فيها وانصدمت منه يعني ماكنت مضطره اسوي كذا وجوان جوان المسكينه الي تركت التزامها على الفاضي ..صرخت فيه بقهر :لاااااااااا ياحقيييييييير لا يانذل يالي ماتخاف ربك ليش خدعتني ليش ..
وجوان تأشر لها ايش فيها ومستغريه من عصبيتها ..سحبت الجوال منها وحطت سبيكر :ايش قلت لها ياحماااااار
راجح بسخرية:هلا بجوان ها قليلي كيف الاجواء بدون عبايه ههههههههههههه
جوان باستغراب وماتدري ليش حست بحرقه وقالت لمايا:ايش يقول ذه ...
مايا بصراخ:اوعدك انك بتندم صدقني ..وقفلت الخط وهي تتنفس بسرعه وغضب وحست بنا تشتعل في داخلها ..ولما حست أن الدموع تجمعت في عيونها ..وجوان قاعده تنظر لها ماهي فاهمه شي :ايش صار ايش قالك...
قامت مايا بسرعه وهي ماتشوف من الغضب سبت راجح وشغل راجح وحظها الي جمعها براجح ..وحتي الميتم وامها وأبوها الي خلوها في الميتم ..بس في نفس الوقت تمنت انها تكون بحضنهم دحين بعيده عن ذه كله ...
خرجت من السكن كله وراحت للمكان الوحيد الي تقدر تطلق العنان لنفسها وتشكي له ..البحر ⁦..
.
في شقةمعاذ
معاذ بملل :عبد الرحمن وينهم كنهم بطوا عادتا كلهم ذه الوقت يجون
عبد الرحمن بالجوال:والله مادري فيهم
معاذ :طيب اتصل عليهم خلهم يسرعون مليت
عبد الرحمن:افا وين روحت انا
معاذ:لا والله وانت قاعد لي على جوالك من يوم جيت كيف بغيتني ماامل بالله عليك
عبد الرحمن:طيب ابشر دحين بتصل عليهم ..رفع جواله بيتصل بس سمع دق على الباب ..هاااا شفت قلتلك دحين بيجون بس انت مستعجل
معاذ قام :اووووف اخيرا ...مالت عليك يالممل
عبد الرحمن طارت عيونه ..
عند الباب فتح معاذ وحصل وليد وماهر ودخلوا ..
معاذ بتسال :اله وين مروان
وليدبحماس وسرعه:راح يجيب لنا شي نأكله خلكم منه تعالوا جلسوا معنا لكم خبر قووووي
معاذ:اخيرا بيروح الملل قول قول وش عندك
جلسوا مسويين دايره ..
وليد :تخيلوا من شفنا
عبد الرحمن:من؟
ماهر :شفنا زين يركض وهو يبكي ويزن يلحقه شكله شي صار معهم
معاذ بخوف :هاااا ايش
الكل نظروا له بإستغراب
معاذ يرقع :ايي قصدي لليش ..ماوقفتوهم وشفتوا ايش فيهم
وليد :لااا والله وانت كل يوم تقولنا خلووهم في حالهم ومالنا دخل اشوفك قلبت
معاذ بتوتر :ايه بس يعني تدري بحق العشره والصداقه الي بينا كان لازم تلحقونهم وتتطمنون عليهم
ماهر بنص عين:عشره
معاذ:خلك انت وين راحوا
وليد :مدري مالحقنا عليهم
رن جوال ماهر وحصله مروان :الوو مروان وينك
مروان:تعالوا  لكافي ال... الي بجانب البحر بسرعه
ماهر بخوف:ايش فيك
مروان : مافي وقت اقولك تعالوا ...وقفل
ماهر بإستغراب:ايش فيه ذه قفل في وجهي
معاذ :من؟
ماهر:هذا مروان يقول تعالو لكافي ال... الي بجانب البحر
معاذ :خير انشاء ..قوموا خلونا نشوف
وقاموا كلهم متوجهين للبحر