الحلم الجميل

الحلم الجميل (٩)

الجزء التاسع ....

..
.
... قراءه ممتعه للجميع ......

...
...
نزلت الدرج وهي تنادي على امها :اماااااه يابسرعه تأخرنا ..

نزلت امها وبيدها عبايتها :يالله ها جيت ...

ولبسوا عباياتهم ...وخرجوا طلعوا في تاكسي وحركوا لبيت عمها ابو فارس ....

لما وصلوا قرعوا الجرس وفتحتلهم الخادمه ....وطلبوا منها تنادي ابو فارس ...لكن الخدامه قالت لهم أنه مو موجود وسافر ...

:طيب خلاص نادي اي احد ...حتى زوجته ...

:طيب ...ودخلت ...ثم رجعت لهم ... وقالت :تفضلوا ..

دخلو وجلستهم في غرفة الجلوس ....وبعدها جات ام فارس :اهلا وسهلا ... حياكم الله ...بس ماعرفت الاخت الكريمه ...
:احمم انا ام جود ....ولما لاحظة علامات استفهام على وجه ام فارس ...قالت :الي كانت تربي جوان ....وبنتي جود اختها من ابوها ....

ام فارس :ااااي صح صح تذكرت قالي أبو فارس أن بنات اخوه ثنتين ...جوان ..والثانيه فضلت انها تعيش مع امها ....اهلا وسهلا نورتونا ...

ام جود:بنورش حبيبتي ...بس انا اليوم جيت ...لأن جود طلبت مني انها تشوف عمها ..وعياله ...وتتعرف عليهم بما انهم أهلها ...

اشرق وجه ام فارس :هاذي الساعه المباركه ....حيابش ..اشحالش جود ..

:بخير الحمد لله ..وانتي كيفك..

:انا زينه الحمد لله ...يالله عن اذنكم دقيقه بس انادي البنات ...

جود بسرعه :ونادي جوان معش بشوفها ....وعضت علي شفايفها لما امها عطتها نظره تخوف ....

ام فارس حست بتوتر :ااا ططيب ....وخرجت من الغرفه ...ياربي وش اقولهم ....

وطلعت غرفة أميره .الي للحين تبكي على جوان ..مسحت دموعها لما سمعت طرق باب غرفتها :تفضل ...

دخلت امها :اسمعيني ...بغيتش تتجهزين فيه ضيوف تحت بيشوفونش ...وبالمره نادي اختش ...وانا بنزل عند الضيوف ...

:يمااااه مالي خلق انزل لحد ...

:الا بتنزلين ...وبعدين ماودش تعرفين من هم ...

:لا ما بغيت ...

:اممم كذه ....حسافه ..انا كنت بقولش أنوه اخت جوان جات تشوفكم بما انكم بنات عمها ...بس خلاص شكلي بهون ...

فتحت عيونها بصدمه :صددددق ...لحظه لحظه ...دقيقه واكون عندكم ...بس ببدل وبجي....

ام فارس عطتها ظهرها وهي مبتسمة :طيب سرعي ...وانا بنادي اختش ...وخرجت وتركتها ...راحت لمنار وقالتلها ....كانت ردت فعلها لاتقل عن اختها ....

................

ام جود :كيف حالكم بنات

منار واميره :بخير الحمد لله ...