الحلم الجميل

الحلم الجميل (٥٧)

البارت السابع والخمسون...
.
.
ــــــــــــــــــــــــــــــــــــــــ

رفعت راسها وبعدت عنهم وهي تنظر لهم بشوق وتمسح دموعها.. مدت يداتها ومسكت وجه امها: يامي اشتقت لكم كثير..
وضعت يدها على يد بنتها الي على خدها ومسكتها وهي تبوسها : وني اكثر ياروح امش..
التفتت لابوها وهي تبوس يده وراسه: يابوي اشتقت لك..
تنهد براحه ومسح دموعه وباس راس بنته: ونا يابنتي مانمت اليل وبالي مشغول عليك وحتى خوانش ماذاقوا طعم للراحه وانتي بعيده عنهم..

ضحكت زينب بدموع وهي تقوم وتقومهم معها..
:زينب  !!
لفت زينب وابتسمت بحب وراحت وضمته: عمي شاهر اشتقت لك..
شاهر وهو يمسح ع شعرها: وانا اكثر يابنتي..
وبعدت عنه وهي تسلم على عمها سعيد وجلسوا وهم يسالونها عن احوالها وهل هي بخير مع عزام..
شهقت: هاااا على طاري عزام نسيت..
نظرووا لها باستغراب: ايش؟؟
ابتسمت وهي تقوم وخرجت من الباب بقلق انه راح..لكن اتسعت ابتسامتها وهي تشوفه عاطيها ظهره ونادته: عزام !!
خرج من سرحانه على صوتها ولف لها ويحاول يتصنع الابتسامه: هلا زينب!!
زينب ببتسامه عذبه فهى فيها عزام: وش قاعد تسوي ليش مادخلت.
عزام وضع يده على جيبه: ماحبيت افسد الجوء العايلي..
زينب عبست ومسكت يده: انت صرت من العايله خلاص يالله تعال..
عزام كان بيقاوم بس شافها متحمسه دخل معها وابتسم بسخريه من شاف التفاجى على وجههم والواضح انهم تضايقوا من وجوده..
وقفت زينب: شوف يابوي عزام بيسلم عليكم..
شاهر رفع حاجب واستغرب طريقتها بالتعامل معه بعدين ابتسم شكل نصايحي ادت دورها.. ولاحظ ارتباكه.. قام وقرب له وهو يرحب فيه: هلا بعزام تفضل تفضل يالنسيب..

دخل وجلس على الكنبه.. وماكان موجود من الحريم الا ام زينب وام شاهين ودخلن للمطبخ يجهزين شي للضيف..
جالس وهو حاس بلاحراج من نظراتهم..قطع الصمت مابينهم جلوس زينب جنبه..وهو لف لها بصدمه انها جلست جنبه من تلقاء نفسها..ولاحظه الجميع..
ابتسمت له زينب وهي الي حابه تعطيه فرصه جديده ولفت وجهها لابوها  وببتسامه: ابوي عزام حاب يقولك شي..
نظر لها بعيون متوسعه وتوتر.. ردت له الابتسامه بهدوء..واومات له..
تنهد ولف لهم وابتسم بارتباك: كيف حالك عمي وش اخبارك..
ابو برهان ببرود: بخير الحمد لله..
حس عزام ببرودته فسكت..لكن زينب دقته ورفع راسه وكمل: عمي انا اححم حبيت اقولك انه
انا ااا سف على الي سويته والطريقه الي تزوجت بها زينب ااسف..
ابو برهان ببرود: و فوش بينفعني اسفك.
عض على شفته ووطى راسه بخجل..
تنهدت: بوي عزام يحس بالندم على الي سواه..صدقني وحس كيذه من ليلة زواجنا واعتذر مني..رفع راسه لها بصدمه وهي اشرت له يهدا..
وكملت: صدقني يابوي عزام يحس بالندم..سامحه ارجوك انا عن نفسي سامحته خلاص صار زوجي ومافي داعي نطول السالفه..
سكت الجميع ثم قال شاهر بحده: عزام  !!
رفع راسه عزام: هلا..
شاهر بحده: صدق الي تقوله زينب..؟؟
ظل يتامله فتره ثم لف لزينب الي اومات له وبعدها لف له وقال: صدق اني احس بالندم وحاب افتح معكم صفحه جديده..ثم ابتسم.. اذا انتم حابين طبعا..ثم لف لزينب ومسك يدها: وانا قررت اتغير عشان زينب..الي كانت السبب في تغيري.. غريبه هاذي البنت ما عاملتني مثل ماعاملتهابسوءلا بالعكس عاملتني كزوج خلتني انصدم.. كيف فيه بنت بذه الطف والحنان موجوده.في ذه العالم ونا مدري ويالاسف ماتستحق الي سويته فيها.. نظر لعيونها مباشره: انا اسف يازينب سامحيني والله اني كنت مجرم صدق..
شهقت ببكي: لا تقول عن نفسك كذا اهم شي انك عرفت خطاءك وقررت تصلحه..
ابتسم بحب لهلبنت الي تحمل قلب كبير وهو فعلا حبها من لما حضنته وسمعته وقت كان ضعيف وما تشمتت فيه وتحملته يومين وهو حابسها وفي الاخير تقولهم انه اعتذر لها من ليلة الدخله..
لف لعمامه الي قلبوا علامات البرود في وجههم لابتسامه وقعدوا يتكلمون شوي..حتى جابوا الضيافه وضيفوه وزينب بس قاعده تتامله وحتى ابوها واعمامها ملاحظين تغيرها وتغيره وواضح انها متقبلته..
قام وودعهم وقال ان زينب بتبقى يومين معهم وفرحوا كثير وكبر في عينهم اكثر..