الحلم الجميل

الحلم الجميل (٦٣)

البارت الثالث والستون..
.
.

صباح يوم جديد..
...
ايطاليا..

قام الجميع من النوم بنشاط واستعدوا للخروج عشان يتمشون قبل مايرجعون لبلادهم..
تجهزوا وخرجوا ومروا على اغلب المعالم المشهوره في ايطاليا واستمتعوا بجوهم...
وبعدما تعبوا من التجوال بين معالمها السياحيه ووثقوا كل لحظاتهم وصورها..
توجهوا لاحد المطاعم عشان يتغدون..
دخلوا للمطعم وارتفعت حواجبهم بدهشه من فخامته واثاثه المميز والفريد..
اختاروا طاولتين وجلسوا وطلبوا طلبهم..
ابتسمت بحماس ودهشه وهي تنقل نظراتها في ارجاء المطعم...دقتها اختها وهي تقول: منار  !! بس فضحتينا قفلي فمك..
منار ببتسامه: ياي ماني مصدقه اني هنا..ااخ بس لو امي جات معنا كانت انذهلت من ذه المنظر..
اميره: ايه والله لكن خليها انشالله بنجي مره ثانيه وبنجيبها معنا ههه..
منار وهي تشوف النادل يوضع الاكل على الطاوله: انشالله..
وبدوا ياكلون بهدوا..تزامنا مع جوا المطعم الهادي والرايق..

....

بيت سعيد وسعد..
.
.
واقف قدام غرفة ابوه وهو يفرك يديه بتوتر..حاول يضبط اعصابه بس ماقدر يحس ان التوتر اجتاح كل عروق جسمه..وايضا الخوف من ان ابوه يفهمه غلط..
عقد حواجبه واخذ نفس وزفره وهو يبلع ريقه..تشجع ومد يده يدق الباب لكن انفتح الباب قبل مايلامس يده..اتسعت عيونه بخوف وتراجع للخلف وتنهد وهو يشوف امه الي فتحت..
رفعت حواجبها باستغراب: يوسف  !!
ابتسم بارتباك: هلا امي..
امه: ايش قاعد تسوي هنا..بغيت شي محتاج شي؟؟
يوسف: ها لالا ماني محتاج شي الحمد لله بس وين بوي بغيته في موضوع..
امه: ابوك اكيد في المجلس شفه..
يوسف ببتسامه: صدق  ..يالله عن اذنك..وراح..
هزت كتوفها بستغراب..ورجعت قفلت الباب..

...

دخل للمجلس وهو يشوف ابوه جالس وجنبه عمه سعد..
يوسف حس بالخيبه لوجود عمه كيف بيقدر بيتكلم دحين وفي نفس الوقت مايقدر ياجل ولايقدر يقول لعمه يتركه لوحده مع ابوه..
وقف محتار الى ان شاف ابوه ياشر له ويناديه تنهد وسار لهم..وسلم عليهم..
وجلس جنب ابوه بارتباك وتوتر..
ابتسم سعيد وهو يشوف علامات التوتر الواضحه على ابنه : هلا يوسف تكلم ويش فيك..وش بغيت
رفع راسه: واضح علي يبوي..؟؟
ضحك سعيد وسعد وهم يقولون: ايه واضح..تكلم يالله..
يوسف لامفر من اني اقولهم: ااا انا يابوي بغيت اا ب بتزوج..
ارتفعت حواجبهم بدهشه وكل واحد لف للثاني..

....

ايطاليا..

في احد اسواقها..

قرروا انهم  يتسوقون ويشترون هدايا قبل مايرجعون..وعشان كذه انقسموا لان البنات فضلوا انهم يتسوقون لوحدهم..بس ابو فارس مارضى..وفي النهايه راح معهم معاذ وقالهم انه بينتبه لهم..
وابو فارس وابومعاذ وام معاذ وعمر راحوا مع بعض..وفارس راح يقابل شخص..