الحلم الجميل

الحلم الجميل (٣٥)

االبارت الخامس والثلاثون...
.
.
.
‬‏:
مايعتقده الناس عنك لايهم بقدر ماتعتقد عن نفسك،
لذا كن كما تريد وليس كما يريد الناس لأن آرائهم تتغير، لكن رؤيتك لنفسك ستلازمك مدى الحياة.

(وَأَجْمَعُوا أَن يَجْعَلُوهُ فِي غَيَابَتِ الْجُبِّ)
لو اجتمع من حولك على الكيد بك
فلن يكون إلا ما أراد الله لك.
أسقطوه في البئر فـرفع الله مَقامَه
إلى عرش العزيز الذي يُدِير خزائن الأرض،،،
.
..
..
.
ـــــــــــــــــــــــــــــــــــــــــــــــــــــــــــــــ

بيت ابوفارس..
جوان...
السبت..
7:30..
صباحا...
.
.
الجو كان جميل والسماء صافيه واصوات العصافير تملي المكان...
الجميع متحمسين عشان الرحله..
جوان ومنار واميره وام فارس وريم كانوا في المطبخ يجهزون القهوه والشاهي والحلى..
وابوفارس جالس في الصاله والاتصالات تحن..
فارس ينقل الاغراض الي ياخذها من امه للسياره..
والجو كان مفعم بالنشاط..
منار تقفل اخر غرشة شاهي: اخيرا خلصت..
ام فارس: يالله يابنات خلصتوا..
ريم تعدد الاشياء: الشاهي تمام القهوه تمام الحلى تمام ولام فارس ايه خلصنا تقريبا
ام فارس: تمام  يالله كل وحده تروح تلبس عبايتها بسرعه ابو فارس وفارس جالسين في السياره منتظرينا يالله عشان نوصل قبل الناس ونجهز كل شي...
اميره: طيب يالله جوان يالله منار.. وراحوا يلبسون عباياتهم... واخذوا باقي اشياهم للسياره وانطلقوا..
كان فارس يسوق وابو فارس جنبه ووراء ام فارس وريم
واميره وفي المرتبه الخلفيه جوان ومنار والخدامه...
الجو في السياره كان هادي احتراما لابو فارس الي كان حاط الجوال في اذنه ويكلم: ايه مشينا بسياره الحين.. اييه ايه انا اشوفك خلك ورانا ياخوي (كان يكلم عمر)
وقفل وهو يتلفت لورا: عمكم عمر ورانا بسيارته..
منار نظرت لورا: لا خرجوني بروح معاه..
ام فارس: سمعو ذه وش تقول..
ابو فارس بضحكه: هههه خلاص فاتتش..
جوان بهمس وبضحه:وتخليني لحالي..
اميره سمعتها ولفت لها وبزعل:افا وانا وش جدار عندش..
جوان:هههههه والله ماهو قصدي بس منار دايم فرفوشه وتضحكني..
اميره لفت لقدام بزعل:لا خلاص انا زعلت..
منار كشت عليها:مالت عليش بس ورفعت صوتها ياخوي شغل لنا شي ويش ذه الجو الكئيب ماكاننا رايحين رحله..
جوان لاميره:شفتي هذا الي اتكلم عنه..
اميره ساكته يقال انها زعلانه خلاص..
جوان نغزتها بضكها:وش فيك لاتكدرين علينا الرحله..
ابو فارس لفارس:يولدي فتحلهم شي خلهم يتونسون..
فارس بضحه على اخته:طيب..وشغل البوم حمود الخضر..
منار بتصفيق:هههههههاييييه
جوان تنغز اميره وتضحك:ههههههه يالله عاد
اميره ماقدرت وضحكت على حركات منارودخلت جو معهم...
اما ام فارس الي تضحك على منار..وتصفق بشوي شوي معهم..
اما ريم الي دخلت جو مع منار والي كانت نف جوها (منار طالعه على عمتها في حب الوناسه والهيصه)
وجات انشودت مستنيك..ريم ومنار وجوان واميره:مستنيك ولك مني الذي يازين يرضييك..دودم دودم دودم...وكل انسان في الدنيا وله فيها روايه..(وعلى ذه اوضع طول الرحله)  ....