الحلم الجميل

الحلم الجميل (٧٢)

البارت الثاني والسبعون..
.
.
.
.
.
ــــــــــــــــــــــــــــــــــــ

بعد ثلاثه ايام  ..

مرت ايام العزاء ثقيله على البنات وكل وحده من تسكت تبدا تبكي ولاهم مصدقين ان امهم ماتت مع انهم كانوا متجهزين لفكرة موتها في اي لحظه من حالتها المتدهوره بس ولا وحده منهم قدرت تتقبلها ..
ليلى الي اكثر وحده فيهم منهاره لانها كانت  اكثر احتكاكا بامها واقرب وحده لها.. واما التوام يحاولن يتماسكن بس كل مره ينهارن بحضن بعض .. ونفس الشي لجين الي للحين مابكت تحاول تتماسك.. وكل ماوقع نظرهن على هديل الي لازالت صغيره وانحرمت من حنان الام والاب.. كانت  ام جود طول الوقت مجلستها جنبها وحلفت تعوضها وتهتم فيها وكانها بنتها مو اختها...

شهقت هديل وهي تمسح دموعها ببرائه وهي تلتفت لام جود:  خلاص معد بشوف امي؟!
وضعت ام جود يدها على فمها وهي تحاول تمسك نفسها من البكاء وقالت:  حبيبتي هديل انتي كبيره وفاهمه.. الي يموت خلاص معاد نشوفه بس يبقي في  قلوبنا وبنشوفه ان شالله في الجنه ادعيلها ياهديل قولي الله يرحمها..

عضت هديل على شفتها وامتلت عيونها بدموع بس مسكتها ام جود وهي تسحبها وتضمها لصدرها وهي تهمس لها بحنان وهي تمسح راسها:  اصير لش ام انا لاتبكين ياهديل خلاص انتي كبيره..

غمضت عيونها هديل وراسها مغروز في صدر ام جود وحاولت تتماسك وماتبكي...

..

وقفت وسط المطبخ وهي تمسح وجهها بطرحتها السوده تعبت كثير في الثلاثه الايام.. مين كان يتوقع انه بعد الحفله والسعاده الي دامت مده بسيطه يجيها خبر موت امها الثانيه ويفجعها.. تنهدت وهي تسترجع اشكال البنات وهم يبكون... قبل شهر بس كانت في مكانهم ودحين انقلب الحال.. هه شكل ام ليلى اشتاقت لامي..

اخذت نفس عميق وهي تزفره في الهواء.. ياترى كيف حال عبد العزيز  هل انهار كعادته والا تماسك..
في عزاء امي كان لحاله ومامعه الا وهاج وسراج اما الحين صار معه سند. ابوه واعمامه واخوانه وعيال عمه.. ضحكت بخفه.. مشالله عليهم قبيله..

مشت بخفه وهي تخرج من باب المطبخ للحوش.. وقفت واتسعت عيونها تدريجيا وهي تشوف لجين جالسه لحالها وتنظر للفراغ بجمود...تنهدت وهي تمشي لها وجلست جنبها: لجين !  عقدت حواجبها  لان لجين ماردت يمكن ماسمعتها اعادت اسمها مره ثانيه بصوت اعلى اصلا مستحيل ماتسمعها ذي المره :  لجين  ! 

التفتت بخوف وهي تتنفس بهدوء:  رنا  !! خوفتيني..

تنهدت رنا وهي تقول  :  اسفه بس انتي ماسمعتيني شكلش سرحانه.. فوش تفكرين.. لاتفكرين خليها على ربش..

حركت راسها لجين سلبا وهي تقول:  لا بس افكر فالمستقبل بكره لا تزوجنا كلنا وايش بيكون وضع هديل مين بيهتم فيها..