الحلم الجميل

الحلم الجميل (٣٧)

البارت السابع والثلاثون ..
.
.
.
اللهم انصر فلسطين واهلها ..ياارحم الراحمين ..
.
.
فالندعو جميعا في صلاتنا .اللهم انصر فلسطين واهلها وكن معهم برحمتك ياارحم الراحمين .
.
.
.دامت فلسطين حره
_____________________________

رنا تنظر للجين بحسره وتتنهد ...
لجين بعدما قسمت الي جابته على خواتها ومابقت لها الا الشي البسيط
مدت لرنا شوكلت وعصير وهي تبتسم :خذي ..
رنا وهي تنظرلها :بس مابقيتي لنفسش شي
لجين بعد اكتراث وهي تفتح شوكلت :عادي يكفيني ذه ...
تنهدت رنا بياس منها وهي تحس بالاسى على حالها ثم رجعت نظرت للبنات وهم ياكلون بهدوء ..
لفت على صوت لحين وهي تقول لها :مابتاكلينوه !
رنا ابتسمت :الا ..ومدت يدها تفتح الشوكلت ..
ابتسمت لجين وهي تكمل اكل ..وهي تفكل في ذاك الدكتور من ذيك المره معاد شافته وهو راح وخلا الجهاز ..وش قصده بذي الحركه ..لفت لامها على العموم انا اعرف المستشفى ومتى ما امي ماصارت بحاجته برده ..
رجعت لفت لرنا الي قالت :ايه وش جديدكم ..
سحر بملل:لا جديد تدرين ان حياتنا ممله ..
ليلى بحده :سحر احمدي ربش انش عايشه حياه اصلا ..
سحر وطت راسها بحزن ووقفت من اكل الشوكلت وقامت خرجت من الغرفه ..
سمر تنهدت بحزن وتبعتها ..
لجين نظرت لليلى :ليلى الله يهديش ماكان لوه داعي  تقولين كذه ..تدرين انها ماتقصد الي تقول ..
ليلى وطت راسها :اسفه بس مادري وش صار فيني ..
قامت ليلى عن اذنكم بروح بشوف امي ..
لجين :ليلى حاولي تعتذرين من سحر تدرين انها حساسه والي صار لها مو شوي ..
ليلى بحسره على اختها شدت على يدها :طيب وخرجت ..
رنا نظرت للجين باسى:لجين لا تضايقين نفسش ..
لجين :انا قاعده احاول كل جهدي اني احمي خواتي واوفر لهم مايحتاجون عشان ماينذلون لاحد ..
رنا وضعت يدها على كتف لجين :وانا وعبد العزيز وين رحنا ..لجين انتي مو وحيده ليش مصره تتحملين المسؤليه لوحدش..
لجين نظرت لها :ربش بييسر انشالله ..
رنا:  والنعم بالله ..
لجين تحولت ملامحها للحقد وهي تتذكر وش سمع قبل اسبوع ...

..

قبل اسبوع ..
رجعت لجين متاخر من شغلها ودخلت البيت ..
مرت من جنب غرفت امها واستغربت انها لذه الوقت صاحيه.. كانت بتدخل بس وقفت وهي وتحولت ملامحها للغضبةوهي تسمع امها تبكي وتتكلم لليلى ..
بملامح عجوز باكيه متعبه قد انهكتها الحياة في سبيل تربيت خمس بنات لوحدها بعدما تعرضت للظلم ..
ليلى تضم امها وتخفف عنها :امي وربك ارفقي بحالك سنك وصل لقريب السبعين وانتي كل ليله تبكين عليه خلاص انسي يامي ..
امها وهي تمسح تحت عيونها الي مليانه تجاعيد تمسحها من الدموع الي رافقتها ١٦سنه:ااااااخ يابنتي القلب مايقدر ينسى ظلامه ..يتيمه لاني كنت يتيمه تجبر علي ومادرا ان فوقه الجبار المنتقم ..
ليلى بحسره على حال امها وحالهم : امي انسي ابوي انسيه خلاص دام خواتي ماسالوا عنه ليش انتي تتعبين نفسك ..
امها :انا ماابكي على نفسي انا ابكي عليكم وش بيصير فيكم اذا انا بكره والا بعده متت ..
ليلى بدموع ضمت امها :امي لاتقولين ذه الكلام طويل عمرش انشالله ..
امها :اااخ بس لون ابوي وامي عايشين مااضطريت اتزوجه وانظلمت معه وبعدها ايش طلقني بس لاني ماجبت ولد اااخ ياحسرتي عليكم يابناتي ..
ومو كذه وبس اخذ ورثي بدما تحايلي وخلاني اكتبه باسمه وبعدها طردني وخلاني مشرده حسبي الله عليه ربي ينتقم منه ويرجعلي حقكم يارب ..
ضمت ليلى امها وهي تدعي معها ..
ليلى الوحيده الي تعرف بسر امها لانها ذاك الوقت كانت واعيه وفاهمه وش كان يصير معهم ..