الحلم الجميل

الحلم الجميل (٤٦)

البارت السادس والاربعين ...
.
.
.
نيتك الصالحة :
هي من تجلب لك الخير ، فعلى قدر النوايا تكون العطايا ..
لذا ضع نية الخير في قلبك ، وسيتولى الله أمرك . فعلي نياتكم ترزقون ...
صباح الخير ..🌿

.
.
ابدا يومك بلا اله الا الله ،،،
                          ،،، بها يتجدد ايمانك
_______________________

"خرج للحوش وهو يسير بخطوات طفوليه لطفل ابو ثلاث سنوات ..
وصل لباب الحوش الي يؤدي لخارج البيت ..
مد يده وهو يفتحه .. وطى يده وهو يبتسم ويضحك ..
التفت وهو يدور ببصره في الحوش ثم اتسعت ابتسامته وهو يشوف كرته جالسه لوحدها في وسط الحوش وكانها تقول له تعال خذني عشلن نلعب مع بعض ..
ركض لها وهو يضحك :ههههههه كوورتي ..
وصل لها وهو يوطي بطفوليه ويمسكها ويقوم ..
حملها وهو يرجع للباب عشان يخرج ..

خرجت للحوش وفي يدها وعاء في ملابس بتنشرها في الحبل بعدما تطمنت على ليالي وعلى الطفله ..
وضعت الوعاء على الارض وهي تمسك غطى تفرده عشان تنشره على الحبل ..
لفت بتاخذ غطاء ثاني بس وقفت وهي تشوف باب الحوش مفتوح ..
اتسعت عيونها وشهقت وهي تقول :عبد العزيز ..
ركضت للباب بخوف وهي تتلتم بطرحتها وتناديه :عبد العزيز عزوزي وينك .. تنهدت بارتياح وهي تشوفه جالس يلعب بالكوره مع ثلاث اطفال عرفت انهم اولا الجيران ..
الاول عمره خمس سنوات رفع الكوره ببتسامه وهو يرميها على عبد العزيز الي حاول يمسكها بفشل وفلتت منه ..وقام يصفق بفرح : هااي مره تانيه كوره ..
الولد الاول بعصبيه خفيفه: عزوز امسك الكوره ..
الولد الثاني سبع سنوات .بعتب وهو ياخذ الكوره : سراج شوي شوي على الولد ماتشوفه صغير ومايقدر يمسكها ..
سراج وهو يزفر بغضب ويصد للجه الثانيه :ياخي قهرني ياوهاج يفلت الكوره ويضحك ويصفق ..
وهاج ضحك :هههههههههههه اكيد بيصفق يحسب انها تلعب كذا  ..وشدراه هو..
تقدم وهو يوقف جنب عبد العزيز ويعطيه الكوره بيده ..واخذها عبد العزيز ببتسامه وشوي يضحك ..

ابتسم وهاج وهو يشوف فرحته وضحكته.. ووقف جنبه سراج وهو يزفر بقلة حيله ثم يمد يده لشعر عبد العزيز ويمسح على يده وهو يتذكر انه بدون اب او اخوان يلعب معهم .. وهم الوحيدين الي دايما يلعبون معاه وينتبهون له من يشوفونه يفح الباب ويخرج لوحده ..
ضحك وهاج على سراج الي اظهر حنانه فجاءة على عزوز ..
وقفوا الثلاثه في صمت وهم يشوفون سياره سودا وقفت قدامهم ..
عقد حواجبه وهاج بقلق وهو يمسك عبد العزيز ويحمله ووسراج مسك الكوره الي طاحت منه ..

انفتح باب السياره المجهوله وخرج منها شاب مرتب يرتدي ملابس مرتبه ونظيفه ويبدوا عليه الثراء والعز ..
وقف وهو ينظر للاطفال الثلاثه وهو يقترب منهم ..
وقف وهو يتاملهم ولفت نظره الولد الصغير الي في حضن الولد الكبير ..
عقد حواجبه وهو يخرج النظاره من على عيونه
"يالله .. يشبه زهراء معقول يكون ولدي "وقبل ماينطق بحرف ..
ابتسم الصغير وهو يمد يده ويضحك : بابا بابا ..
انصدم الكل ..
وتوسعت عيون الاب بضحكه وهو يمد يده وياخذه من الولد الكبير : عبد العزيز ياولدي اخيرا شفتك وارويت شوقي ..وهو يبوسه في اماكن متفرقه في وجهه وقعد يبكي : عزوزي ولدي وربي اسف لاني حرمتك مني وانحرمت منك حسبي الله ونعم الوكيل بس ..
وقعد يضم في عبد العزيز ويبوس وهو يبمي ويروي شوقه من ولده .. غافل عن العيون الي تناظره بصدمه ودهشه ..
وهاج بدهشه:ياعم انت ابو عبد العزيز ؟؟
ابو عبد العزيز وقف وهو يمسح دموعه :اييه انا ابوه ..
وهاج عقد حواجبه بغضب: طيب وليش تركته وحيد ..
اتسعت عيونه بتعجب من ذه الصغير الي كلامه اكبر منه ..ثم عقد حواجبه بضيق: ظروف الحياة حدتني ياولدي ..
وهاج بعصبيه : مافي شي بيخليك تبعد عن ولدك ..ولا اي عذر في العالم بينقبل منك ..
سراج باستغراب من عصبية وهاج بس عجبه الكلام مع انه مافهم نصه بس ايد لما شاف جديته :اييه
تنهد ابو عبد العزيز بضيق : داري ياولدي داري بس مالي حيله ..