الحلم الجميل

الحلم الجميل (٦٢)

البارت الثاني والستون..
.
.

خرجت من الحمام بعد شور دام عشر دقايق وتوجهت لشنطتها وهي تطلع لها تنوره حمرا وبلوزه ورديه.. واخذت حجابها الاحمر ولبستهم

مشت لتسريحه وابتسمت لنفسها على المرايه وهي تمسك الفرشه وتمشط شعرها..

دخلت الغرفه وهي تنظر لاختها الي واقفه عند المرايه تعدل حجابها..

ابتسمت وهي توقف جنبها :  صباح الخير..
ابتسمت مايا: صباح النور..مشالله متى صحيتي..
جوان: صحيت قبل ساعه يالله الفطور جاهز وااا اححم فيه مفاجأة لك تحت..

عقدت حواجبها باستغراب: لي انا !!؟
اتسعت ابتسامة جوان: ايوه لش يالله تعالي..وسحبت يدها ونزلوا تحت..وجوان تسير بحماس لردت فعلها لماتشوفها..

وقفن قدام طاولة الفطور وهن يشوفن الكل موجود..
عقدت حواجبها مايا باستنكار: وش المفاجأة  ؟؟

جوان: ما لاحظتي..دوري بعيونش اكثر..
الجميع ضحك عليها لانها مالاحظت ام معاذ.وزادت ضحكتهم اول ما سمعوا شهقتها دلالاه على ملاحظتها..

مشت لها بعدم تصديق: خاله انتي هنا متى جيتي؟

ضحكت ام معاذ وهي تقوم وتضم مايا: والله اشتقت لك يابنتي..
مايا بعدت ولازال الذهول كاسيها: وليش ما خبرتونا انكم بتجون..
ريم بضحكه: هاذي مفاجأة عمش الي قال عليها..
مايا بفرح: واحلى مفاجأة والله..وبعدها شهقت باستوعاب وهي تطلع جوالها وتفتح رسالة معاذ واتسعت ابتسامتها بضحكه وهي الي مافهمت وش يقصد لما شافتها وماصدقت انها بتشوفه بكره وتمت تضحك عليه بس ماتوقعت انها صدق بتشوفه بكره فعلا..رفعت راسها لهم وهي تقول: تفضلوا تفطروا ني بروح شوي باجي..وركضت بسرعه لباب المجلس حق الرجال..

ريم بضحكه: يوووه خلاص مابتقدر بتصبر مادام حبيب القلب موجود لازم تروح له...قعدوا يضحكون عليها ورجعوا يفطرون..

...

وقفت قدام الباب وضحكت بهمس واخذت نظره سريعه داخل المجلس وشافتهم يفطرون..

اتسعت ابسامتها وهي تشوفه يتكلم مع فارس الي جالس جنبه ومن حسن حظها انه كان مقابل للباب والباقيين عاطينها ظهرهم..الا فارس يستطيع يشوفها شوي..

رفع راسه واتسعن عيونه وابتسامته وظل يتاملها..حتى ضربه فارس بضحكه بعدما لاحظ سرحانه والتفت للي ينظر له بفضول..وضحك وهو يشوف مايا بس صد بسرعه لما شاف وجهها مفتوح..
فارس بضحكه: يالاخ وين رحت..حنا موجودين انتبه..
انتبه معاذ له وضحك باحراج وخصوصا بعدما التفت الكل له ينظرون له بعدما سمعوا فارس.

ضحك معاذ وهو يقوم ويستاذن..
ابو فارس: اجلس ماكليت شي.
فارس وهو يغمز له: لا يبوي خله مستعجل..
عض على شفته باحراج وهو يدقه في راسه: مابتسكت انت..