الحلم الجميل

الحلم الجميل (٤٤)

البارت الرابع والاربعون ..

.
.
.انتظر فرصه جديده كل يوم ،،
.
_______________________

مسدوحه جنب اختها وهي منتظرتها تقوم بفارغ الصبر ..نقلت نظرها للساعه وعقدت حواجبها بقلق ، عمها قال انها بتصحى بعد اربع ساعات بس هي تجاوزت الاربع بنصف ساعه ..
اعادت نظرها لاختها وهي تتاملها لعلها تقوم في اي لحظه .. مانست لما قامت من جنب البنات من بعدما تعشوا وغيروا ملابسهم عساس يسهرون مع بعض بس هي رفضت لما شافت انه وقت قومت اختها ..فزت بسرعه لغرفت اختها تاركه وراها البنات ..
تبعوها البنات بحماس عشان يشوفون القاء الاخوي ..
ودخلوا غرفت جوان دفعه وحده بس خاب املهم لما شافوها لساتها نايمه .. لكنهم ماياسوا وظلوا ساعه الا ربع ..ثم انسحبن وحده ورا الثانيه بنات عم اسيل ..
اما منار والبنات لما شافوا ملامح الخيبه على وجه مايا خرجوا وفضلوا انهم يخلوها لحالها مع اختها احسن ..

..

فتحت عيونها وهي تتامل الشخص المسدوح جنبها وشارد بعيونه لجهت الساعه ..غصب عنها عكست وجهها للي تنظر له مايا ..
شهقت وهي تقوم غير ابها لصدمت البنت المسدوحه جنبها : يالله نمت من العصر اربع ساعات ونص وانا نايمه ..ثم اعادت نظرها لمايا وهي معقده حواجبها وكانها تسترجع ذكرياتها ..
"مايا .. مادري متى صحت او متى فتحت عيونها بس في الحقيقه انرعبت صراحه ..وخصوصا لما قامت وهي تشهق ..بس تغاضيت عن ذه كله وانا اشهق بفرحه ..بس الاكيد اني اشوف انها عير مستوعبه شي وترمقني بنظرات وكانها تسترجع من انا اكون ..ابتسمت لها بامل :جوان انا مايا ..
عقدت حواجبها ثم شهقت بصدمه وهي توضع يدها على فمه وبدموع :انتي مايا صدق انتي فتاة خيالي ..
عقدت حواجبي باستنكار :فتاة خيالها ؟؟؟!!!
اووووه ايييه تذكرت كلام عمي لما قال تحلمني ..
ابتسمت لها وانا اقول : ايه انا اختش الي كنتي تحلمين فيها ..
جوان بفرحه كبيره ضمتني :الحمد لله انا بخير
عقدت حواجبي باستنكار " انا بخير " وش قصدها :وش قصدك
جوان وهي تبعد عنها : لما كنت احلم فيك وزاد العيار وصرت اشوفك وكانك شخص حقيقي خفت على نفسي لا اكون مختله عقليا ..واسبب الحقيقي اتضح ..هو لان قلبي كان حاس بوجود تؤمي البعيده عني ..ثم اجهشت ببكا ..الحمد لله بيروح الحزن والضيق الي احس فيه من بعد الحادث ..

مايا " طول ماهي قاعده تتكلم وانا احس بغصه ..كنت راح ادعي من قلبي الله لايسامح الي فرقنا ..بس تراجعت واستغفرت كونه جد زوجي الي احبه وقررت اسامحه ..ابتسمت لها بدموع وانا تضمها لصدري بقوه وقعدنا نبكي انا وياها وماحسينا بالوقت ..

..

عند البنات والي نصهم ناموا ..
منار مسدوحه جنب اميره ..بهمس:تتوقعين جوان صحت ..
اميره وهي تنظر للساعه :الساعه عشر ونص ..اكيد قامت لان لو ماقامت كانت مايا جات لنا بخوف وني تبكي ليش ماقامت اختها ..

تنهد منار مؤيده لكلام اختها :صح ..
ثم مرت مده من الزمن ساكتين ...
عقدت حواجبها بشعور غريب وهي تتامل السقف بدون شعور تنهدت تنهيده مسموعه .. متجاهله الي تنظر لها باستنكار ..اميره :منار بسم الله وش فيش ..
منار لفت لاختها بخوف من ان تعرف مافيها ظنت انها نامت وماتوقعت انها شافتها وهي تتنهد اعادت نظرها للسقف متحاشيه النظر لاختها :ولا شي ..لاتخافين ونامي ..
قامت اميره وتكت على يدها وصارت نص مسدوحه :الا فيش شي قليلي ..
منار تنهدت"وش الفايده لو قلت لش":مدري الموضوع مايستحق وتافه ..
اميره باصرار:لامهو تافه انا اعرفش منار قويه ودايما مستهتره بالمواضيع وماتشوفين اي موضع جاد الا الموت والامتحانات ..ودايما تستهبلين وتضحكين وولا يوم شفت نظرت حيره على عيونش مثل دحين ..يلا تكلمي بسرعه ..
منار نظرت لها بتفاجى ..سحقا هي تعرف كل شي ء عني اقسم انها تراقبني كل يوم .. تنهدت بقلت حيله ثم ابتسمت وهي تتكلم :اميره لو يوم حصل معش موقف تافه مع شاب ..ومن كل ماشافش ابتسم وكانه يذكرش بالموقف .. وش تتوقعين قصده ..ثم سكتت وهي تتامل رد اختها الي طغى الهدوء الغريب عليها ..
اميره والمعروفه برقتها في التعامل بعيدا عن دفاشت اختها بعض الاحيان وتهورها ..كانت عكسها تماما تحب الهدوء و تبرز كونها انثى اكثر من اختها ..