الحلم الجميل

الحلم الجميل (٤٢)

البارت الثاني والاربعون ..
.
.
.
{(رُبَ صُدفَةٍ خيرٌ مِن الفِ ميعاد )}
.
وسع مداركك واقراء مابين السطور ..
      فمابين السطور كلمات خفيه
ذات معنى اعمق من التي ظاهره امامك ..

.
.
.
____________________________

قربت منها برجفه وهي ماهي مصدقه الي تشوفها قدامها ظنت انها شخص وهمي من صنع خيالها لاوجود له الا في عقلها ولكن ماتراه خالف كل ما تظنه وانتهى بها المطاف وهي ترا ذات الوجه الذي استحوذ احلامها ..امامها ..
لم تستطيع في هذه اللحظه الا ان تغمض عينيها برعب وتتحرر من جسدها ليتهاوا على الارض وسط صدمه الجميع ..
هرع الجميع اليها بخوف ..من يهمه امرها ..ومن بينهم ذالك الشاب الذي صرخ وهو يقترب منها بخطوات سريعه :جواااااان اختي ..
وطى وهو يوصل لجسمه ويرفعها وهو يدرك مافيها ليركض بها الا داخل الاستراحه متجاهلا الجميع ..
ومامرت الكثير من الدقائق حتى تفرق الجميع بتوتر الرجال لقسمهم والحريم لقسمهم ..
..
وقف وهو يشد يده ويعطي نظره حاده لذاك الشخص الي يشوفه قدامه وظهر بعد اربع شهور مختفي فيها ..
دخل متجاهلا له وهو يركض لقسم الحريم عشان يطمن على جوان ..
..

التفتت لجوان بخوف لما شافت كيف يتهاوا جسمها لكنها تطمنت لما شافت احمد اخذها ..والتفتت لولد اخوها وهي تشوفه مرتبك ومتوتر وخايف من ان مجيئهم سبب مشكله ..قربت منه وهي تقول :معاذ ولدي متى جيت ؟
التفت لعمته الي خرجته من اسوار خوفه بوجودها رفع حواجبه بدهشه :عمه وش تسوين هنا ؟
ام جود عقدت حواجبها :انا الي لازم اسال ..
ابتسم ثم تنهدوهو يقول:اااه هاذي قصه طويله ياعمه بس انا جيت الحين لشي مهم ..وهو يلتفت لمايا ..
عقدت حواجبها باستغراب وهي تشوف ذيك البنت الي لابسه حجاب مستنكره هذا الشي ء..
ولكن هذا لم يصرفها عن رؤيت جمالها والاخص من ذالك ..هو ..شهقت وهي تقترب منها وتمسك يدها وتقول بصدمه :انتي ؟؟؟!!!!انتي تشبهين جوان وبنتي جود كيف ذه ..
مايا فكت يدها بخوف وهي ترجع بخطواتها وتلتصق بمعاذ وهي تمسك ذراعه بخوف ..
استنكرت ام جود هذا التصرف والاخص هو التصاقها بمعاذ ..لترفع بصرها له تريد تفسير ..
ابتسم معاذ وهويقول لمايا :هههه عادي يمايا لاتخافين هاذي عمتي ..ونظر لعمته وهو يلقي عليها الصاعقه:عمتي هاذي زوجتي مايا ..
شهقت جود الي كانت واقفه جنب امها لانها ماقدرت تروح وراء جوان لان وجود محسن داخل يوترها ..
نظرت لها امها ثم اعادت نظرها لمعاذ وهي تقول باستنكار:وش ذه الكلام يامعاذ متى تزوجت ..
ابتسم معاذ :هههه وهاذي برضه قصه ثانيه بس مابتدخلينا والا بنتمي واقفين ..
قاطعهم قدوم ابو فارس وهو يقول:هلا بيضيوفنا ليش واقفين تفضلوا ..هلا بولد عماد
التفت معاذ ببتسامه :زاد فضلك ياعمي ..
معاذ ببتسامه جميله وهادىء استغربتها كلا من ام جود وجود ملاحظين التغير العميق في معاذ ...
ابو فارس : ماقالي ابوك انك بتيجي ..
معاذ :لا ماكنت مخطط اني اجي بس ..وتحولت نبرت صوته للجد وهو يقول:جيتك في موضوع مهم ياعمي ..
عقد ابو فارس حواجبه :موضوع مهم عن ايش ..
معاذ بجد: مقدر اتكلم الا لما نكون لحالنا ..
ابوفارس هز راسه :طيب تعال معي ..
معاذ :وفيه ناس ايضا بغيتهم يكونون موجودين عشان يسمعون ..
ابو فارس: طيب الموضوع يخص من بضبط
معاذ وملامح الحد علا وجهه ظل يتامل ابو فارس الي حس جديت الموضوع :عن جوان
عقد حواجبه :ايش دخل جوان
معاذ وضع يده على جيبه :لا تستعجل ياعمي كل شي بتعرفه لما يكون الكل موجود ..
ابو فارس :طيب ومن بغيته يكون موجود
معاذ : ام محسن طبعا لانها الحين في مقام امها ..
وانت اخوك عمر بماانكم اعمامها ونظر لام جود ..وعمتي وطبعا جود ..
ابو فارس بتعجب:تمام تفضل ادخل ..
تحرك معاذ يمشي بعدما اشر لمايا تتبعه ..
ودخلوا لقسم الحريم بعدما قالولهم يتغطون ..
(لان مايا موجوده وماحب ابو فارس انها تدخل معهم قسم الرجال ففضل يكون الاجتماع في غرفه من غرف قسم الحريم ..)
...