الحلم الجميل

الحلم الجميل (٧٠)

البارت السبعووووون ..
اتمنى ينال اعجابكم قايز ..قراءه ممتعه ..

....

"أستفد من اخطائك فبعض الناس
يتجاهلون اخطائهم "

....

بعد يومين ..

12:45 منتصف الليل ..

جالسه على السرير وهي تتأمل الشخص النايم جنبها وهي تحس بالغرابه كونها هي وهو موجودين في غرفه وحده ونايمين على نفس السرير ..

تنهدت بضيق ..من بعد الي صار رجع عبد العزيز لاكتئابه وصار شخص بارد أكثر مع الكل وهي يحاول أنه يتفاعل معها بس ماقدر كل الي قدر عليه أنه يبادلها نظرات الضيق ..

قامت من جنبه وهي تتوجه للحمام تتوضأ ..
وصلت الوتر وقعدت تدعي أن الله يفرج همهم ..
ويروح من عبد العزيز اكتئابه ويصير شخص حيوي أكثر ..يارب ..

نظرت للساعه 1:30 ..

تنهدت وهي تقوم من السجاده وتخلع قميص الصلاه .. وطوت السجاده ..

ورجعت انسدحت جنب عبد العزيز ..
تنهدت مره ثانيه وهي الي كان ودها بزواج وأنها تلبس الابيض ويكون زواجهم افضل من ذه الظروف وأكثر سعاده ولا ينسى ..
اااخ مو مهم اهم شي اني مع عبد العزيز ومابفارقه باذن الله ..
لازم نقول لعبد العزيز الصبح نرجع لبيت ام جود ..معاد ارتحت هنا بعدما شفت تعامل الجد مع عبد العزيز ..اااخ كان قاسي كثير وبدون رحمه مادري وش داخل صدره قلب والا حجر ..

انقلبت للجهه الثانيه واعطت عبد العزيز ظهرها وقعدت تفكر في مستقبلهم .." أو افضل لازم ندور لنا بيت نسكن فيه انا وعبد العزيز يكون لنا وباسمنا وما يقدر حد  يطردنا منه ماهي حاله والله قاعدين نتنقل من مكان لمكان " عقدت حوجبها من الحركه المزعجه وراها وفجأة قام عبد العزيز وجلس وهو يتنفس بسرعه ..
قامت بخوف وهي توضع يدها على ظهره وتقول : عبد العزيز بسم الله عليك ..ايش فيك .؟!

عبد العزيز لازال يتنفس وواضع يده على صدره وبدأ يستوعب هو وين ..وبدأ تنفسه ينتظم ..نظر لمايا وشاف في عيونها الخوف الكبير عليه ..عض على شفته بعدما تذكر انها موجوده معه في نفس الغرفه وخلاص هم متزوجين .. أخذ نفس ثم مد يده وهو يسحبها ويضمها لصدره ويمسح على شعرها ..

بعدت عنه باستغراب : عبد العزيز ايش فيك ..وبعدين ني المفروض نهديك مهو انت تهديني ..

ابتسم بحنيه وهو يقول : يالله هديني ..

رفعت حواجبها باستغراب من ابتسامته الي من زمان ماشافتها مرسومه على فمه ..

تنهدت بابتسامه وهي تسحب رأسه وتوضعه في حضنها وهي تمسح على رأسه بحنيه وعطف الام وتقري اذكار عليه ..

قالت بعد مده صمت بتردد : عبد العزيز وش رايك بمااننا خلاص صرنا متزوجين ..وش رايك نخرج ونعيش في بيت لحالنا ..وكذا بنعدل بين الطرفين يعني لا ابوك بيزعل منك انك روحت عشت مع ام ليلى ولا ام ليلى بتزعل منك انك عشت مع ابوك ..وفي نفس الوقت بنبعد عن المشاكل وبنعيش في راحه لحالنا ..وسكتت تتامله وهو ساكت وفجأة قام وعلى وجهه ابتسامه واسعه ومسك يدها بفرح : والله فكره ليش ما فكرت فيها من البدايه ..ايه خلاص تمام ..امم بس من وين بنجيب الفلوس للبيت ..