الحلم الجميل

الحلم الجميل (٥٣)

البارت الثالث والخمسون ..
.
.
"الحب شيء عظيم معناه الاهتمام "
___________________________

البيت المهجور ..
الساعه  7:00 مساءا
.
.
كانت مسدوحه على الكنبه بتعب من كثر الجوع ..قامت وهي تنظر للي جالس قدامها : يوسف بطني يوجعني من الجوع .. الله ياخذ بليسه ذاك ليش راح ونسانا ..
يوسف موطي راسه بجمود : شكله بيجيلنا بعد يومين انتي ماسمعتي وش قال ، لما استلم زوجتي بحرركم ، والحفله على حسب علمي بعد يومين ..

شهقت بغضب وهي توضع يداتها على خصرها : لا والله وانشالله مابيخليني احضر عرس صديقتي ..

ضحك بسخريه : اي عرس ، انا عن نفسي ماودي احضره ..
نظرت له بحزن : ليش ؟؟
سكت بالم وحزن ووطى راسه ..
رفع راسه لها : عشان مااشوف وحده من بنات عمي تنزف وهي مغصوبه ..
تنهدت روان بحزن ..ثم قالت : مابغيت اهون الموضوع بس زينب ماينخاف عليها اسال قمر وراها وقدامها مثل الحارس هههههه تلاشت ضحكتها وهي تشوف يوسف هادي ومابدت منه اي ردت فعل ..تنهدت بحزن .. ربي يحفظها ..

يوسف رفع راسه وسنده بالجدار : امين ..

...

بيت ابو سالم ..
الساعه ٨:٠٠
.
.
جالسين في الصاله مجتمعين ..
ابو شاهين باستغراب بعدما ارتشف من كوب القهوه : انا مستغرب مهو قال انه بيجي مع الخطبه
ابو برهان بانزعاج : احسن ماجاء
برهان بقلق : يجماعت الخير والله اني حاس بالقلق على يوسف وروان كيف اوضاعهم
تنهد شاهين : ايه والله اكلوا والله جوعانين ..
سلام بحزن : عايشه مسكينه راحت لبيتها وهي تبكي واكيد زوجها بيسالها وبين روان ..
ام شاهين : هي بتشرحله كل شي وانشالله يومين ويرجعون ..
سلام بحزن : حسبي الله ونعم الوكيل بس
شاهين ينظر للشباب الي جالسين بصمت وهاديين : يشباب بكره دوامات استعديتوا ؟
سالم تنهد بملل : اااخخ مالي نفس
ضحكوا شوي عليه ..
صقر بضحكه : عادك الا في اول الطريق مسرع مليت ..
سالم بحزن : لا بس من الي حصل راح شغفي كله مقدر ادرس ونا اشوف الحزن بعيون زينب ..
برهان بحزن : اليوم كله والبنات عندها وهي ماهي راضيه حتى تاكل ..

سلام الي الحزن ياكل قلبها على بنتها وهي الي ظلت ساعه كامله تترجاها تاكل ورفضت ..
ام شاهين وضعت يدها على كتف سلام ببتسامه : خلينا نقوم نسوي العشاء ..
سلام اومات لها وقامن يسوين العشاء ..

..

تنهد وهو يقلب بالقنوات في الشاشه بملل ..
التفت له امير : عمي اثبت على قناه وش فيك؟؟
شاهر تنهد : مالي نفس حتى ..
امير بحزن : ايه والله كلنا مالنا نفس ..
قام شاهر : بقوم بشوف بنت اخوي ..
سعد رفع راسه له وبحزن : حاول تخليها تتقبل الموضوع ..
شاهر تنهد : مااوعدك بس بحاول ..وراح للدرج وصعد لغرفت زينب .
اما الشباب استاذنوا وراحوا لمجلسهم وجلسوا والي ع جواله والي ع التلفزيون والي يفكر وش بيصير بعد يومين ؟؟