الحلم الجميل

الحلم الجميل (٥٥)

البارت الخامس والخمسون ..
.
.
"رغم الابتلاات لاتحزن فسيكون بعدها جبرا للخواطر"

______________

ثاني يوووم
الفندق ..
الساعه ٨:٠٠ صباحا ..

فتح عيونه وهو يتامل سقف الغرفه عقد حواجبه باستغراب ثم فز بعدما تذكر وش صار البارح ..ارخى حواجبه وابتسم عجنب وهو يقوم ويبعد الغطاء عنه .. عقد حواجبه بقلق وهو يتلفت ويدور عليها بس ماهي موجوده قام من السرير وخرج من الغرفه للصاله تنهد وهو يوقف عند الباب ويسند عليه وهو يبتسم بخبث وهو يقرب منها : هههه نامت هنا المسكينه ، ظنت اني ضعيف عشان تتحداني من اول يوم ..قرب وجهه من وجهها وهو يتامل تنفسها المنتظم والي يدل على انها مستغرقه في النوم ..
ارتخت ملامح وجهه بسبب وجهها البريئ ولوهله حس بالذنب عليها لكنه سرعانما كشر بعصبيه ورفع جسمه "لا لازم تدفع ثمن اخوها "
وفي لحظه تحولت ملامحه للقسوه وهو يناديها : هياااي هيي قومي .. قومي بنرجع للبيت خلص وقت التمثيل ..
عقدت حواجبها بنزعاج وجلست وهي تفرك عيونها بنوم ..رفعت راسها له بعدما استوعبت وهي تنظر له بحقد ..قامت بدون اي كلمه وتوجهت للغرفة وهي تقفلها بلقفل ..
اتسعت عيونه بذهول وهو يركض يدق الباب : هييياايي فتحي الباب ببدل ..
زينب من ورا الباب بحده : اولا اسمي زينب مو هييااي ثانيا تموت ولا افتحلك الباب فهمت ..وراحت وهي مطنشه دقه المتكرر على الباب وصراخه ..
قربت من شنطتها وفتحتها وطلعتلها فستان سكري هادي وفيه شريطه تنعصب من الخصر .. اخذته وهي تتوجه للحمام ..
خرجت من الحمام وراحت للتسريحه ومسكت المشط تمشط شعرها وبعدما خلصت تجهيز لبست عبايتها وجهزت شنطتها وتوجهت لطرحتها ولبستها ولبست البرقع وتوجهت للباب وهي تفتحه ..
ضحكت بسخريه وهي تشوفه قاعد يلم الاكل بعدما تفطر ..
لف لها وهو يقول : جزاش ماشي لش فطور ..
ابتسمت باستهزاء : هه بالعافيه عليك ماني جوعانه ..
ابتسم عجنب باستهزاء : بنشوف بعدين ..
هزت راسها واستغفرت وهي تقرب للكنبه وتجلس وتوضع رجل على رجل : متى بنروح ؟
عزام : هه وانتي مشالله عليش خليتي فيها روحه ساعه كامله وانتي مقفلت الباب كيف ببدل
زينب : اشوف مشالله انك استغليت الوقت
عزام بنص عين : اكيد باستغله قولي مشالله على الاقل .. وقام وهو يتوجه للغرفه ويروح للحمام بعدما اخذ له ملابس ..
خرج بعد عشر دقايق وهو ماسك شنطته ..
رفعت راسها له وانصدمت وهي تشوفه لابس تيشرت ابيض وعليه كتابه انقلش اسود وبنطلون جنس ازرق ..وفي يده ساعه سودا ..وممشط شعره لورا وطالع كشخه ..
ابتسم لها وهي على طول لفت وجهها منه
عزام وضع يده على شعره وهو يرجعه لوراء : داري اني حلو ..
زينب بطرف عينها وبسخريه : هه من كذب عليك
عزام وهو يسير قدامها ويجر شنطته : واثق من نفسي مايحتاج حد يقولي ..
زينب بهمس : هه مغرور .. بس وقفت وهي تقول باستغراب : طيب وشنطتي مين بيحملها اشوفك جار شنطتك لوحدها ..
عزام بضحكه : هه البركه فيش جبيها تحت ..
زينب ابتسمت بنرفزه : تمزح صح
عزام : وليش امزح معش .. من متى عرفتش عشان امزح معش ..وخرج وتركها وهي شدت على يدها بعصبيه : مجنون ذه والا متخلف كيف بسحبها لوحدي وهي ثقيله ..
تنهدت بياس و هي تدخل للغرفة وتسحب شنطتها ..وحمدت ربها انها مااخذت اشياء كثير عشان كذه صارت الشنطه تقدر تحملها ..