Light(completed)

24

"အရက်ပြင်းတစ်ခွက်​ပေး​ပါ"

ထယ်​ယောင်း ​တစ်ခါ​ရောက်ဖူးသည့်T8ဘားသို့​ရောက်​နေတာဖြစ်၏။အရက်ဆိုတာကို တစ်ခါမှမ​သောက်ဖူး​သော်လည်း အရက်​သောက်လိုက်ရင်အားလုံး​မေ့သွားတယ်လို့ကြားဖူးနားဝရှိတဲ့စကား​တွေ​ကြောင့် ​သောက်ဖို့ဆုံးဖြတ်ပြီးဒီကို​ရောက်လာခဲ့သည်။ဘား​တွေ၊ကလပ်​တွေနဲ့ရင်းနီးမှုမရှိတာ​ကြောင့် ​ဂျောင်ကုကိုလာ​ခေါ်တုန်းက​ရောက်ဖူးသည့် ဒီဘားကိုပဲ​လာခဲ့မိတာဖြစ်သည်။

စား​သောက်ဆိုင်တုန်းက မင်နာကကျွန်​တော့်လက်ကိုကိုင်ပြီး အားလုံးသိပြီးသားပါလို့​ပြော​တော့ အ​တော်လန့်သွားခဲ့တာ။​ဖြေရှင်းဖို့ကြိုးစား​ပေမယ့် မျက်ရည်​တွေကျ​နေတဲ့မင်နာက ကျွန်​တော့်မျက်နှာကိုဆွဲယူပြီး သူမကအတိတ်ကကိစ္စ​တွေအားလုံးကိုလက်ခံ​ပေးနိုင်တယ် သူမကိုမထားခဲ့ပါနဲ့လို့ ​တောင်းဆိုခဲ့တယ်။ကျွန်​တော့်လက်ကိုအတင်းဆွဲထားခဲ့တဲ့မင်နာက သူမကိုကျွန်​တော်မချစ်ဘူးဆိုတာကို ရိပ်စားမိတယ်ထင်ပါတယ်။မထားခဲ့ဖို့ပဲ​တောင်းဆို​နေခဲ့တာ။ဒါ​ကြောင့်ပိုစိတ်ရှုပ်ရပြီး မင်နာကိုဆိုင်မှာတစ်​ယောက်တည်းထားကာ ဒီကိုထွက်လာမိလိုက်သည်။

"​နောက်တစ်ခွက်​ပေးပါ"

အဝင်အ​တော်ဆိုး​ပြီး လည်ချောင်းတစ်​လျှောက်ပူဆင်းသွား​သော်လည်း တစ်ခွက်ပြီးတစ်ခွက်​သောက်​နေမိသည်။သုံးခွက်​လောက်​သောက်အပြီးမှာ​တော့ အနည်းငယ်ရီ​ဝေပြီးအဖြစ်အပျက်​တွေကို​မေ့ချင်သလိုလိုဖြစ်လာသည်။သို့​သော် သူ​​ပြောခဲ့တာ​တွေ​ကြောင့်ငိုပြီးထွက်သွားတဲ့ ​ဂျောင်ကုမျက်နှာကို​တော့လုံးဝ​မေ့မရဘူး။သူတွန်းလိုက်တဲ့အရှိန်​ကြောင့် ပါးမှာရသွားတဲ့​ဒဏ်ရာကို ထပ်သတိရ​တော့ပိုဆိုးလာသည်။ကိုယ်တိုင်​တောင်မသိလိုက်ပဲမျက်ရည်​တွေက ပိုလို့ကျလာပြီး အရက်ပြင်းကို​လည်းသောက်စမရှိပါပဲ တရဆက်​သောက်​နေမိ​တော့သည်။

​ခြောက်ခွက်​​လောက်သောက်ပြီး​တော့ ထယ်​ယောင်း​ကောင်တာ​​ပေါ်​မှောက်ကျသွားသည်။

အရက်ကတစ်ကယ်စွမ်းသားပဲ..အားလုံးကို​မေ့သွားပြီ။

.
.