💛الجزء 21💛
💞قلوب أرهقها العشق 💞
ميلودة :وعلاش كتخافي من الدم ؟؟
يقين :غالبا غاتكون عاشت شي حاجة فطفولتها ماشي هي هديك انا متأكد حيت غالبا هاد المرض هدا هو سبب ديالو
خنساء سرطات ريقها وشافت فيه وجاوبات على سؤال ميلودة ..
خنساء:عندك الحق فاش كنت صغيرة كنت كنطل من السرجم وكان واحد الولد كيلعب كرة فالشانطي ومن سوء الحظ كان واحد الموطور هابط بسرعة ضرب داك الولد تهز حتى لسما وتردخ الأرض وبدا الدم كيسيل من نيفو وراسو لدرجة انا تخلعت وبقيت اسبوع ما كنهدر مع حد وكيزوروني كوابيس فيهم دم ومن تماك بدا عندي داك تخوف
يقين :واليديك ماحاولوش يديوك لطبيب نفساني
خنساء ابتاسمت بإستهزاء ...
خنساء:مالقاو مايديرو غير يديوني لطبيب نفساني بالعكس زادو عقدوني فدار كيقولولي غير الخوافة حيت ماكنقدرش نحضر لذبيحة ديال العيد وفاش كنتجرح كنسخف ليهم حتى عرفو بلي كانخاف من الدم وصافي دابا كلشي عارفها فالعائلة
ميلودة :اوا حاولي تفاداي تشوفي الدم ولا تجرحي أبنتي هادشي مامزيانش لنفسيتك
خنساء:واه كنحاول ما امكن نتفادى نشوف شي حاجة فيها دم ولا نتجرح
ميلودة :اوا أش غانقولك ابنتي الله يشوف من حالك [سكتات مدة من زمن و رجعت كملات كلامها ] قلتي ليا بلي هاذ نهار عيد ميلاد بنت ختك ؟؟
خنساء:آه عندها عيد ميلاد
ميلودة :[بابتسامة ] شحال عندها من عام ؟؟
خنساء:هاد نهار كملات عاماين
ميلودة:تبارك الله مشاء الله الله يخليها ليكم
خنساء:امين
ميلودة :شنو سميتها ؟
خنساء:سميتها ياارا
ميلودة:امم سميتها زوينة شنو شريتي ليها فالكادو ؟
خنساء بقات ساكتة كتلعب فأصابع يديها الشيئ اللي لاحظو يقين اللي كان حاضي تصرفاتها وكيسمع لحوارهم بدون ماينبس ببنت شفة...
خنساء:صراحة ماخديت ليها والو كنت عوالة ناخد ليها واحد البارفان ولكن مشا الحال اصلن
ميلودة :[ بإبتسامة ] نتي هي الكادو ديالها سعداتها اللي عندها خالة بحالك
خنساء:شكرا كنظن بلي واقيلة خاصني نمشي أالله نوصل ..
يقين :عندك شي صورة ديالها ؟
خنساء دورات وجهها بإستغراب وحدقات فيه حتى توسع بؤبؤ عينيها .....
خنساء:وعلاش؟؟
أنت تقرأ
قلوب أرهقها العشق 🇲🇦 (مكتملة )
Romanceقلوب أرهقها العشق 💔 ✒️ Fatima zahra ouba : بقلم مازال عاقل فاش اول مرة جات عيني بين عينيك كان خاصني نشوفك مثلك كمثل الآخرين تجاهلتك بزااف كأنني ما كنشوفكش امامي أو كأنكي مازال ماتخلقتي تجاهلت اشتياقي ووحشي ليك فكل...
