❤الموس_______م الثاني ❤
💔الجزء 303 💔
❤حرب الهوس🖤
خنساء نترات يديها من يدو حيت قصحها و قبطات فيها بانت ليها حمرا و رجعات شافت فيه ولا كيف شي وحش صدرو كيصعد و ينزل بالأعصااب و عينو حوومر وكيبان فيه مجرووح و بزاااف غيرتو فااااتت القياس كيعصبها و لكن عارفة بلي ماشي لخاطرو المرض ديالو بيها دافعو يدير مثل هاد التصرفات و كتخاف يآدي راسو من بعد ....
خنساء قربات و حطات يديها على خدو و هو تكالما فالبلاصة و دور وجهو جنب باس يديها اللي حاطة على خدو و هي غمضات عينيها و عاودت فتحاتهم و صرطات ريقها بزز كتحاول تنتاقي الكلمات المناسبة باش تهدن روعو و لو بنسب قليلة ....
خنساء: يقيينو راك نتا خطيبي و انا قبلت بيك ماااشي شفقة عليك دخلها لراااسك انا قبلت بيك حيت نتا عزيز عليا فهمهااا بلي نتاااا هو الشخص اللي عطيتو فرصة و بغيت نكمل معاه حياتي الا كتااب فما تبقاش تغير بهاد الطريقة و من لفوق من خووك أ يقين خوووك اللي كانعتابرو بيست فراااند [ خنزر فيها و هي تدارك الوضع و قالت ] فمقام خويا اللي ما عمر غاتوقع بيناتنا شي حاجة كلما إستوعبتيها كلما أحسن
يقين ارتااح من كلامها و فكرة انها كتبغيه هو و حاطة سلطان فمقام خوها اللي مستحيل توقع بيناتهم شي حاجة هدانااتو نوعا ما و خلات ديك ناار القوية طفاااا و تولي رماااد ابتاسم بحنية و قال...
يقين : يعني نتي كاتبغيني أنا و سلطان مجرد أخ بالنسبة ليك ياك أ حبيبي
خنساء: وي
شد يديها و باسها بحب و رجع شاف فعويناتها و قال بابتسامة ...
يقين : الله يرضي عليك
خنساء سرطات ريقها بصعوبة و كتذكر ايام كان كيقولها الله يرضي عليك كانت قاعدة فسلطان من ديما كان كيخرجها من فمو و شحال كانت كتجيها حلووة فاش كتقول شي حاجة و يقولها الله يرضي عليك ابتاسمت بإنكسار و شافت فيه ....
خنساء: يالاه نوض خليني نخدم خدمتي و نتا جلستي مجمع معايا
يقين :[بحب] ما كنسخاش بيك بب
خنساء:[ قرصاتو فحنكو ] وينو سووو كيوووت
هو عجبو الحال و استحلاها ابتاسم ليها و هي تقعد الحداش و خنزرات فيه ...
خنساء: واا نوض أ يقين واش هبلتي خليني نخدم خدمتي وااا داك المسطي
يقين وقف و رجع حنا باس راسها مدة طويلة استغرقات عدة ثواني و هي مغمضة عينيها و يدها كارزة عليها و هي كتحس بلمساتو على شعرها اللي تمنات تكون من شخص آخر تنهدات و حاولات تبتاسم بزز منين سمعاتو همس فودنيها بحب باين من صوتو ....
يقين: شعرك و ريحتو غاتجنني نتي كلك كتحمقيني
قرب و باسها فودنها و نطق ....
يقين : i love you my sweatheart كانت هادي آخر حاجة قالها خرج من البيرو ديالها خلاها غير ساهية فالباب و رجعات راسها اللور ما عارفة و ما فاهمة حتى وزة فهادشي اللي كيوقع فحياتها الشخص اللي كانت كتحلم تزوج بيه من صغرها و كانت كتشوفو فارس أحلامها و كيفاش القدر جابها حتى لعندو عن طريق يقين و أنها تخدم كمعالجة نفسية ديالو عمرها ما حلمات حتى بيها كن قال ليها شي حد بأنها غاتلاقاه و توصل لدارو عمرها كانت ثيق و كانت غاتبقى غير تضحك عمرها جات لبالها تلاقى بيقين اللي غايصدق خو شخص اللي قضات حياتها و مراهقتها كلها كتسمع لاغانيه و مثلها مثل اي بنت كتأثر بشي مغني و لا ممثل كتبقى تحلم تكون معاه و تزوجو و لكن نهار اللي صدقات غاتعالجو ما ثيقاتش و كانت كظن أنها غير كتحلم نهار تلاقاتو و قرباات منو و هضرات معاه و حاولات تخفف عليه آلامو كانت فالحقيقة كتخفف آلامها هي و كتطفي بشوفتو ديك ناار اللي كتشعل فقلبها منين كتشوفو مقلق و لا معصب واعدت نفسها بلي تخليه يضحك غير بتفاهة اللي عاطيها الله حيت ما حملاتش تخليه فداك الانكساار و داك الحياة الكئيبة اللي كان كيعيشها فاش كان كيضحك كاتحس بقلبها كيضحك معاه شحال من مرة سهات فملامحو و كتقول مع راسها واش راها بصح حدا سلطان المغني ولا هادشي غير خياال عاشت كلشي بزربة لدرجة انها فكل نهار كتفيق مخلوعة خايفة يكون كلشي حلم و لكن فاش كتمشي تزورو فبيتو كتأكد بلي راه بصح هي معاه فالفيلا ديالو و بجنبو تنهدات و خرجات دمعة من عينيها منين تفكرات بلي هي خطيبة يقين و ما خاصهاش تفكر فيه حيت هادي كتعتابر خيانة صاطت على وجهها بيديها منين سمعات الهاتف ديال الخدمة كيصوني هزاتو ...
خنساء: وي مادموزيل ماريا
أنت تقرأ
قلوب أرهقها العشق 🇲🇦 (مكتملة )
Romanceقلوب أرهقها العشق 💔 ✒️ Fatima zahra ouba : بقلم مازال عاقل فاش اول مرة جات عيني بين عينيك كان خاصني نشوفك مثلك كمثل الآخرين تجاهلتك بزااف كأنني ما كنشوفكش امامي أو كأنكي مازال ماتخلقتي تجاهلت اشتياقي ووحشي ليك فكل...
