❤الجزء 131 ❤
💞قلوب أرهقها العشق 💞
حبس اللوطو حدا الفيلا و نزل و زدح الباب بغا يحل ليها الباب ساعة فتحاتو قبل ما يوصل ،مد يدو فالهواء بمعنى تفضلي و قال ..
يقين :ladies first
خنساء: ما زال كتقول النساء أولا راه قلت ليك بلي هي جملة خايبة
يقين حك ذقنو و هز صبعو و ضغط بيه على جبهتها و قال ...
يقين :نتي اللي كتبان ليك خايبة أما بالنسبة ليا عادية الخيوبية عندك هنااا أ الخاايبة
حيد صبعو من جبهتها و حشا يدو فجيابو و هي تخنزر فيه ...
خنساء : ياااك دابا انا خايبة و الله يخلف عليك
يقين : امم صراحة نتي خايبة بنسبة 0.000%
خنساء: يعني انا زوينة علاش باغي تردني خايبة صحة
يقين : دابا شكون قالك انتي زوينة انا ما قلتهاش
خنساء عوجات فمها و قالت ...
خنساء: و دابا شنو جبتيني باش توقفني فهاد الشمااش و تزيد تعايرني من الفوق
يقين قهقه بصوت رجالي و حيد من طريق و حط يدو على قلبو و قال ...
يقين :هههه زيدي و سمحي لينا أ مادموزيل خنسااء
خنساء خطات خطوات لامام و هو تابعاها كيبتاسم على كلامها حتى وصل لباب وصونا على الخدمات باش يحلو ليه الباب و ما هي الا دقائق حتى حلات الباب الخادمة سكينة و قالت بابتسامة ...
سكينة :مرحبا بيكم
دخل يقين و شاف فسكينة و قال ...
يقين : سوكا وجدي لينا شي كأس د العصير مع الكغيب
شاف فخنساء و قال ....
يقين :ياك كيعجبك لكغيب ؟
خنساء:اي حاجة كاتكال بسم الله
يقين ابتاسم بخفة و عطاها بضهر ودخل لداخل و هي تابعاه حتى دخلو لفيلا و بدا كينادي بصوت مرتفع ...
يقين : صووفي صووفي صووفي
خنساء:مازال الكلبة ديالك عايشة
يقين شاف فيها مطلع حاجب و منزل لاخور ...
يقين : علاش؟ بغيتيها تموت شريرة مع راسك
خنساء: نو بالعكس غير سولت
جات صوفي كتمختر غير بشوية عليها حتى وصلات لحدا رجلين يقين كدور عليه و كتنقز بغاه يهزها داكشي الي دار حنا و هزها كيمرر يدو على فروها رمادي و كيهزها لمستوى أعلى و كيضحك ....
يقين : توحشتي باابااا امم [قربها ليه كيبوسها ] حتى انا توحشتك أ حبيبتي حتى انا
خنساءكتشوف فيه باستغراب و حابسة الضحكة غير بزز بضورة باش كيضور كيلقاها كضحك و كتشوف فيه ...
أنت تقرأ
قلوب أرهقها العشق 🇲🇦 (مكتملة )
Romanceقلوب أرهقها العشق 💔 ✒️ Fatima zahra ouba : بقلم مازال عاقل فاش اول مرة جات عيني بين عينيك كان خاصني نشوفك مثلك كمثل الآخرين تجاهلتك بزااف كأنني ما كنشوفكش امامي أو كأنكي مازال ماتخلقتي تجاهلت اشتياقي ووحشي ليك فكل...