💛بارت 11💛
💞قلوب أرهقها العشق 💞
خنساء حنات راسها و سقرات ماجاوباتوش
يقين : أكيد كاتقولي مع بالك علاش هاد السيد مصر أنو يديني معاه لدار ولكن نبغي نبشرك بلي هادشي لمصلاحتك لأن حالتك حاالة بلاكريم و وجهك كذلك و مثال و الا مشيتي لعند ختك غاتعرفك طيحتي لاطارط و غاتسولك و نتي اكيد ماغاتقدريش تخبي و غاتقولي ليها طاحت ليا و فاش غاتشوف طارط جديدة فيديك غاتقولك منين جبتي الفلوس باش شريتها و حيت نتي ضريفة و اللي فقلبك على لسانك غاتقولي ليها بلي واحد السيد ضربني بطوموبيل فطريق هو اللي شراها ليا و فنظرك غاثيق بيك ؟؟ اكيد غادخل معاك فواحد الدوامة ديال الأسئلة اللي نتي فغنى عنها و ممكن تشك فيك و تنوي شي حاجة فشكل كيفما وقع مع مول هاد المحل و تخايلي معايا الا ساقت الخبار ماماك و باباك شنو غايكون مصيرك و ...
خنساء دارت يديها على ودنيها وغوتات
خنساء: صااافي صااافي و الله حتى عندك الحق فهادشي كاامل و هادشي اللي غايوقع أصلن انا عائلتي كتشك فأبسط الحوايج و ما غايخليوش ليا بسبان و المعيور حيت هما اصلن نكَاارة بلا قياس
يقين : و دابا مزياان اللي عرفتي مصلاحتك فين كاينة و نزيدك واحد المعلومة انا راجل ماشي ذكر باش نشوفك كجسد و نستاغلك و نديك معايا لدار و نغتاصبك بين قوسين و بما أنني اقتارحت عليك تمشي لداري حيت اولا معايا دادا ميلودة و هي المراة اللي رباتني يعني انا ماشي بوحدي و نزيدك معلومة اخرى معايا حبيبتي فدار فعلاش غاتخافي مني ؟؟
خنساء استسلمات لأمر الواقع قنعها بهدرتو حيت بصح واخا تقول لختها هاد القصة اللي وقعات ليها ماغاثيقش و غاتألف روايات و قصص من راسها و اما باباها الا ساق الخبار يدفنها و هي حية هوما اصلن ديما كيقولو ليها ماكتعرف دير والو و فنيانة وغير حالة فمها ومضبعة واللي جا يديرها بيها داكشي علاش مابغاتش تخلي ليهم الفرصة فين يحلو عليها فمهم وقررات تمشي معاه لدار باش تنقي حالتها باش مايشكوش فيها وزيد عليها قرات فعيون يقين الأمان ودارتها فيد الله و حركات راسها بالايجاب ....
مد يدو بمعنى "تفضلي" وقال جملتو شهيرة بإبتسامة
يقين : ladies first * النساء أولا *
حنات خنساء راسها بخجل وسبقاتو وهو تابعها من اللور وكيحرك راسو يمين شمال وكيبتاسم على هاد البنت البسيطة اللي حطها ربي فطريقو فتاة عفوية إستثنائية اللي فقلبها على لسانها قدر يعرف نوع شخصيتها غير فهاد الفترة القصيرة اللي بقا معاها ومن بين الحاجات اللي زادت عجباتو فيها انها نية دغيا كثيق بالواحد هو ماشي نيتو خايبة اتجاهها بتاتا ولكن ماعجباتوش السذاجة ديالها ربما هو شخص مزيان ولكن كن ربي طيحها فشي شخص قبيح وثاقت بيه كن دار فيها مابغا ...طلع نفس وعاود هبطو وكمل طريقو حتى وصل لطوموبيلتو حل ليها الباب وشافت فيه ورجعات شافت فطوموبيل اللي كانت من نوع رانج روفر و تفكرات فاش كانت جالسة فطوبيس وكتشوف هاد طوموبيلات وكتقول ياريت يجي شي نهار غير نجرب الركبة فيهم كيف دايرة وهاهي دابا غاطلع فهاد الطوموبيل اللي تمنات غير تصور حداها شي نهار " اييه سبحان مبدل الاحوال" هادي هي الجملة اللي طاحت فبالها و هي واقفة حداها ...
أنت تقرأ
قلوب أرهقها العشق 🇲🇦 (مكتملة )
Romantizmقلوب أرهقها العشق 💔 ✒️ Fatima zahra ouba : بقلم مازال عاقل فاش اول مرة جات عيني بين عينيك كان خاصني نشوفك مثلك كمثل الآخرين تجاهلتك بزااف كأنني ما كنشوفكش امامي أو كأنكي مازال ماتخلقتي تجاهلت اشتياقي ووحشي ليك فكل...
