💚الجزء 161💚
💞قلوب أرهقها العشق 💕
❤❤❤
بعد مرور اربع ساعات
ناعسة فبيتها متكية بكل راحة بعدما عاوناتها ميلودة و بدلات ليها لبساتها بيجامة بيتية صيفية عبارة عن تيشورت وردي مع كولون فالأسود و اعتابرتها بنتها ما عافت منها ما والو حيت ديجا عارفها عندها فوبيا ديال دم و دعات فمراد فنفسها اللي بسابو و صلات لهاد الحالة عطاتها واحد مسكن الألم و عندو تأثير انو كينعس و لكن مزيان نيت باش ترتاح و داكشي اللي كان نعساات لمدة اربع ساعات حتى طااح ضلام ...
تحل الباب ديال البيت فين ناعسة خنساء و دخل ببطئ حتى وصل لعندها و دار من جيهة لوخرى و تكا حداها و حنى باسها فشعرها و دار يدو تحت راسو حاضيها كيتأملها و يضحك و مرة مرة كيدوز يدو على شعرها الاسود ....
مراد: سمحيلي أ ختي بسبابي مرضتي
مراد هو داك الشخص الحنون اللي من ديما كان كيحلم تكون عندو أخت فحياتو و من ديما كان كيتمنى يلعب ليها فشعرها و يضحك معاها يحس براسو عندو ديك الاخت اللي قريبة ليه و اللي قادرة تفهمو فاش تضرو شي حاجة تقولها ليه و لا فاش تبغي تحكي لشي حد تفضفض ليه و لكن هاد الأمنية نساها من زماان و لكن فاش شاف خنساء فكراتو فيها اول بنت كيشوف فيها كأخت و كصديقة و ماشي كجسد بحال باقي الفتيات اللي تايقابلهم فحياتو ....
تحل الباب من جديد و خطوات كيتسمعو حتى قربو لسرير كيحس بحرارة ارتافعات فذاتو قلبو من جديد حرقو بحال كبيتي عليه قطرات من الكحول أما دماغو حبس و عينيه ضلمو و كيبان فيهم الشر يدو كارز عليهم ذاتو كتغزل بالاعصاب راسو ما متقبلش هاد الاحاسيس اللي كايحس بيهم كلما شاف خنساء مع مراد ...
يقين:شنو كدييير هنا
سمع مراد صوت يقين اللي ما عرفو فوقاش دخل هز عينو فيه و قال ...
مراد:كيفاش شنو كدير هنا ؟؟
يقين حاول يتهدن و قال بهداوة ....
يقين:حيد من حدا البنت و نوض بغيت نهدر معاك
مراد :هضر من تماك لاش باغيني نجي عندك ؟؟
يقين:مرااد
ناض مراد من مكانو و خطا خطوات اتجاه يقين و داير يدو فجيابو ما حس بيد يقين حتى جراتو من الكول ديال شوميز من جديد غمض عينو و عاود فتحهم و قال ...
مراد: مالك هاد نهار مع قاميجتي كل ساعة جاارني مالنا ما نخافوش
يقين : خاصك تخااف على راسك حيت الا بقيتي كتحوم على خنساء غايوقع ليك شلااا حوااايج
مراد نتر يد يقين بنطرة و خنزر حتى هو و قال بعصبية ...
مراد: و نتا مالك بغيت نفهم ؟؟
أنت تقرأ
قلوب أرهقها العشق 🇲🇦 (مكتملة )
Romanceقلوب أرهقها العشق 💔 ✒️ Fatima zahra ouba : بقلم مازال عاقل فاش اول مرة جات عيني بين عينيك كان خاصني نشوفك مثلك كمثل الآخرين تجاهلتك بزااف كأنني ما كنشوفكش امامي أو كأنكي مازال ماتخلقتي تجاهلت اشتياقي ووحشي ليك فكل...
