❤الجزء 201❤
💕قلوب أرهقها العشق 💕
خنساء حركات راسها من حداه باش يطلق من ودنها و شافت فيه ببراءة ...
خنساء:و دابا راه قربنا نوصلو للفيلا قولي واش غانمشيو للبحر و لالا
سلطان شاف فمروان و غمزو بمعنى تكلف ...داكشي اللي دار مروان شاف فشيفور و قال ...
مروان: البحر ماشي الفيلا
خنساء غير سمعات هاد الجملة و هي تحل عينيها على وسعهم و ضهرات ابتسامة عريضة على ملامح وجهها...
خنساء:شكرا بزااف سلطاانينو
سلطان شاف فيها مطولا لمدة عدة ثواني كأنه باغي يقول شي حاجة و لكن سكت و رجع راسو مغمض عينو مع ابتسامة خفيفة بالكاد كتبان على تقاسيم وجهو ...
❤🖤❤🖤
وصلو و أخيرا للبحر غير حسات بالطوموبيل وقفات فالبلاصة حلات الباب و خرجات تبعها مروان و عاد سلطان اللي نزل بشوية عليه بالكرسي ....
بمجرد ما نزلات حسات بواحد الهواء منعش ضربها لوجهها مع كان اصلن صهد كتحس بالبرودة حدا البحر بقات مغمضة عينيها لمدة عدة ثواني كتستنشق اكبر كمية من هاد الهواء المنعش اللي كيدخل للريتها و كيحيي كل خلية فيها ...
حلات عويناتها و بان ليها البحر و امواجو و واحد زروقية فيه و واحد نقاء خطير احساس الفرحة و دهشة ديال شخص اول مرة كيشوف البحر قدام عينو إحساس لا يوصف شافت فسلطان اللي كان حاضي كل تصرفاتها و قدر يفهم بلي سيدة فرحانة بزااف كأنه حلم و تحقق عينيها ملخصين كلشي ...
خنساء: شكرا بزاااف
سلطان اكتفى انه يحرك راسو بالايجاب و حول نظراتو حتى هو للبحر و كيشوف فدوك الامواج اللي كتبان ليه من بعيد تذكر فاش كان برجلو و شحال كانت كتعجبو سباحة و رياضة ركوب الامواج و يمشي بالسكوطر فالما و لكن مع الأسف الشلل و الاعاقة اللي عندو خلاتو يحس بالعجز صعيب تكون مولف حياة فشكل و تلقا راسك فوضع ما عمرك كنتي تخايلو و الاسوء من هادشي كامل بسبب شخص ما كيستاحقش تعصب و كرز على يدو و عقد الحداش فالبلاصة و لكن بمجرد ماشاف ديك الابتسامة اللي بانت على وجهها نسى آلامو نسى إعاقتو نسى ظروف القاسية اللي كايعيشها اكتفى فقط بمشاهدة خنساء و يشاركها فرحتها كأنها فرحتو و كأن روحو مرتابطة بروحها و كيحس بأحاسيسها عندو لداخل يا الله كيحس براسو غايحماق و هو كيشوف فتقاسيم وجهها و نظراتها البريئة اللي كتزلزل قلبو و تزعزعو من لداخل أحاسيس ما بقاش قادر يتحكم فيها هو براسو ما عارفش شنو هادشي كيوقع ليه و لكن ما باغيش هادشي يتوقف نهار على نهار شي حاجة كبيرة كتزيد تكبر فقلبو اتجاه هاد البنت الخرقاء اللي ما مسوقاش أصلن ...
مروان : كنظن خاصنا ندخلو للداخل أ الله على برودة كيبان ليا نضربها بشي عومة فااعلة تاركة
أنت تقرأ
قلوب أرهقها العشق 🇲🇦 (مكتملة )
Romanceقلوب أرهقها العشق 💔 ✒️ Fatima zahra ouba : بقلم مازال عاقل فاش اول مرة جات عيني بين عينيك كان خاصني نشوفك مثلك كمثل الآخرين تجاهلتك بزااف كأنني ما كنشوفكش امامي أو كأنكي مازال ماتخلقتي تجاهلت اشتياقي ووحشي ليك فكل...
