❤ الموس_______م الثاني ❤
💔 الجزء 347 💔
❤حرب الهوس🖤
خنساء: أوييلي يا المدلولة علاش تانبكي و علاااش تانبكي انا عارفة كاينة شي إن فالموضوع اه اكيد كاينة شي حاجة ما يمكنش يوهمني بلي كيبغيني لااا اكيد كاين شي غلط سلطان ما يديرهاش و لكن علاش ما يديرهاش و هو مغني و المغنيين معرووف عليهم زهو اكيد فاش غايبغي غايبغي شي وحدة اللي تيتيزة بحال روان ماشي وحدة البرص واكل وجهها اصلن استغربت حيت بغا وحدة بحالي ...
جلسات على سرير و دموع شاقين طريقهم فخدها فحين سلطان وصل روان لباب لقاو يقين مزالو جالس فسيجور هاز تيليفون ديالو كيرسم فيه من خلال واحد الابليكاسيون ....
روان: باي باي يقين
يقين سمع صوتها و التافت شاف فيها مع ابتسامة و حرك راسو بالايجاب و قال ...
يقين: غودباي و تهلاي لينا فسلطان عندنا منو غير واحد
روان شافت فسلطان اللي حاني راسو و كيحك فلحيتو ما كيقول لا طابت لا تحرقات ...
روان: نديرو فعويناتي ما تخممش حتى انا عندي غير سلطان واحد
سمع كلامها و شاف فيها مع ابتسامة و غمزها ...
يقين : الله يكمل ليكم بالخير و مبروك عليكم مرة أخرى
سلطان دور روان لعندو حتى وقفات اونفاص ليه و قرب و باسها فراسها و يقين كيشوف فيهم و يضحك عاجبو الحال حيت خوه ارتابط و خوا ليه الطريق دابا ارتاح من جيهة خنساء و عرف بلي سلطان فقد الامل فخنساء فاش لقاه خاطبها ....
سلطان: تهلاي فراسك
روان: حتى نتا يلاه غود بااي
صيفطات ليه قبلة فالهوا و عطاتو بالضهر و حلات الباب و خرجات فحين سلطان شاف فيقين بنص عين و ابتاسم و دار عندو كامل كيشوف فيه داير يدو فجيبو و نطق ...
سلطان: جابت لي تمام روان أحسن بنت عرفتها فحياتي
يقين : فرحت ليك أ خويا الله يكمل ليك بالخير واخا باين غرتي مني حيت خطبت ههه
سلطان حك حاجبو بثقالة وقال بنبرة روجولية رخيمة...
سلطان: وا غرت صراحة حيت ديتي خنساء
يقين: [بعصبية ] علاش ياكما كانت عاجبك و كتبغيها
سلطان: اه اه اه غير بشوية عليك لا طرطق انا ما كنبغي حد راسي و فيه شك غير هو خنساء بنت ضريفة و داخلة سوق راسها و مبشورة قليل فين تلقا بحالها نتا محظوظ أ خويا ربما كانت عاجباني فواحد الفترة و لكن منين فكرت مزيان عرفت بلي انا خاصني وحدة بحال روان ماشي بحال خنساء و الخطوبة من مور العرس ديال مراد راك معروض تهلا
عطاها بضهر و ابتاسم باستهزاء فحين يقين زاد تأكد بلي سلطان عمرو يشوف فخنساء الشيئ اللي خلاه يطير بالفرحة و يتاكد بلي ما كاينش اللي غاياخدها ليه و يزاحمو فيها ...
جلس من فوق الفوتوي و جبد التيليفون كيكمل رسم ديالو تصدم منين لقا راسو راسم بذرة بلا ما يشعر بعدما كان ديما كيرسم خنساء صدق خاارج فبذرة عجبو الحال و هو كيشوفها من جديد واخا ماشي فالواقع واخا مرسومة حس بيها عاطياه واحد الطاقة إيجابية جميلة جداا ما حس براسو حتى بدا يضحك على كلامها و على الالقاب اللي جالسة تعطيه تنهد و طفا التيليفون و رجع راسو لور حتى صونا ليه الفون ...
فحين سلطان طلع و حل الباب ديال بيتو و هو يسمع شهقات متقطعة باين صوتها كتبكي غمض عينو و زدح الباب بقوة غير سمعات خنساء الباب تزدح قفزات من بلاصتها و وقفات ما هي الا ثواني حتى شافتو واقف قبلاتها كيخنزر فيها ....
سلطان:علاااش كتبكي؟؟؟
خنساء: ما كنبكيش
سلطان: و زايداها بالكدوب
خنساء: [ بصوت غالباه الشهقة ديال البكا ] نتا فاش كتشوف يقين جالس حدايا و معنقني و قابط ليا فيدي كتبغي تسعر إوا و انا اللي شفتك قابط ليها فيديها و جالس تفرنس معاها كي راس المشوط و جالسة تهدر ليك فودنيك و علم الله شنو كنتو كديرو هنا
سلطان قرب ليها و حط يدو على خدها حابس الضحكة غير بزز ...
سلطان: نفهم من هضرتك بلي كتغيري ؟؟
خنساء: اوا الحب بلا غيرة كي الخبز بلا خميرة
سلطان: اش هاد الامثلة الحمقة بحالك ؟؟
خنساء: شكون هي روان و كيفاش خطيبتك المستقبلية ؟؟
سلطان: فنظرك انا نشوف فشي وحدة من غيرك أ الحمقة همم
خنساء: اوا ما نعرف لاثقة فرجال
سلطان: لا ثقة فالشمايت اما الرجال ما كايغدروش الشمايت هوما اللي تايطعنو فالضهر
خنساء: و كدب عليا بهاد الهدرة
سلطان: عمري كذبت عليك ؟؟
خنساء حركات راسها بنفي ...
سلطان: و علاش كتبكي ؟؟
خنساء: و دابا خلينا من البكا شنو كانت كتدير معاك ديك خيتي
سلطان:روان سميتها ماشي ديك خيتي
خنساء: سلطااان
سلطان: قلبو
خنساء عضات على شنايفها بخجل من كلامو و قالت ...
خنساء: بااسل نتا فخبارك
سلطان: [غمزها ] حلو أ حبيبة غير ضالماني و الله
خنساء حنات راسها غالباها الضحكة و كتحك راسها و هو يطل من لتحت عليها و قال مع ابتسامة ....
سلطان: تزوجي بيا راه و الله حتى صابر غير بزز
أنت تقرأ
قلوب أرهقها العشق 🇲🇦 (مكتملة )
Romanceقلوب أرهقها العشق 💔 ✒️ Fatima zahra ouba : بقلم مازال عاقل فاش اول مرة جات عيني بين عينيك كان خاصني نشوفك مثلك كمثل الآخرين تجاهلتك بزااف كأنني ما كنشوفكش امامي أو كأنكي مازال ماتخلقتي تجاهلت اشتياقي ووحشي ليك فكل...
