💚 الجزء 61💚
💞قلوب أرهقها العشق 💞
فصالون كبير ديال فيلا ضخمة مفرش على حقو و طريقو جالسة يسرى مع زينب حدا طبلة د الخشب منقوش عليها نقش خطيير داكشي ديال الفريع و محطوط عليها الفطور ...
زينب غير ساهية و كتخمم و تفكيرها كولو موجه لليلة البارح وكلام سراب اللي خلعها على نفسها اكثر ما خلعها على سراب و شوش على تفكيرها لدرجة ما بقات عارفة مادير شكون هو هاد الشخص هدا اللي غايبغي ينتاقم من سراب غير حيت خرجاتهم على طريق ؟؟ واش بصح ممكن يقتلها ؟؟ و لكن بما انه جرا عليها من الخدمة فراه قادر يدير حاجات أخرى ...
ما فيقها من تفكيرها غير صوت يسرى اللي جالسة حداها كتفطر ماعلى بالهاش ...
يسرى:مالك أ زمر على الصباح كتخممي غرقو ليك البابر ؟؟
زينب حدها شافت فيسرى و عاودت سهات فالفراغ الشيئ اللي خلا يسرى تعصب و ضربتها لرجليها و قالت بصوت مرتفع ...
يسرى: وا كولي أ الخرا الا غاتاكلي و بقاي حالة فمك تماك
زينب : ما عندو منين يدوز
يسرى : و دابا كولي و كلشي غايكون مزيان ا صاحبتي ما تقوليليش مزال كاتفكري فداكشي ديال البارح راه هداك غير شي ز*** سخن عليه ك*** و ناض باغي يدير فيها صعصع و الله حتى تخرجو سراب فجورنال نتي يصحابلك سراب سااهلة ليه راه عندها معارف كثييرة و انشاء الله غانعرفوه
زينب التافتت و شافت فيسرى و قالت ...
زينب : البارح سراب قالت بلي هداك اللي حل ليها الباب عيط ليها بسميتها الحقيقية اللي ما عرفها حتى واحد اللي هي "عائشة " واش نتي كنتي عارفاها؟؟؟
يسرى : ما كنتش عارفاها و لكن راه نورمال أي واحد عندو ماضي تقدر تكون بدلات سميتها بسراب باش ما تعرفش ما تقدريش تعرفي ضروفها كيف دايرة ...
زينب : انا خاايفة أ يسرى و الله ما عرفت شكون هدا راه كنحس براسي غانحماق
سمعو صوت سراب اللي كانت واقفة من فوق راسهم و تقريبا سمعات حديثهم كامل ...
سراب:ما عندك لاش تحماقي أ زينب و ما كاين اصلن علاش غاتحماقي [ تنهدات و كملات كلامها ] غادي نخوي البلاد أ البنات
زينب و يسرى ناضو من فوق السداري مصدومين و علامات دهشة معتارية ملامح وجههم...
يسرى : ك..كيفاش غاتخوي البلاد أ سراب هاد ضحك الله يعطيك الستر ما ديريهش معانا
سراب ضحكات بإستهزاء و صرطات ريقها بصعوبة كتحاول تحبس الدموع اللي تجمعو فعينيها خاصهم غير ينزلو ...
سراب: يا ريت كن كنت كنضحك أ يسرى إلا كنت فقدت خدمتي ما نقدرش نضحي بروحي خاصة مور داكشي اللي وقع ليا البارح راه و الله ما بقيت قادرة نستحمل حلم سنين اللي كنت كنتقاتل باش نوصل ليه بكلمة وحدة من هاداك ز*** اللي سلاط عليا تهدم فثااانية و هادشي كولو بسباب من ؟؟ هاا جااوبوني بسبااب من [ شافت فزينب اللي تكمشات ] بسباابك نتي أ الق*** ندمت نهااار دخلتكم اناا لهاد دومين
أنت تقرأ
قلوب أرهقها العشق 🇲🇦 (مكتملة )
عاطفيةقلوب أرهقها العشق 💔 ✒️ Fatima zahra ouba : بقلم مازال عاقل فاش اول مرة جات عيني بين عينيك كان خاصني نشوفك مثلك كمثل الآخرين تجاهلتك بزااف كأنني ما كنشوفكش امامي أو كأنكي مازال ماتخلقتي تجاهلت اشتياقي ووحشي ليك فكل...
