💝الجزء 285💝
💕قلوب أرهقها العشق 💔
🌥🌥🌥تسللت أشعة الشمس الدافئة لبيتها .. ضوء خافت يكسر ظلامها.. يتطفل على نومها الهنيئ.. ويقاطع أحلامها اللي كاع ما مفكراها .. نعم.. إنه يوم جديد.. صباح جديد.. فرصة جديدة بآمال جديدة..
فاقت حالة عين و لوخرى ساداها مغص فكرشها و حريق فراسها صحتها مطحطة عليها و جاياها تقية ناضت بسرعة للحمام كترد حتى بغا يخرج ليها حلقها تكات على الحيط و كتحس بدوخة شكات فالدورة الشهرية داكشي علاش دارت فوطة صحية و بدراع باش خرجات من الحمام و تكات على ناموسيتها و غمضات عينيها على الله تحظى بنوم هنييئ و تفيق و تلقا هادالوجع زال ....
حسات بشي حد كيحاول يفيقها بدراع باش حلات عينيها و شافت شكون لقات ميلودة ...
ميلودة:نزلي ابنتي تفطري
حركات راسها بنفي و قالت ...
خنساء: ما بغيتش مريضة كرشي ضاراني
ميلودة: ليغيكل ؟؟
خنساء حركات راسها بالايجاب و رجعات نعسات على الله يخف هاد الحريق اللي كتحس بيه كيقطع فيها بقوة الالم كتنتف راسها اللي عاطيها حتى هو حريق رهييب ...
دازو عدة ساعات و هي مستلقية على الفراش و صابرة على داك الحريق و فعلا كتحس بشي حاجة سخونة نازلو منها عرفاتها هي أصلن حريقهااا هداك ما يخفاش عليها حتى جابت ليها ميلودة دوا عاد حسات بالحريق كيخف شوية بشوية و لات ضروري خاصها تشربو باش عاد كتدير لابس ....
حسات بشي حد كيمرر يدو على شعرها فتحات عويناتها و دارت بتثاقل لقات سلطان كيبتاسم ليها غير شافها بدا يضحك عليها ...
سلطان: صباح الخير نعاااسة
خنساء: صباح الخير
سلطان: مالك باش مريضة ؟؟
خنساء: مريضة و صافي
سلطان: منين جبتك و نتي سادة عليك و بغيتك تعطيني دروس باش نتعالج زعما
خنساء: (كتكلم تعباانة ) واااش نتا ما غاتبعدش مني راك تعالجتي و رجعتي تفرنس و تهضر و كتهبط عند العائلة و تاكل معاهم شنو بغيتي أكثر أسميتك
سلطان: مزال ما درت العملية دونك مازال ماعالجتيني مية فالمية
خنساء: و نتا بغيتي تبقى معدب أنا أش دخلني عييت نقولك بلي هادشي قضاااء و قدر و هادشي اللي كدير فيه كيتسمى الموت البطيئ نتا مزال عندك فرصة باش توقف على رجلك و ما خاصكش تيأس واخا ما تنجحش ليك العملية خاصك تعاودها و تعاودها و تعااودها حتى تنجح و دير يقينك فالله عاودت ليك هاد الكلام مية الف خطرة و نتا والو راسك قصح من الحجر شنو نديرلك انا نتا راك غاتولي صحيح و انا غاترضني كانلوح حوايجي على العموم باغا نعس
سلطان: نعسي شكون حيد ليك
خنساء: و دابا واش باغي تسطيني
سلطان : نتي اللي راك سطيتيني و هبلتيني منين خرجتي ليااا
خنساء: باك و خوك اللي قلبو عليا و جابوني ليك
سلطان: حالفين فيا داكشي علاش
خنساء:دابا فعوط ما تشكرني جالس تعاير فياا و دابا خليني نعس و الله حتى عيانة نتا عاد راشقة ليك تجمع
سلطان: حتى نتي كان عزيز عليك تفرعي ليا راسي نسيتي و لا نفكرك
خنساء: وا كنعتدر كنعتدر
سلطان: واا نوضي عالجيني أ المعالجة ديال وااالو
خنساء: سلطاان عفاااك خليني نعس هااا العااار
سلطان:نهار كامل و نتي ناعسة ما عييتيش
خنساء:واش كاين شي حد كيشبع من نعاس
سلطان: خصوصا من مور السكرة كاتجي واحد النعسة حلوة
خنساء :(باستغراب ) اينا سكرة نتا عاود؟؟
سلطان عرفها ما مفكرة والو حط يدو على فمو كايضحك و قال ...
سلطان: والو انا غير كنهضر
خنساء: هي قولي مواالف السكرة
سلطان: ما نكونش بحالك
هز راسو كيشوف فالسقف و كيموووت بالضحك و هي حراام واش فهمات شي حاجة ...
خنساء: منين جيتي و نتا تفرنس مالك ؟؟
رجع شاف فيها كيحاول يجمع الضحكة ....
سلطان: ياك كتعجبك الضحيكة ديالي ولا لا ؟؟؟
خنساء:شكون هاد الكدااب اللي قالها ليك
سلطان: نتي اللي قلتيها
خنساء: فين عمري قلتها ليك واش كتحلم
سلطان: ربما نكون كنحلم بحال والو
خنساء: واش شارب شي حاجة
سلطان: شارب غير الموناااضااا
أنت تقرأ
قلوب أرهقها العشق 🇲🇦 (مكتملة )
Romantiekقلوب أرهقها العشق 💔 ✒️ Fatima zahra ouba : بقلم مازال عاقل فاش اول مرة جات عيني بين عينيك كان خاصني نشوفك مثلك كمثل الآخرين تجاهلتك بزااف كأنني ما كنشوفكش امامي أو كأنكي مازال ماتخلقتي تجاهلت اشتياقي ووحشي ليك فكل...
