💚الجزء 71💚
💞قلوب أرهقها العشق 💞
ضحكات بشر و رجعات جلسات مغمضة عينيها ...
أما زينب خرجات بخطوات ثقيلة من الفيلا دماغها ماشي معاها كلشي تجمع عليها هزات راسها قشعات طوموبيل ديالو و يقين متكي على القدام ديال طومو كيكمي و يصوط دخان بمجرد ما لمحاتو ابتاسمت و تمشات لناحيتو حتى وصلات لعندو فنفس الاثناء هز راسو طلعها و هبطها و صفر و قال عاض على شنايفو ...
يقين : لبستك مق** أبنت ناس نتمنى تكوني كتعرفي تديري خدمتك بحال كيف كتختاري حوايجك
قرب ليها و خطف قبلة من خدها ابتاسمت و شافت فيه بثقة و جاوباتو ...
زينب: هانتا غاتجرب و تحكم
يقين لاح الكارو فالارض و زطم عليه من بعد مشا حل الباب ديال شيفور و خلاها واقفة كتشوف و قال ...
يقين: طلعي
زينب ما عجبهاش تصرف ديالو حيت هي مولفة برجال كيفششوها و لكن يقين كيعاملها بحال شي إنسان دون قيمة بحال كيبغي يبيبن ليها بلي راه فغيمون غير مدوز بيها الوقت و ما تطمعش فما أكثر ..
زينب : اوا حل ليا الباب كتبان فيك زعما جنتلمان صدمتيني فيك
يقين حك ذقنو و جاوبها ببرود مع ابتسامة ...
يقين : على حد علمي ل bitchs ما كايعاملوهمش بجنتلمانية طلعي
طلع و خلاها غاتاكل ريتها علاش باغي يذكرها بلي هي عاهرة صحة هو اكثر واحد ربما تمنات يعاملها بحنان و بلطف طلعات و هي كاارهة الموقف اللي تحطات فيه ديمارا و قلع لوجهة عارفاها مزيان وجهة غاتحقق فيها أمنيتها و هي وجهة غاتفقد فيها شرف ديالها و لكن كتحس برضا من هاد الأمر ضهرات ابتسامة على شنايفها و ضارت كتشوف فيه و كتمعن فملاميحو اللي من سنين طويلة و هي كتشوفهم غير فالانستغرام معقول تكون كتبغيه و لا هو مجرد إعجاب تحول لمرض و بغات ترضي غريزتها الجنسية معاه هو بالضبط من يدري ؟!
وقف يقين الطوموبيل حدا واحد العمارة حيد حزام السلامة و شاف فيها ..
يقين:وصلنا
زينب:ماحسيتش بالوقت
يقين:نزلي
بغا يحل الباب وهو يسمع صوتها ...
زينب:علاش انا بالضبط أ يقين
التافتت عندها وقال باستغراب
يقين:كيفاش؟؟
زينب: علاش انا بالضبط اللي بغيتيني علاش ماشي وحدة اخرى
يقين : [ تنهد طلعها و هبطها بعويناتو و جاوبها ] شي حاجة فيك كتفكرني فواحد الانسانة
أنت تقرأ
قلوب أرهقها العشق 🇲🇦 (مكتملة )
Romanceقلوب أرهقها العشق 💔 ✒️ Fatima zahra ouba : بقلم مازال عاقل فاش اول مرة جات عيني بين عينيك كان خاصني نشوفك مثلك كمثل الآخرين تجاهلتك بزااف كأنني ما كنشوفكش امامي أو كأنكي مازال ماتخلقتي تجاهلت اشتياقي ووحشي ليك فكل...
