❤الجزء 81❤
💞قلوب أرهقها العشق 💞
حشات تيليفونها تحت راسها وغطت في نوم عميق لعل وعسى ترتاح وتنسى الهموم ديالها ...
🕖🕖 الساعة تشير الى ثامنة مساء ...
حسات بشي صوت غااارق كينادي "خنسااااء؛ خنساااء"
بدات كتحل عويناتها حتى تلاقاو مع عيون ياقوت اللي بانت ليها لابسة قميص د جوهرة ومأنتكة على الحال ودايرة مجوهراتها و واقفة عليها...
خنساء:شنو بغيتي
ياقوت:وااا نوضي أصاحبتي تلبسي الله غايكفيك الوقت
خنساء:أووف وااخا
ناضت ودخلات للحمام غسلات وجهها وكتشم ريحة دجاج قالبة دار اتاجهات للكوزينة لقات ماماها مسكينة غارقة فالطياب ...
خنساء:تباارك الله هادشي غير من ريحتو باين كيشهي
منانة:اوا قولي تبارك الله لا تمشي تعينيني
خنساء:أ لالا ما يصحابش ليا غاتكونو فرحانين بيا حتى لهاد الدرجة صدمتوني صراحة ؛ فين هو بعدا الواليد
منانة:راه فالبيت كيصلي
خرجات من الكوزينة وهي تسمع دقان فالباب عضات على شنايفها وخطات خطوات مسرعة فاتجاه البيت بزربة زهقات ليها رجليها حدا دخلة د الباب ديال بيتها جات جالسة على مؤخرتها ...
خنساء:اااح
ياقوت:يااااا خنساء بنتي واش ماكتشوفيش
عوناتها تنوض و خنساء خلاص قابطة فضهرها كتحس بمؤخرتها كتوزز سي نورمال و هي طاحت عليها على حر جهدها ...
خنساء:و فال زييين هدا
ياقوت:دخلي دخلي راني وجدت ليك كلشي غانمشي نحل الباب
دخلات خنساء لبيت ولقات زينب كتشوف فيها و قالت...
زينب:تقصحتي؟
خنساء:شوفي على زهر عاد قبيلة دعيت على هاد عصام بشي تهريسة و انا اللي كنت غانتهرس آخر مرة ندعي على شي حد
زينب ابتاسمت ليها وجاوباتها ...
زينب:إنقلب سحر على الساحر
خنساء:وييه هانتي تشوفي
تسمع صوت رجولي فالأرجاء أكيد غايكون صوت عصام اللي كيهضر مع الأب ديالها صوتو قااصح و مرتفع لدرجة كيتسمع عندهم حتى لبيت ؛ خنساء جمدات فبلاصتها وشافت فزينب ...
خنساء:ها هو جا داك الزلايلي تفووو
❣❣❣
جالسين فالصالون الأب عبد العزيز كيهضر مع علال اللي لابس جلابة خفيفة مع طربوش رجالي جاي معاه وسبحان الله نور كيمشي من وجهو أما زهرة أم الخطيب إمرأة فحدود ستينات باينة فوجهها إمراة طيبة لابسة جلابة نسائية هي الاخرى مع زيفها ....
أنت تقرأ
قلوب أرهقها العشق 🇲🇦 (مكتملة )
Romanceقلوب أرهقها العشق 💔 ✒️ Fatima zahra ouba : بقلم مازال عاقل فاش اول مرة جات عيني بين عينيك كان خاصني نشوفك مثلك كمثل الآخرين تجاهلتك بزااف كأنني ما كنشوفكش امامي أو كأنكي مازال ماتخلقتي تجاهلت اشتياقي ووحشي ليك فكل...
