قلوب أرهقها العشق 🇲🇦 (مكتملة )

الجزء 27

💓الجزء 265 💓
💕قلوب أرهقها العشق 💕
💗💖💗
بدات كتحل عويناتها و الفاصمة ضايرة على راسها ألم رهيب كيقطع فجسدها الهزيل كتفتح عويناتها و تعاود تسدهم حيت زعجها الضوء الأبيض اللي شاعل فوق راسها ما عارفة راسها لا فين هي و لا شكون هي و لا شنو كدير هنا ؟! ....
كان جالس فالكنابي اللي حدا سرير فاروق الشخص اللي وصلها لهاد الحالة و قاسها بالطوموبيل شكون من غيرها زينب ابنة خالة خنساء  اللي فقدات ذااكرتها و ما عارفاش لا شكون هي و لا شنو كتكجدر فهاد الغرفة البيضاء المتواجدة في المستشفى ....
لمحها فاروق كتعافر باش تحل عينيها ناض فالبلاصة خرج عيط للطبيب سمعات شي حد حل الباب و لكن ما عارفاش شكون هو و لا شنو واقع و لا شكون هي  ما عارفة حتى حاجة ألم رهييب كيقطع فرااسها و طنين خطيير فودنييها بقوة الحريق شدات على راسها و غمضات عينيها مجددا ....
ما كاملاش حتى خمسة دقايق دخل الطبيب مع فاروق وقف على راسها هاز واحد البيل فيدو كيحاول يفتح ليها عينيها و حتى هي فتحاتهم بسرعة و هو بدا كيشوف ليها فعينيها بداك البيل  و ردو لجييو و شاف ففاروق و حرك راسو بالايجاب  كدليل على أنها مزياان ...
زينب : ش..ش...شكون نتوما
طبيب دار يدو فجيبو و قال ...
طبيب: شنو سميتك ابنتي ؟؟؟
زينب  كتعافر باش تنوض من مكانها وألم رهيييب فراسها و شادة فيه و كتأوه بألم ...
زينب: اااخ راااسي ااااه
كتعض على شنايفها و كتألم ....
طبيب : غادي يفوتك الحريق بالمهدئات نتي درتي حادثة خطييرة  و تقاسيتي فراسك و لكن ما تخافي من تاحاجة الفحوصات كلها كتقول بلي نتي مزيان [ شاف ففاروق و رجع شاف فيها و كمل]  و دابا خاصك تجاوبيني على سؤالي شنو سميتك ؟!
زينب شدات على راسها و كتحرك راسها بنفي كتحس بدماغها صفحة بيضة ما عارفة تا  وزة تا معلومة صحيحة ما عندها فدماغها شكون هي و شنو كدير هنا و شنو فائدتها فهاد الكون ما عارفة حتى حاجة بحال شي بيبي صغيييير الفرق لي بينها و بينو هي اللغة اللي كتقدر تواصل بيها ....
📌📌
من الغريب في مرضى فقدان الذاكرة، أنهم وعلى الرغم من نسيانهم تفاصيل حياتهم بأكملها وهويتهم الحقيقية، إلا أنهم قادرون على التحدث بلغتهم الأم، ولا تُمحَ تفاصيل وحروف اللغة من ذاكرتهم.
فمريض فقدان الذاكرة لا ينسى بعض التفاصيل من حياته مثل: القراءة، الكتابة، قيادة السيارة، لغته الأم. إذ قسم العلماء ذاكرة الإنسان إلى نوعين: ذاكرة تقريرية، وذاكرة مهارية.

ذاكرة التقريرية هي اللي  كتخزن معلومات وحقائق عن الإنسان وحياته، ومسؤول عنها الفص الصدغي في الدماغ.
أما الذاكرة المهارية هي اللي كتخزن المهارات  التي يكتسبها الإنسان مع الحياة، مثل القراءة والكتابة والكلام والقيادة، وتعتمد هذه الذاكرة على عدة مراكز في الدماغ مثل المخيخ واللوزة الدماغية.
لذلك، فإن الإصابات التي تتعلق بالذاكرة التقريرية، لا تؤثِّر على المهارات التي يكتسبها الإنسان خلال حياته، من ضمنها الكلام واللغة التي تعلمها خلال حياته، بمعنى أن مريض فقدان ذاكرة يعلم جيداً طريقة ربط الحذاء، في حين أنه لا يعلم بالضبط ما هو الحذاء.
📌📌
زينب بغات تجاوبو و لكن ما عارفة والو  كلشي ممحي من ذاكرتها ...
زينب: م..ماعرفتش ماااعرفتش [ شدات على راسها كتحاول تفكر والو ركبها سعر مع داك الحريق اللي عندها فراسها بدات كتغوت و تبكي حتى بح حلقها ] مااااا عرفتش مااااعرفتش علاااش انا ما عاقلة على والو شكووون انا شنو كندير هنا علاش جيت لهنااااا
طبيب كيحاول يهدنها و لكن والو غير كتبكي و ضرب فراسها بيديها ولات كيف شي مسعورة
طبيب: تهدني ابنتي تهدني الله يرضي عليك كلشي عندو الحل واش متأكدة ما عاقلة على والو على حياتك
زينب  غير كتبكي و كتحرك راسها بنفي اصعب إحساس هو تفقد الذاكرة و ما تعقلش على تفاصيل حياتك و لا شنو كتدير فالعالم...
طبيب عطاها مهدئات و بقى معاها هو و فاروق حتى داها نعاس و خرج من الغرفة مع فاروق و قال ...
طبيب: كيفما كنت متوقع أن هاد الآنسة فقدات ذاكرتها بالكامل ولات صفحة بيضة
فاروق غير كيحك فلحيتو و كيفكر ربي جاب ليه دجاجة بكامونها و محااال يفلتها ...
طبيب: حتى من البيبي اللي كان عندها فقداتو غالبا غاتكون مزوجة كنتساءل فين غايكونو عائلتها اللي ما واقفينش معاها
فاروق: فوقاش نقدر نخرجها
طبيب: من غدا بإمكانك تخرجها
فاروق :بلا ما تهدر ليها على البيبي و لا على طاح ليها  انا غانتكلف بكلشي و بحلاوتك البنت انا نتكلف بيها
طبيب حرك راسو بالايجاب و مشا بحالو و خلا فاروق كيشوف فيها من زاجة كيف ناعسة بهدوء دار يدو فجيابو و قال ...
فاروق: زينب يااا زينب  طحتي بين يدي و ما غانفلتكش