🖤الجزء 141🖤
💞قلوب أرهقها العشق 💞
حطات يديها على جبهتو لقاتو طااااايب شهقات و التافتت بسرعة شافت فميلودة ...
وفاء : ولدي طااااايب أ ميلودة عيطي لمروااان دغيااا سربي
خرجات ميلودة كطير و مشات كدق فالباب ديال البيت ديال مروان اللي هو الممرض اللي مكلف بحالة سلطان ...
ميلودة:مروااان حل اولدي حل
ما كملاش ثواني حتى حل الباب شاب فثلاثينات من عمرو وسيم شكلا لحية مطراسية عوينات فالمارون شعرو مقاد و صحيح و أسمر لابس غير كيطمة رياضية و ضاهر انو عاد خرج من الدوش ....
مروان : نعام أخالتي ميلودة
ميلودة :عتق اولدي راه سلطان طاالعة ليه سخانة بزااف عفاك شوف مالو
فالبلاصة درم فيها و مشا كيطير حل الباب ديال بيت سلطان و لحقات عليه ميلودة لقاو وفاء جالسة حداه كتبكي اما هو راه مغيب عن العالم الخارجي و كينين بصوت متقطع ويقول ...
سلطان:ب..بغ...بغيتها ض...ضحكتها زوينة
فالبلاصة مروان حط يدو على جبهتو لقاه ماشي غير طايب الا زادت سخانة غير شوية يفقدوه فمرة فالبلاصة دخل للحمام و خرج كرسي متحرك خاص بالاستحمام رجع و هزو من نصو بصعوبة و ضور يد سلطان على عنقو و حملو بصعوبة حتى وقفو و هو معنقو من خصرو حطو فالكرسي المتحرك و حيد ليه التيشورت ديالو بقا عااري من الفوق و شاف فميلودة و غوت بسرعة ....
مروان : حلو ليا الباااااب ديال الحمام دغيااااا
دفعات ميلودة الباب حيت كان ديال سكة و يديها كيترعدو دفعو بالكرسي المتحرك للداخل ديال الحمام الكبير و المجهز بجميع لوازم الاستحمام هز الرشاشة اللي كانت معلقة فالحيط شاف فسلطان اللي كان راد راسو اللور باين فيه مسخسخ و عيااان ديال بصح كيموت حل الما بااارد و هو يتطلق فرشاشة و ضار مروان حتى جا من مور الكرسي و طلقو علييه حتى قفز سلطان من مكانو و لكن خاصو ضروري يدير ليه الما بارد باش تنخافض درجة الحرارة بقا على ديك الوضعية و ميلودة و وفاء واقفين حدا الباب ما عارفين ما يديرو ليه خصوصا وفاء اللي كتحس بكبدتها كتشواا على ولدها الوحيد اللي هو قطعة من روحها كتألم أضعاف مضاعفة مقارنة بيه ....
هز مروان راسو شاف فميلودة و قال بسرعة ....
مروان:جيبي ليااا الما بااارد و دير فيه الخل عفاك
خرجات ميلودة من الحمام و هبطات فالدروج دخلات للكوزينة لقات منار الخدامة اللي كتعتابر طباخة العائلة فعمرها 28 عام بنت شابة و لكن مزيونة شعرها طويل و رطب فالمارون عندها حقها من زين عويناتها كبار فالبني بيوضة و عندها طاي زوينة كتعتابر من امهر لي شاف اللي كاينين فالمغرب كانت عاطية بضهر كتقطع فطوماط سوريز كتقادها فلاصالد حتى كتسمع صوت ميلودة ....
أنت تقرأ
قلوب أرهقها العشق 🇲🇦 (مكتملة )
Romanceقلوب أرهقها العشق 💔 ✒️ Fatima zahra ouba : بقلم مازال عاقل فاش اول مرة جات عيني بين عينيك كان خاصني نشوفك مثلك كمثل الآخرين تجاهلتك بزااف كأنني ما كنشوفكش امامي أو كأنكي مازال ماتخلقتي تجاهلت اشتياقي ووحشي ليك فكل...
