قلوب أرهقها العشق 🇲🇦 (مكتملة )

الجزء 42

❤الجزء  411❤
خنساء صرطات ريقها بصعوبة و هزات عينيها كتشوف فيهم واااحد واااحد لقات كلشي كيشوف لجيهتها و رجعات شافت فماها اللي باين فيها غاطرطق معصبة بلا قياس و صدرها كيطلع و ينزل ...
خنساء: و..ونتي كي درتي عرفتي ؟؟
منانة : [ دارت يديها من فوق راسها ] وااااا ميمتي وااا قالها لينا راسو جيت نشوفو كيف ناس و نديرو صواب و نديك معايا لدار حيت طولتي فالجلاس عند هاد ناس و هادشي ما هو من تقاليدنا ما هو من عاداتنا اوا كنا جالسين نشربو كاس ديال اتاي حتى دخل داك المسخوط شااد لواحد خيتي فيديها قال لباه و مو غانتزوج بسوسن حيت حاملة ببنتي انا طاح ليا الكاس ديال اتاي من يدي سلق ليا لحمي اوا و نضت عطيتو و شاااطيتو
خنساء: أ مي راني عارفة هادشي و دابا غير بلا ما تعصبي كلشي غايتحل بالعقل
منانة : غاتمشي تجيبي حوايجك و تزيدي قداامي مااا كاين ما ولكن ما كانعرف لا عقل لا كسدة لا رااس  و رااااه ساااليتو عرفتي شنو هو كان خاطبك و صدق عندو مراة اخرى فالحرام محملها رااااه كن صبت نغزو بسناني
فريد: أ لالا منانة غير جلسي و غانتفاهمو
منانة دارت عندو و دايرة يديها فجنابها ...
منانة : أ سيدي ما بقا لينا فين نتفاااهمو هدا  لعب البراهش نتا اسي فريد الله يعمرها سلعة و لكن هادشي اللي دار ولدك ماشي ديال رجااال كيفاااش مواعد بنتي بزواج باش فالتالي يصدق باغي يتزوج بأخرى دار ربي الخير اللي ما تزوجاتوش بنتي انا من نهار لول منين شفت داك الوشامات فصحتو مابغيتوش و لكن بان ليا ولد ضريف و حاني راس و لكن هايهاي خلاوها ماليها دوز على الواد الهرهوري لااا تدوز على سكوتي ما بقيت ثقة فهاد الزمان
خنساء: أ مي اصلن انا و يااه سااالينااا و فسخنا الخطوبة
منانة دارت عند بنتها و طلعات كمامة جلابة ...
منانة : يااا نتوما وليتي تخطبو و تفسخو رااسكم  بلا خبارنا حنا هنا قرودة قداامكم
خنساء: و راه ا مي حتى انا عرفت غير هاد نهار و كنت باغا نعيط ليك و الله
منانة : شفتك ولفتي الجلسة هنا يا بنت كرشي من اليوم تعاااودي تخطي خطوة لهاد الدار  غانتفاهم مع طااسيلتك يالاه دوزي قداامي
خنساء: و اامي غانمشي و لكن انا صافي ساليت معااه و حنا اصلنا ما تفهمنااش و دابا الا بغا يتزوج شغالو هدااك
منانة : و راااه كان خاااطبك خاااطبك و جا عند رجلي كيتكتف و كيزااوك باش نعطيك ليه باش فالتالي يجيب ليك مراة بكرشها لفمها اميمتي على شوهتي يااا ميمتي
فريد : و الله ما عرفت ما نقول  ليك كنعتادر بنيابة على ولدي أ الحاجة انا براسي تفاجئت بحاالك

منانة : ما بقا كلام أسي فريد فسختو البيع دابا [ شافت فيقين ] ونتا الله ياخد فيك الحق كيفما تفليتي على بنتي
يقين : انااااا ما تفليتش عليهااا و ما عمري ما تفليت عليها
منانة : و شنو كاتسمي هادشي اللي درتي اسيهم يقين
يقين : أ الحاجة كنقسم ليك بلي كنت كنبغي بنتك و مزال  سوسن كنت معاها قبل ما نعرف بنتك و قدر الله و ما شاء فعل ما كنتش متوقعاها حتى انا براسي عاد اليوم عرفت وااش نلوح هاد بنت نااس و هي حاملة ببنتي
منانة :اصلن باينة عليك كتفلاا على بنات ناس لعنة الله و عليك  ما كانش خاصني نعطيكم بنتي من اللول ما تستاهلوهاش
خنساء: مي الله يرحم الواليدين الا ما تهدني
منانة : اش غانتهدن ااااش و اااا الله يعطيني شوية من بروودية دمك أبنتي الله يعطني غير شوية دابا دوزي قدامي مااا بقا ليك ماااديري هنا هاد الطاسيلة غاتضربي عليها نهار تعتبي بابهم نسخط على مك يالاه قداامي
خنساء بردو ليها اليدين مع رجلين و قلبها ضرها من كلام مها وعارفة مها جلاخة فاش كتنوض ما كتعقل على حتى وااحد  و الا قالت كلمتها و الله ما تنزلها لارض و لكن دابا واش غاتمشي معاها و ما غاتعاودش تشوف سلطان ما قدراش تستوعبها ...
خنساء:و تسناي امي غير نجيب حوايجي و نجي
منانة : يالاه هي دابا
خنساء دازت من حدا مها  حتى وصلات عند سلطان كترجاه بعينيها باش يدير شي حاجة هو كان غير كيشوف و كيدرس و كيفكر شنو غايقول و شنو غايدير الا كانت هي كتالم حيت غاتبعد عليه هو راه كيتألم أضعاف مضاعفة كانهم كايقولو ليه غانحيدو ليك الاوكسيجين ....
❤❤❤
عندما تدمن شخصا  ستتألم كثيرا إن غاب عنك لحظة وااحدة 💔
❤❤❤