❤ الموس_______م الثاني ❤
💔 الجزء 390 💔
❤حرب الهوس🖤
يقين رمش بعويناتو فيهم و حس بقلبو تزير عليه و باين فيه معصب مكره مغدد لدرجة لونو الابيض تحول لاحمر بكثرة الاعصاب اللي ركبوه فهاد اللحظة موجه نظرات حادة لجيهة خنساء اللي كتبادلو هي الاخرى نظرات فشي شكل عمرو لمحهم فعويناتها اللي كيجننوه ..
يقين : [ كيتكلم ضاغط على حروفو كلماتو ] شنوووو كتديري هناااا بلا خباااري ؟؟؟ و شنو كنتي كتديري معاااه ؟؟؟
قرب ليها و زير على يديها و جرها لعندو ...
يقين : أجي معايا خاصنا نهضرو
سلطان : غير بشوية على البنت فهم بعدا شنو واقع
خنساء طلقات من يدو و شافت فسلطان اللي غمزها دوز ليها ميساج باش ما تعصبش و ما تبين حتى حاجة و رجعات شافت فيقين اللي غير حاضيها ....
خنساء: كنت غانقولها ليك غير ما جاتش الفرصة و نتا شنو كتدير هنا؟؟؟
يقين :داكشي اللي جيتي ديريه هنا حتى انا جيت نديرو
خنساء: يعني بجوح بينا غالطين حتى نتا ما قلتيش ليا بلي كاين هنا دونك ها واحد لواحد خرجنا تعادل [ غمزاتو ]
يقين : واخا و لكن فين كنتو ؟؟؟
خنساء ربعات يديها مع إبتسامة جاوباتو ..
خنساء : كنا كنوجدو ليك مفاجأة و سبحان الله كنا نيت غانمشيو عندك للفيلا ديالك و لكن منين نتا كاين هنا فرصة زوينة هادي [شافت فسلطان ] و سلطان اللي موجدها ليك
يقين صغر فيها عينيه دوخاتو ما بقى فاهم والو ...
يقين : ما فهمتش
سلطان تقدم لعندو حتى تلاقاو عينيهم و قال مع إبتسامة إستفزاز ....
سلطان : انا نفهم لخوياا
جبد من جيبو سوارت و لاحهم لمراد اللي حتى هو واقف ما فاهم كاع اش واقع بيناتهم ....
سلطان: حتى تجيب روان معاك
شاف فيقين ...
سلطان: ممكن تعطيني سوارت ديال طوموبيل ديالك نوريك شي حاجة ؟؟
يقين : واخا ما فهمت والو من هادشي but ...[ جبد سوارت من جيبو و مدهم ليه ] هاك نشوفو هاد السوربرايز
سلطان :صراحة السوربرايز كنت عوال عليها حتى لمور عرس مراد و لكن كيقولو الخير فوقتما جا كينفع [ مد يدو ] تفضلو
يقين شد فيد خنساء اللي حتى هي غير طبقات شنو قال ليها سلطان ما زادت ما نقصات ما عارفة كاع اش تايخربق و على إينا مفاجئة تايدوي ....
❣❣❣ بعد مرور ساعة و نصف ...
سلطان كان سايق و يقين و خنساء لور هاد الاخيرة اللي غير حاضية طريق و سااهية و كتخمم أشمن صدمة غاتلقا ثاني الحاجة اللي عارفة هي يقين ما غاتكملش معاه و غاتفسخ خطوبتها معاه و لكن سلطان طلب منها حتى تعرف السر الثاني عاد ديك ساعة تفسخ خطوبتها معاه رسمياااا حسات بيه حط راسو على كتفها تنهدات و بقات على نفس وضعيتها يقين عندها عزيز بزااااف و كن ما هو ما توصلش لسلطان واخا كاتقول كرهاتو و لكن بداخلها ما قادراش تخلى عليه و الا كان بإمكانها تعاونو غاتعاونو خنساء عمرا تفكر تعض اليد اللي تمدات ليها داكشي اللي دار كامل غير باش تبقى بجنبو و يحافظ عليهااا معاه و لكن نسى بلي حبل الكدب قصير و ما بني على بااطل فهو باااطل و ما يمكنش نجبرو شي شخص يبغينا حولات نظراتها لسلطان و ابتاسمت و كتقول مع نفسها كن ما كانش سلطان فالوجود كان ممكن تعطيه فرصة و لكن سوارت قلبها عند سلطاانينو بوحدو و مستحيل شي حد يفتحو من غيرو ....
حسات بيد يقين مزيرة على يديها و هز راسو بشوية شاف فيها مع دوك العوينات الخضيضرين كيبان ملاك فهيئة إنسان ...
يقين : بب مالك ساكتة ما موالفاش ليك
خنساء: ما لقيت ما نقول
يقين : ما عندكش شي فكرة فين غادي بينا سلطان ؟؟
خنساء حركات راسها بنفي ....
خنساء: بحالي بحالك علم الله فين داينا داك خوك
ما هي الا دقائق قليلة حتى حبس اللوطو قدام عمااارة فوسط حي رااقي و زوين ....
سلطان: بإمكانكم تنزلو
خنساء: انااا بقا فيا غي داك الثلج اللي ما فرحتش بيه تفووو
يقين هز يديها باسهاا و قال ...
يقين : المرة الماجية نمشي غير انا و ياك أ حبيبي واخا
سلطان : هادشي الا بقات المرة الماجية
حل الباب و قال ....
سلطان: المفاجأة فإنتضارك أسي يقين
أنت تقرأ
قلوب أرهقها العشق 🇲🇦 (مكتملة )
Romanceقلوب أرهقها العشق 💔 ✒️ Fatima zahra ouba : بقلم مازال عاقل فاش اول مرة جات عيني بين عينيك كان خاصني نشوفك مثلك كمثل الآخرين تجاهلتك بزااف كأنني ما كنشوفكش امامي أو كأنكي مازال ماتخلقتي تجاهلت اشتياقي ووحشي ليك فكل...
