💕الجزء 101💕
💞قلوب أرهقها العشق 💞
❣❣❣❣❣بعد مرور 15 اليوم
دازت 15 اليوم بسرعة البرق ما فيها حتى جديدة من غير خنساء اللي بدات الخدمة و بدات تولف عليها كتمشي من الثمنية د صباح حتى لستة د العشية و مع الطوبيسات كتوصل لدار حتى لثمنية كتاكل و تنعس و هاكا دازو عندها الايام روتين قتلها حتى من يقين ما بقاتش دخل عندو لإنستغرام ولات كتبغي غير تنعس ولفات الخدمة و اكتاشفت بلي دماغها خفيف دغيا كتشد الحاجة و هاد القضية ما عمرها اكتاشفاتها حتى دخلات لهاد العمل الجديد....
أما بالنسبة لزينب هاد خمسطاش اليوم دوزاتو غير فدار ما خرجات ما درجات و مرة مرة كتهز كتوباتها اللي ما كتقشبل منهم حتى حاجة و كتفكر غير فعصام و شنو قالها يوم الخطوبة كتحس براسها غاتحماق من التفكير ما عرفات هاد عصام شكون هو و منين تسلط عليها ...
❣❣❣❣❣
فاقت خنساء هي اللولة حيت مريكلة الساعة فالتيليفون على السادسة و النصف حلات عينيها طفات التيليفون حولات نظراتها لجيهة زينب لقاتها خاامرة ما مسوقاش و هي عندها الوطني اليوووم ...
تنهدات و قالت بهمس ...
خنساء: الله ينجحها يا ربي و دير شي حاجة هاد المرة مزيانة فحياتها
ناضت من فوق السداري و اتاجهت لعندها كتحرك فيها ...
خنساء: زينب نوض احبيبة نوووضي
ناضت زينب مدهشرة مgلوووبة بالنعاااس
زينب : شنو
خنساء : نوضي غسلي وجهك و صلي الصبح و دعي ربي باش يفتح ليك الطريق و يسهل ليك ما صعاب راه الستة و نص هادي الله يكفيك الوقت و تراجعي شوية
زينب : شحال هادي فساعة ؟؟
خنساء: ستة و نص
زينب رجعات غمضات عينيها و غطات راسها بالايزار ...
زينب : خلي حتى دير سبعة و نوض
خنساء : على خاطرك
انصارفت خنساء توضات صلات الصبح طوات صلاية و اتاجهت للكوزينة و جدات اتاي و حطاتو من فوق الطبلة و رجعات تفيق زينب ...
خنساء: سبعة هادي نوضي تلبسي حوايجك و توجدي لوراق و تفطري باش دماغك يتفتح راه تايطلبو منكم تحضرو بنص ساعة قبل الوقت
زينب ناضت و ما حاملاش راسها و ما حاملاش دوز و كارهة العالم ...
زينب : ما باغا ندوز بو بااك زمرر
خنساء: غير الخلعة هاديك و توتر لاعب ليك على المخ حاافضة بعدا شي و لا غير الفرشي
زينب : اودي الا جبنا رطرباج راه حنا مخيرين
أنت تقرأ
قلوب أرهقها العشق 🇲🇦 (مكتملة )
Romanceقلوب أرهقها العشق 💔 ✒️ Fatima zahra ouba : بقلم مازال عاقل فاش اول مرة جات عيني بين عينيك كان خاصني نشوفك مثلك كمثل الآخرين تجاهلتك بزااف كأنني ما كنشوفكش امامي أو كأنكي مازال ماتخلقتي تجاهلت اشتياقي ووحشي ليك فكل...