💛الجزء 51 💛
💞 قلوب أرهقها العشق 💞
قبط لزينب فيديها اللي مامستوعباش شنو هادشي كتعيش ولا شنو كتشوف واش بصح شخص اللي كانت تحلم غير تشوفو مباشرة دافع عليها وقابط ليها فيديها وجرها معاه كتحس براسها غاتحمااق بقوة التفكير اما قلبها خلاص كتحس بيه داير حفل قرع طبول داخل صدرها...
طلق منها وجلس من فوق الفوتوي فحين هي بقات واقفة كتقلب على يسرى بعويناتها و كتفادى تشوف فعيناه الخضراء اللون اللي كتسلب قلبها منها وتخليها بلا عقل ...
يقين:علايش كتقلبي
حولات نظراتها لجيهتو حتى تلاقاو عويناتهم وقالت ...
زينب:كنقلب على صاحبتي يسرى كانت جالسة هنا كتساين واحد الولد ما عرفتش فين مشات
يقين:هبطات لتحت تشطح مع داك الولد اللي كانت كتساين
زينب صرطات ريقها بصعوبة وعينيها كيتفحصو وجهو كيمشيو تلقائيا من عينيه لنيفو لشفايفو ليدو لصحتو ماقاداراش تحكم فإعجابها لهاد السيد هادشي ان لم نقول هوسها وحبها ليه ...
زينب:امم مزيان
يقين رد راسو اللور طلعها وهبطها بإعجاب واضح على ملامحو وجهو مع ابتسامة كبيرة ضهرات على ثغرو ...
يقين:غاتبقاي واقفة ؟
زينب:لا
خطات خطوات للأمام وجلسات بجنبو و هو متبع ليها العين و كيشوفها كيف كتحرك و فداخل ديالو كتحرك شهوتو اتجاهها ...
يقين هز القرعة ديال المشروب الكحولي ورشف منها مجددا وشاف فيها لقاها ديجا كاتشوف فيه غمزها وابتاسمت ليه و قال ...
يقين:your name ؟* سميتك *
زينب ردات شعرها جنب و قالت بهمس و عينيها كيشوفو فعينيه ...
زينب:zineb
هاد الاسم تكرر فمسامعو لعدة مرات وضهرات لمعة غريبة فعينيه هاد الإسم ديال اعز إنسانة على قلبو اللي فارقاتو وهو محتاج ليها إسم جبد عليه مواجيع وذكرياات كثيرة مخبئة فأرشيف دماغو رجعات ذاكرتو بيه للوراء وسها فالفراغ ...
🔙🔙🔙 فلاش باك
فبيت كبير طاغية عليها لمسة طفولية جالسة ام زعرة بيضاء البشرة وظاهر انها أجنبية شكون من غيرها زينب ام يقين اللي كتمتاز بجمال أروبي راقي ...
واقف اونفاص ليها يقين الطفل اللي خدا من ماماه كلشي حتى من لون عويناتها سبحان الخالق المبدع اللي خلقهم بهاد الصورة ...
كتلبس ليه قميجة بيضة وكتسد ليه صدايفها وكتبتاسم ليه بحب وهو كيضحك ليها وكيبان سوو كيوت ...
أنت تقرأ
قلوب أرهقها العشق 🇲🇦 (مكتملة )
Romantizmقلوب أرهقها العشق 💔 ✒️ Fatima zahra ouba : بقلم مازال عاقل فاش اول مرة جات عيني بين عينيك كان خاصني نشوفك مثلك كمثل الآخرين تجاهلتك بزااف كأنني ما كنشوفكش امامي أو كأنكي مازال ماتخلقتي تجاهلت اشتياقي ووحشي ليك فكل...
