❤الجزء 245❤
💕قلوب أرهقها العشق ❤
منانة :امتى كنتي عوالة تقولي لحقيقة ياا الكدااابة ياااا لهاابة أدوي يا بنت كرشي دوي يا خيخية يااااا التالي ديال الصندوووق ياك أ تالي ديال العنقود تعلمتي تكدبي و علامن عليااا يا بنت الحرام
خنساء: و راه ما قصدتش كلشي جا على غفلة
منانة : من بعد و نتفاهمو غايكون بغا يردك للخدمة على الله يالاه درقي زلافتك من قدامي
خرجات خنساء من الكوزينة و اتاجهت لصالون لقات سلطان جالس كيشوف فالسقف و مغمض عينو لحد الآن مزال ما مثيقة بلي جا لعندها و راه قدامها مباشرة شنو زعما بصح غايكون توحشها و لا غايكون باغي يرجعها للخدمة أكيد ما غايلقاش بحالها معالجة نفسية تاافهة ما كايناش فالعالم ضحكات على أفكارها و قربات لصالون فالبلاصة حل عينو شاف فيها حس بيها تقاد فالكرسي مع ابتسامة جميلة قال ....
سلطان :هااي شريك
خنساء عوجات فمها و قالت بغضب .....
خنساء: لواه سبونج بوب [ جلسات اونفاص معاه و دارت رجل على رجل و قالت ] فينو مروان ما جاش معاك
سلطان : خليتو فالطوموبيل
خنساء: امم مزيان [ سكتات مدة عاد ضافت ] كي بقيتي نتا بخير
سلطان : الحمد لله
خنساء: امم واش بغيتي شي حاجة
سلطان :بغيتك نتي
خنساء حلات فمها و عاود جمعاتو بسرعة و قالت ببلاهة ..
خنساء:كيفاش بغيتيني أنا
سلطان مرر يدو على شعرو ..
سلطان :[تنهد ] بغيتك ترجعي معايا للدار ما تافقناش على هادشي درت انا و ياك شهر و نتي كانز جوغ و نتي غابرة خرقتي العقد بهاد التصرف
خنساء: و لكن..
ما خلاهش تكمل وهز يدو بمعنى سطوب و كمل ...
سلطان : ما تقوليش ليا الواليدة اللي جرات عليك حيت كان نوغمالمون تجي تهضري معايا انا اللي معني بالأمر
خنساء:و لكن هي اللي خدماتني
سلطان : و لكن انا اللي جيتي تخدمي على قبلي انا اولى منهم و من حقي نختار المعالجة النفسية اللي غاتبقى معايا
خنساء:و لكن نتا ما بغيتيش تكون عندك معالجة نفسية كنتي غير صابر على هبالي و صافي
سلطان : هداك كنت كنشوفو علاج بالنسبة ليا ماشي هبال نتي بهبالك خليتيني نضحك و خليتيني نهضر و خليتيني نخرج من القوقعة اللي كنت حاط راسي فيها [تنهد] قلبتي ليا سيسطيم اللي كنت غادي بيه كنت نهار كامل يا كا نعس يااا كانبقى نقرا فالكتب يا كنتأمل فالسقف تقدري تقولي كنت كنتاضر نهار اللي نموت فيه و لكن من بعد ما جيتي بديت نضحك نهضر واخا كتعصبيني بهضرتك بعض المرات و لكن هانية ولفت
أنت تقرأ
قلوب أرهقها العشق 🇲🇦 (مكتملة )
Romanceقلوب أرهقها العشق 💔 ✒️ Fatima zahra ouba : بقلم مازال عاقل فاش اول مرة جات عيني بين عينيك كان خاصني نشوفك مثلك كمثل الآخرين تجاهلتك بزااف كأنني ما كنشوفكش امامي أو كأنكي مازال ماتخلقتي تجاهلت اشتياقي ووحشي ليك فكل...
