LoST IN YoUR SoUL | Horror | Fantasy | 🌘

18.

හීසුන්ග්ගෙ කීමට ෆිලික්සුයි වොනියි වොන්ජුන්ගෙ කාමරෙන් යන්න ගියේ එයාලා තවම ස්කූල් යුනිෆෝම් එක පිටින් හිටිය නිසා.

කොහොමහරි ඉතින් ෆිලික්ස් නම් ගිය පයින්ම වගේ ආපහු වොන්ජුන්ගෙ කාමරේට ආවා.එයාට වොශ් එකක් දාන් ඇ‍ඳුම් මාරු කරන් එතනට එන්න ගියේ විනාඩි පහක් විතරයි.

Felix : ඔහ්.. ක්.. කොහෙද.. ඩ්.. ඩොක්ට'...?

ෆිලික්ස් ආපහු එද්දි එතන හීසුන්ග් හිටියෙ නෑ.එයාට දකින්න ලැබුනෙ ඇඳට වෙලා බබා වගේ නින්ද ගිහින් ඉන්න වොන්ජුන්ව විතරයි.

ඒක නිසාම වෙච්ච දේ අදහගන්න බැරුව ෆිලික්ස් වොන්ජුන්ගෙ ඇඳ අයිනෙන් වාඩි වෙලා ඒ ගැන කල්පනා කරන්න පටන් ගත්තා.

ඒත් එක්කම වොනිත් එතනට ආවෙ බාගෙට නාගෙන ඇ‍ඳුමුත් චේන්ජ් කරන් කොන්ඩෙ තෙත පිහදාන ගමන්.

Wonie : අනේහ්.. හරිම කියුට් නේද ලික්සි? වෙලාවකට මට මෙයාව දරුකමට හදාගන්නත් හිතෙනවා.කොහොමත් ඔයයි මමයි මේ මනුස්සයට ඔම්මයි අප්පයි වගේනෙ ඉන්නෙ.

බර කල්පනාවක හිටිය නිසා ෆිලික්ස්ට වොනී කියපු දේට හරියට රිඇක්ට් කරන්නත් බැරි වුණා.

ඒක නිසා වොනී ෆිලික්ස් ළඟට ගිහින් තෙත පිහදදා ආව කොන්ඩෙ ගසෑරියෙ කොල්ලගෙ මූණට වතුර ඉහෙන්නත් එක්කමයි.

Felix : අහ් ! වොනී??

Wonie : වොනී තමා !! මොකද්ද අනේ අහස පොළොව ගැටගහන්න වගේ කල්පනා කරන්නෙ? මං කීවනෙ බඩගිනියි නම් මං එනකන් ඉන්නැතුව ගිහින් කන්න කියලා?

Felix : මට ඇති බඩගින්නක් නෑ.. මං කල්පනා කළේ අර ඩොක්ට' කොච්චර ස්පීඩ්ද කියලා.මං එන ටිකට එයා මූව නිදිකරලා යන්නත් ගිහින්.

Wonie : එයා ටිකක් අමුතුයි තමයි.ඒකෙන් අපිට වැඩක් නෑනෙ? කොහොමහරි අපේ වොන්ජුන් හො‍ඳින් නම් එච්චරයි.මං ගිහින් කෑම මෙතනට අරන් එන්නද?නැත්තම් ඔයා එනවද කෑම මේසෙට යන්න?

Felix : මට කන්න ඕනි නෑ වොනී.අද මම වොන්ජුන් එක්ක නිදාගන්නම්.

Wonie : අයියෝ.. මමත් බෝයි කෙනෙක් වුනානම් මටත් එන්න තිබුණා ඔයාලා දෙන්නගෙ මැද්දට වෙලා නිදාගන්න... තව කොච්චර කල් බලන් ඉන්නද ඉතින් මම ඔයා එක්ක එකට නිදාගන්න.