LoST IN YoUR SoUL | Horror | Fantasy | 🌘

20.

අභී ජේත් එක්ක ගිස්ලො වලට එන්න ලෑස්ති වුනේ ජේගෙ රාජකාරි ජිප් එකෙන්.

ඒ වෙද්දි කරකිරා ගන්න දෙයක් දන්නෙ නැතුව දහ අතේ කල්පනා කර කර හිටිය චවී අභීගෙ උදව් පැත්තක දාලා තනියමම ටේහ්‍යුන්ව හොයන්න යන්න පටන් ගත්තා.

වෙලාවෙ හැටියට කෙල්ල කෝකටත් කියලා තමන්ගෙ ක්‍රෙඩිට් කාඩ් එකත් අරගෙනම තමයි අර කීව තැනට යන්න ගියේ.

මොකද කීවොත් එයාට තව ඉතුරු වෙලා තිබුණෙ පැය භාගයක් වගේ අඩු කාලයක්.

චවී ඒක අරන් ගියාට ඒකෙ කෝටි දහයක් තියෙනවද කියන්න එයා දැනන් හිටියෙත් නෑ.

වෙලාවෙ හැටියට චවී පොලීසියට කෝල් කළෙත් නැත්තෙ ටේහ්‍යුන්ට මොනා හරි වෙයි කියලා තිබුණු බයට.

අන්තිමට ඉතින් කෙල්ල ටැක්සි එකකට නැගලා තනියමම එතනට ගියේ ලෙක්චර්ස් පෝලිමක්ම කට් කරගෙන.

එයා ගියේ ගිල්සොවලින් ටිකක් දුර තිබුණු පරණ රෙස්ටුරන්ට් එකකට.ඒක මේ වෙද්දි තිබුනෙ අතෑරලා දාලා නිසා චවීට එතනට යද්දි ලොකු බයක් දැනුණා.

Chavi : ඌහ්.. බය වෙන්න එපා චවී ! යූ කැන් ටූ ඉට් !! ආශ්.. ඒත් මං මොකටද මේ වගේ දෙයක් කරන්නෙ? එයා මගේ කව්ද? ආශ්.. නෑ නෑ.. කවුරු වුනත් මට උදව් කරපු කෙනෙක්නෙ..

චවී ඒ විදියට තනියම මුමුණ මුමුණ ඒ රෙස්ටුරන්ට් එක ඇතුළට ගියා.

එයා යද්දි පළවෙනි තට්ටුව සම්පූර්ණයෙන්ම තිබුනෙ මකුළු රාජධානියක් වගේ මකුළු දැල්වලින් පිරිලා ගිහින්.

අනික..

එතන කැඩුණු බිඳුණු බඩු තැන් තැන්වල තියෙනවා දැක්කම චවීගෙ ඇඟේ හිරිඟඩු පවා පිපෙන්න පටන් ගත්තා.

හෙමින් හෙමින් දෙවනි තට්ටුවට යන්න පළවෙනි පඩියට අඩිය තිබ්බ චවී එකපාරටම ගැස්සිලා ගියේ එයාට ආව කෝල් එකක් නිසා.

📲

?? : මං හිතුවට වඩා මිස් වැඩ්ඩෙක් නේහ්හ්?

Chavi : අයියෝ මේ ! තමුන් කවුරු වුනත් කමක් නෑ ඉක්මනට ඇවිත් මේ සල්ලි ටික ගන්නවා.අරන් ඔය කොල්ලව නිදහස් කරනවා !