LoST IN YoUR SoUL | Horror | Fantasy | 🌘

1.

ගිල්සො ගෙස්ට් හවුස් එකේ ඉන්න හැමෝම වගේ ආසම කරන දවසක් තමයි සෙනසුරාදා කියන්නෙ.

මොකද කීවොත් සෙනසුරාදා ඉරිදා දවස් දෙකේදි විතරයි එයාලා හැමෝටම ඕනි වෙලාවක් නිදාගන්න පුළුවන්.වෙන දවස්වලට එයාලා හැමෝටම වගේ පාන්දර පහට වැදෙන එලාම් එකට අනුව ඇහැරෙන්න සිද්ධ වෙනවා.

ඉතින් අදත් එයාලා ආසම කරන සෙනසුරාදාවක්.

Mrs.Choi : ෂෙරී !! ඔයාට මම කීවෙ ඔය සෝස් එක කලවම් කරන්න මිසක් ෆෝන් එකට තට්ටු කර කර ඉන්න නෙවෙයිනෙ දුවේ??

මිසිස් චෝයි කිචන් එකෙන් එලියට ගිහින් එන ටිකට ෂෙරීට පවරලා ගිය රාජකාරිය එයා හරියට කළේ නැති එක ගැන එයා හිටියෙ ටිකක් කනස්සල්ලෙන්.

ඒ නිසාම එයා ඉක්මනටම ගෑස් ලිප ළඟට ඇවිත් ෂෙරී අතේ තිබුනු හැන්ද අතට අරන් ලිපේ තිබුනු සෝස් එක කලවම් කරන්න පටන් ගත්තා.

Sherry : අයියෝ තරහ ගන්න එපා අනේ.ඔයා තවත් වයසට ගියොත් ඔය ලස්සන මූණ කැත වෙයි. කෝ බලන්න හිනා වෙන්නකො..

ෂෙරී මිසිස් චෝයිගෙ කම්මුල් දෙක මිරිකුවේ එයාගෙ මූණට ලොකු හිනාවකුත් එකතු කරගෙන.

Mrs.Choi : ෂෙරී මගෙ දුවේ..?

Sherry : ඕ... මොකාටද මගෙ හල්මොනි මේ සැරසෙන්නෙ..?

Mrs.Choi : අනේ මේ පැහිච්ච කෙල්ල ! ගිහින් බලන්න කව්ද ඇහැරලා ඉන්නෙ කියලා.කෑම ටික සීතල වෙන්න කලින් කන්න දෙන්න එපැයි.

Sherry : ම්.. දැන් වෙලාව දහයයිනෙ? මට සීයට දාහක් ෂුවර් ජීයුනිගෙ සෙට් එක නම් තාම ඇහැරිලා නෑ.. ඇහැරිලා හිටියොත් ඉතින් අපේ කොල්ලො ටික තමයි.

Mrs.Choi : ඇත්තමයි මේ කෙල්ලොන්ට වඩා අර පොඩි කොල්ලො ටික කොච්චර හොඳයිද මං අහන්නෙ !

Sherry : ආ මේ මේ මගෙ සුදූ... ඔයා කෑම ටික ලෑස්ති කරලා තියන්නකො එහෙනම්.මම ගිහින් බලලා එන්නම් කට්ටිය තාම නිදිද කියලා.

ෂෙරී එතනින් යන්න ගියේ මිසිස් චෝයිගෙ කම්මුලට කිස් එකකුත් දීගෙනමයි.

පස් වෙනි තට්ටුවේ තිබුනු කිචන් එකේ ඉඳන් ෂෙරී මුලින්ම ගියේ හතර වෙනි තට්ටුවට.