LoST IN YoUR SoUL | Horror | Fantasy | 🌘

29.

ෂියෝරිට යූජින් ගැන දැනගන්න ඕනි වුන නිසා චේඋන් මුල ඉඳන්ම විස්තරේ එයාට කියන්න පටන් ගත්තෙ සීතල යන්නත් එක්ක හල්මොනිගෙන් ලැබුණු උණු නෙස්කැෆේ එකක් බොන ගමන්.

Shiori : අනේ දෙයියනේ.. මගෙ ඇඟත් එක්ක සීතල වෙලා ගියා ඒක ඇහුවට පස්සෙ.

Chaeun : දැන් කොල්ලා ඔය ඉන්නෙ පාඩුවේ.මාලුවෝ ඉන්නවනම් උට ඕනි දෙයක්.

Shiori : හ්ම්.. ඒක හොඳයි අනේ.නැත්තම් ඒ වගේ ළමයෙක් ඒ වගේ දෙයක් කොහොම දරා ගන්නද?

Chaeun : හ්ම් හ්ම්.. ඒක නෙවෙයි.. අපි හොල්මන් ෆිල්ම් එකක් බලමුකෝඕඕඕ..

Shiori : බලන්න ඉතින් චවී ඔන්නි ඉන්න එපැයි.

Chaeun : අවුලක් නෑ ප්‍රොජෙක්ටර් එක මං ඉස්සුවා.පොඩ්ඩක් ඉන්න මං අරන් එන්නම්.

වැස්ස වෙලාවෙ හොඳට පොරවන් යාලුවෝ එක්ක හොල්මන් ෆිල්ම් එකක් බලන්න ඒ වෙලාවෙ චේඋන්ට තිබුනෙ පුදුම ආසාවක්.

ඒ අතරෙ ජීයුනුයි මින්සොයි හිටියෙ මින්හිලගෙ ගෙදර ගිහින්.මොකද කීවොත් එයාලට ඕනි වුනා ඊයෙ වුන දේවල් ගැන වැඩි විස්තරයක් දැනගන්න.

කායි හරහා මින්හිට පණිවිඩයක් ලැබිලා තිබුනු නිසා මේ දෙන්නත් එහෙට යන්න ගියේ වැස කියලවත් බල බල ඉන්නැතුව.

එයාලා යද්දි මින්හි හිටියෙ ඇහැරිලාමයි.මොකද කීවොත් කෙල්ලට පණිවිඩේ ලැබුණ ගමන් නින්ද පැත්තක දාලා ඉක්මනට දත කට මැදන් ලෑස්ති වෙලා හිටියෙ යාලුවෝ ඉස්සරහ නෝන්ඩි වෙන්න බැරි නිසා.

Jiyun : මොකද්ද ඇත්තටම වෙලා තියෙන්නෙ??? එහෙම දෙයක් කරගන්න තරම් ප්‍රශ්නයක් ජුන්‍යොන්ට තිබුනෙ නෑ මං හිතන්නෙ.

Minseo : හ්ම්.. ඉඳලා හිටලා අපි විහිළුවක් දෙකක් කළාට කොල්ලා හිත හො‍ඳ පොරක්නෙ?

Minhee : හ්ම්.. එයාගෙ පොත්පත් සේරගෙම එයා කටු ගාලා දාලලු.එයාගෙ ඔම්මයි අප්පයි එයාට දෙන ප්‍රෙශර් එක වැඩි නිසා මෙහෙම දෙයක් කරගත්තා කියලා තමයි කියන්නෙ.

Jiyun : අයියෝ.. මොන අපරාදයක්ද බං මේක !

Minseo : අපරාදයක් නම් තමා.පවු හලෝ ඌ ලෙඩ වෙලා ඉද්දිත් ඉස්කෝලෙ එන්නෙ ගෙදරින් බල කරන නිසා වෙන්න ඇති.