LoST IN YoUR SoUL | Horror | Fantasy | 🌘

27.

යූජින් වචනයක් හරි කීව නිසා අන්තිමට චේඋන්ටත් නිදහසේ නින්දට යන්න පුළුවන් වුණා.

ඒ වගේම සෝහිත් ඒ වෙලාවෙ ගොඩක් සතුටු වුණා.

Sohee : යූජිනාහ්? අපි හෙට ඩොල්ෆින් ෂෝ එක බලන්න යමු හරිද? හැබැයි ඉතින් දැන් හොඳ ළමයා වගේ නිදාගන්න ඕනි.

සෝහි එහෙම කීවෙ ලයිට් එක ඕෆ් කරලා මේසෙ උඩ තිබ්බ ටේබල් ලෑම්ප් එක ඔන් කරන ගමන්.

Yujin : හ්ම්.. හැබැයි...

Sohee : හරි හරි ! ඔයා අද මෙතන තමයි නිදාගන්නෙ.හරිද ලොකු බොස්?

Yujin : හරී..

අන්තිමට ඉතින් ඒ දෙන්නත් නිදාගත්තා.

ඔක්කොම නිදි වුනාට තවම ජීයුන්,මින්සො,ඕරා තුන් දෙනා නම් හිටියෙ ඇහැරිලා.

මොකද කීවොත් ජීයුන්ලා ඒ වෙලාවෙ හිටියෙ ඕරව කතාවට අල්ලන් බොම්ග්‍යු ගැන විස්තර අහන ගමන්.ඒකෙන් මේකෙන් ඒ දෙන්නටම ජුන්‍යොන්ගෙ මරණෙ ගැනත් අමතක වෙලා ගියා.

Aura : හපූ කතා කරලා වැඩක් නෑ හලෝ ඔය මනුස්සයා ගැන නම් ! අපේ ඔම්මා කියනවා "මගේ දෙවනි පුතා පුතෙක් නොවී දුවෙක් වුනානම් අපේ ගෙදරටම සිරියාවයි" කියලා.සිරියාව නෙවේ ඔප්පා ඔන්නියෙක් වුනානම් රුසියාවටත් වඩා හපන් වෙයි.

Minseo : එයා.. හැමෝටම මෙහෙම විහිළු කරනවද අනේ? මට නම් තාමත් ලැජ්ජයි එයා අහපු දේවල්වලට.

Jiyun : ඒකනම් විහිලුවක් වගේ පෙනුනෙ නෑ මට.. කව්ද දන්නෙ ඉතින්..

Aura : ඇත්තද නැත්තද කියලා අපි හෙට බලාගමුකො.ඔන්න හෙට අපේ ගෙදර ඩින' එකට යන්න එන්න ඕනි හරිද ඔයාලා දෙන්නම? ෂෙරීවත් එක්කන් යන්න ඕනි.

Jiyun : යාහ්හ් ! ඔප්පලා හෙට ගෙදරද? අයියෝ මට නම් බෑ යන්න.ලැජ්ජාවෙ බෑ හලෝ..

Minseo : අනේ මේකිගෙ ලැජ්ජාව.

Aura : ඕ.. සමහරවිට ලොකු ඔප්පත් ඉඳීවි.මේ වගේ ෆ්‍රී චාන්ස් හැමදාම එන්නෙ නෑ හරිද?

Minseo : අන්නේකයි.අනික් අය ටිකට් බුක් කරන් එයාලව බලන්න යද්දි අපි නිකන්ම ඩින' එකකට යනවා.

Jiyun : යාහ්හ් ! මොකද්ද දැන් හෙට අඳින්නෙ? ලස්සන ඇඳුමක් තෝරගන්නත් එපැයි.