نرجع للمدرسه
بلعت ريقيه من رجعت لصف لتنصدم بكتبه المرميه ومبلله بالماء وخط عريض على طاولته : الله لا يوفقك ويقطع رزقكم مثل ماقطعتوا رزق أ/ أماني
انسكبت دموعه بغزاره وهي تلم مابقى من أغراضه وهي تسمع أصواتهم وكلمهم الي كانت محوره من سب ودعوات تقشعر البدن
دخلت مكتب والدته وهي ترمي كتبه المبلله : هذا مبتغاك تدمريني وانا بنتك؟
تدَدرين وش اسوء شيء بحيَاتي؟ وجودك وكوني بنتك أكَرهك
احتدت أنظار منيره لتقوم وتصفعه كف : أمك يالعاقه تقولين عنه كذه
أديم رفعت يده بخفوت : ملفي عطيني
تهلل وجه بفرح وهي تسحب هاتفه لتتصل على أبو كايد والتفت لبنته ببتسامه : ساعه المباركه البنت مالها الا بيت زوجه وشوله الدراسه عقبال كايد.
..
توقفت سيارة عبدالله امام مدرسة المؤنسات لينزل فهد ليحضر اخته
عقد عبدالله حواجبه من سيارة أحمد الواقفه والتي طلعت أديم والدموع الي ببلت نقابه كفيله لتملا راس عبدالله بتسأولات التفت لفهد الي دخل قائلاً : يقول الحارس انه جت الهام وأستاذنت لريهام مادري وش العلم
حرك عبدالله متوجه للمنزل توقفت سيارة ونزل
دخلوا البيت .. كانت ريهام تتوسط الصاله بيده الفصفص واندماجه مع التلفاز والهام طلعت على صوت سياره والدها : هلا يبه أرحب
عبدالله قال بستغراب : وش له تستأذنين له وش العلم؟ واضح لكم وقت من طلعتوا من المدرسه
الهام اقتربت وهي تجلس والدها وهي تقول : أستدعوني في كم مشكله واستاذنت له ، فهد ناظرهم : وش المشكله الي اطارت استدعى ولي الامر ليكون فاقعه راسه واحده
عدلت ريهام جلسته بحماس وهي تحكي تفاصيل القصه لتختم بها: هذا الي صار يعني عطله أسبوع كامل
عبدالله تذكر اديم والملف ليسائل: وبنت أحمد وش صار عليه
بلعت الهام ريقه وهي تقول : أحد الطالبات توصلت معي قبل شوي وللأسف البنات لاموها لطرد استاذه اماني وماقدرت تتحمل وسحبت ملفها
..
نزلت أديم والدموع تسقط بقهر .. أصتدمت بكايد الي عقد حواجبه بستغراب : أديم وش فيك؟
بكت وهي تتجه لغرفته لحقه بينما هي رمت اغراضه وهي تبكي
كاد ان يتكلم لكن دخول والده والي وضع ملفه على الطاوله : اسف يا أديم لو بيد ماخليته لكن
صرخت بقهر : مابي احد اطلعوا
خرج أحمد واقترب كايد وهو يمسك كتفه : اديم وش صار وش جاب ملفك
ناظرته بقهر وهي تقول : بسبب بنات فيصل وبنت عبدالله الله يحرقهم مثل ماحرقوني من قهر و
وضع يده على فمه وقال : اديم وش ذا الكلام
ناظرته نهضت وهي تدفع : حريقه تحرقهم وانت وامي معهم انقلع يا كايد لا والله ان أسمعك الشين
بردت ملامحه وقال بضحكه ساخره : في دعوه اشين من ذي؟؟
عدل وقفته وقال : الشرهه مو عليك على انا الي خايف وجاي اداريك واثرك بتكسرين فيني طز فيك وفي بكاك وهمك
خرج وسك الباب بقوه
..
في بيت حامد
دخلت نور خلفه خلود
رمت نور جسده على الكنب بتعب خرجت ساره بستغراب : بسم الله وش جابكم بدري
فزت خلود وهي تناظر بامه وتمسك يده : خير يمه ليه حضرتك في المطبخ
نور قامت والتفت للوالده : وش مسويه بالمطبخ ليكون تسوين الغداء هين ياسوير أعلم حمود؟
ضحكت ساره والتفت لحامد الي دخل وهو يضرب كتفه بخفه : سوير؟ وحمود؟
ياطيبه تراني ابوك وسوير امك
تكتفت بضحكه : والله سوير داخله المطبخ وهي حامل ترضى تتطيح ولدك وتتعب نفسه ياحمود
ساره بتبرير : دخلت أسوي شاي اما الغداء مستحيل تعود عليه من يدينكم
نور رفعت حاجبه : لاعاد تعيدينه والحلو الي بطنك وتتعبنه
ضحكت ساره : مين مكذب عليكم وقال اني بشهر ٩ تروني في ٨ هدوء ماخذين دور جدتكم الله يرحمه حتى اختي حنان ماسوت معي كذه وقت حملي بكم
ضحكت خلود وهي تغمز : حنا غيرر
..
