..
اتجه للمصلى ودخل وهو يتجاهل ياسر وكبر يصلي
عدل جلسته وهو ينتظر خلف يخلص من تحية المسجد
سيف ناظرهم بفضول وسكر القرآن سلم خلف وألتفت لياسر الي حبا بتجاهه وجلس قدامه وخلف صد عنه .. بلع ريقه وقال : اسف
ناظره خلف ببرود واكمل ياسر بقهر : بس قهرتني
ضحك خلف بصدمه وضرب كتفه : ياشيخ وش سويت لك وأنا أصلًا توي اشوفك من خرجت من بطن امي
ضحك ياسر وقال : شخيرك صاك باذني ماقدرت انام مواصل بسببك
كشر خلف قال : هيييي تراا مو بكيفي من يوم ولد وانا اشخر وش اسوي لك ؟
تنهد ياسر بقهر : خلاص خذيت حقي منك وانتهينا يا خليفة مادري خليق مـ..
قاطعه صراخ خلف : لاااااا كل شيء مسموح الا اسمي ياحمار خلف خ ل ف خلف لهو خليق ولا خليفه فهمت ياحشره
ياسر رفع حواجبه ودفعه : لا تبي هوشه من صباح الله خير الحشره بوجهك وشرهه علي يوم جيت ارضيك يا خليف
خلف ضحك وضحك ياسر من ضحكته وقال خلف : اخخ بطني تكفى
ابتسم ياسر وعدل جلستها بعباطه : رضيت؟؟؟
ابتسم خلف وقال : ومتى زعلت ؟ بس انا كذه اذا احد صحني بمويه انفس بدقيقة وارضا بثانيه
ضحك ياسر والتفتوا لعايش الي قال : جاني شغلل ضروري حظكم مافي تدريب صلوا واوجعوا ناموا بروح اكمل اصحي البقيه
خرج وضحك خلف : ياوغد حظككك تناام ..
..
بعد نص ساعة نهض الكل وفي انتظار أقامة الصلاة التفتوا لعايش الي قال : بروح صلوا وراجعوا ناموا بكره بتنكرفون اخذ نفس والتفت لـ ياسر الي مسند ظهره للجدار مغمض عيناها على وشك ان ينام الا ان فتحه وهو يعدل جلسته من سمع صوت عايش التفت لها من قال : ياسر
ناظره واكمل عايش بأمر : صل فيهم
رفع حواجبه وعايش قال بصراخ : لاتنااااقشنيييي فاهمممم
وخرج ياسر مسح على وجه وهو يقول: الله بلاني فيه لكن ماكون ياسر اذا مقلبت عقله
ضحك خلف الي سمعه وهمس: معك رجلي برجلك يا رجال
ابتسم ياسر وقام وهو يتجه للمكان الامام يقيم الصلاة رفع يده مكبراً : الله أكبر
بعد ماستفتح صلاة بالفاتحه قال بصوت خاشع
قَالَ إِنِّي عَبۡدُ ٱللَّهِ ءَاتَىٰنِيَ ٱلۡكِتَٰبَ وَجَعَلَنِي نَبِيّٗا (30) وَجَعَلَنِي مُبَارَكًا أَيۡنَ مَا كُنتُ وَأَوۡصَٰنِي بِٱلصَّلَوٰةِ وَٱلزَّكَوٰةِ مَا دُمۡتُ حَيّٗا (31) وَبَرَّۢا بِوَٰلِدَتِي وَلَمۡ يَجۡعَلۡنِي جَبَّارٗا شَقِيّٗا (32) وَٱلسَّلَٰمُ عَلَيَّ يَوۡمَ وُلِدتُّ وَيَوۡمَ أَمُوتُ وَيَوۡمَ أُبۡعَثُ حَيّٗا (33) ذَٰلِكَ عِيسَى ٱبۡنُ مَرۡيَمَۖ قَوۡلَ ٱلۡحَقِّ ٱلَّذِي فِيهِ يَمۡتَرُونَ (34)
..
بعد مرور يومين
_في النسوف _
نزل وهو يشوف ابوه بنتظاره اقترب وباس راسه وقال : يبه
التفت لها عبدالله بستغراب من صوته : هلا ياعين ابوك
بلع ريقه وقال : ابيك بموضوع بعد صلاة
هز راسه وهو يمسك يده : ابشر ياعين ابوك
