" تحت الثرى وجه صارت رجعته مستحيل
غابت معه كل ضحكة - كنت معتادها . "
___
همس بغصه : والله ماقوى ياختي ، شّدت عليه نجلاء وهي تبكي وتعاتبه ، وقفت خلود وكنان ، التفت خلود لنور الي انسحبت وهي تصعد الدرج ، همست : نور
نور لم تسمعها واكملت سيّرها ، التفت لياسر الي ابتعدت عن نجلاء وهو يبوس جبينها و راسها ويمسح دموعه ويعتذر منها ،
طلع فيصل وهو يصفق الباب خلفه ، طنشته نجلاء والتفت لحلا الي اقتربت وهي تبكي ، سحبته نجلاء لحضنه ، رجعت تنزل دموعها من قالت حلا : اسفه اني رحت بدون استاذن منك ، ولا قلت لك اني طالعه ، ماتوقعت انه بيخطفني ويهددني
بكت اكثر وهي تضمه ، تنهدت نجلاء وهي تقول : المهم انك بخير ياعيوني والحمدلله الي ردك لي سالمه
ابتسمت حلا وابتعدت عن نجلاء ، ابتسمت لمطلق الي اقترب بتردد وقف امامه وقال ببتسامه: في جروح كثيره بوجهي ويديني مستعده كل يوم تعقمنها وتعقمين جروح الخبل الي معي برا
ضحكت نجلاء وسحبته لحضنه : افا تبي كل يوم تتطيح قلبي؟
ضحك مطلق وضمها بقوه وهو يهمس : ياكثر الشوق يا أمي
التفت ياسر لكنان الواقفه ودموع متجمعه بعيونها اقترب ياسر وهو يفتح يديه : ماشتقيتي لابوك؟
انهمرت دموعها واقتربت منه بتردد الا ان ياسر سحبها وهو يضمها بقوه شدت على ثوبه وهي تغمر وجهها بحضنه اكثر وتشّهق ، ضحك وهو يضرب راسه بخفه : ليه تبكين؟
ماردت عليه وهو تشّد على ثوبه ، ابتسم ورفع راسه لخلود الواقفه : اقربي واضح ماهي ناويه تفكني
ضحكت خلود واقتربت وهي تسلم عليه ، عقد حواجبه: وين إيلاف ونور؟
خلود قالت : توه نور كانت هنا وإيلاف شوي وبتجيك
حس بكنان تفكه وهي تبتعد عنه ، انحناء لمستواها ومسح دموعها وهمس : لاعاد تنزل دموعك ياعيون ابوك
ابتسمت وشهقت من مطلق الي رفعه وهو يدور فيها ، صرخت بخوف : مطللللق نزلني يبه انا بوجهك
ضحك ياسر بصدمه وضرب مطلق : يامهبول دوختها
ضحك مطلق ونزلها ، تمسكت كنان بـ ياسر وهي تقول: الله ياخذك دخت
ضحك ياسر وهو يجلسها ، شهق من الشخص الي سحبه من الخلف بقوه وضمه ، بلع ريقه وضحك بصدمه : حـ حميد!
ضحك حميد على ردت فعله وضرب ظهره بعتاب : يالخاين وش ذي الغيبه ؟ ، ابتعدت عنه وهو يمسك كتفه ، التفت لمطلق وفتح يده : تعال
مطلق تراجع ومسك كتف نجلاءمتخبّي خلفها : اللهم سكنهم مساكنهم اللهم ان كان سحراً فابطله
ضحك حميد واقترب منه وسحبه : ياتبن كذه تقول لاخوك الكبير؟
ضحك مطلق بصدمه من ضمه حميد : لا صدق الشمس اليوم من وينا طالعه؟
ضحكت نجلاء والتفت لحلا ، سحبتها والتفت لحميد الي ترك مطلق والتفت لحلا ، بلع ريقه واقترب منها ، توترت حلا من نظرات حميد ، همست بستغراب : حميد؟
حميد عظّ شفايفه وسحبها لحضنه وهو يقول بقهر : اسف
بلعت ريقها وضحكت : اسف! على ايش ؟
ابتعدت عنها وهو يبتسم بحزن : وعد مني ماعاد تلمحين زولها ولا عاد تشوفينها ودي اقول اني باخذ حقك منها لكن في نهايه هي بنت ولا اقدر اضرهه لكن وكلي امرك لله وتذكر ان الله يمُهل ولا يهُمل
تركها واتجه للخارج ، عقدت حلا حواجبه والتفت لنجلاء: وش السالفه ؟
تنهدت نجلاء: أديم هي سبب في انخطافك والحين حميد بيروح للمحكمه يطلقها
مطلق صفر : يلبيهههههههه اخيراً
ضحكت كنان وهي تقول: وأبشركم رغد في التوقيف من امس بسبب الي سواياه لنور
عقدت حواجبها حلا : كيف؟ وش سوت بنور
تنهدد ياسر ، ونجلاء سّردت الموضوع ببساطه ، ومن انتهت فز مطلق وحلا : وينها؟
خلود اشرت فوق : بغرفة حلا
نهضوا ووهم يتجهون لفوق فتح مطلق الباب وفزت نور وأول ماشافتهم تراجعت للخلف بخوف : مين انتم؟
خلود اقتربت منها وهي تقول : نور هذولي ياسر ومطلق وحلا
ناظرت لحلا ومطلق لثواني : مطلق وحلا؟
التفت للشخص الواقف معهم تمعنت بندبة وجهه وضحكت بسخريه : خلود عقلك به شيء ؟ ..
أشرت على ياسر : ذا ياسر؟
هزت خلود بأيه : ايه هـ..
قطعت نور وهي تتخباء خلفها : مستحيل مو هو لاتلعبون علي
بلع ريقه ياسر واقتر منها : نور ا..
صرخت بوجه : ابعددد لاتقرب انا ماعرفك!
انحنت بألم وهي تحاوط راسها وهي تبكي بألم من الذكريات مشوشه ، بدات تتنفس بتعب وهي تحاول ايقاف شهقاتها وأنينها
خلود ضمتها وهي تهديها : نور خلاص بيبعد اهدي خلاص
بدأت تهدى ويهدى ألمه ، همست بتعب : ابي انام
اقتربت نجلاء وهي تساعدها مع خلود حتى انسدحت على سرير حلا ، أشرت نجلاء لهم بالخروج وهمست خلود : بجلس معها الين تنام
هزت نجلاء راسها وطلعت وهي تقفل الباب التفت لهم وهي تهمس مطمنتهم : حتى كنان ومشعل ماتتذكرهم مو بس انتم
التفتوا لصوت الي وصلهم من خلفهم : أفا نسيتوني؟
ابتسم ياسر لـ أيلاف ، واقتربت منها وهو يضمه بخفيف وبشوق : ماشاءالله حبيب خاله كبر وانا بعيد عنه
ضحكت إيلاف والتفت لمطلق الي اقترب وهو يقول: ياحليلك يا إيلاف انتِ صعنونه وبطنك اكبر منك ا..
صرخ بألم من صفقته حلا : ممكن تنطم بدون ذبات يوم انك عند زايد ذب على راحتك ، شهق ياسر ومطلق ، وترك ياسر إيلاف : بجيك بعدين وأسولف معك الحين معنا ضيوف
مطلق نزل وقبل ينزل ياسر التفت لـ نجلاء: نجلاء ليه قلتي لي خلي خالد يجي معنا؟ امه واخته وينهم؟
توقف مطلق وهو يرجع لهم ، بلعت نجلاء ريقها من نظراتهم ..
__
