" درس اليوم :
غاااارق في بحر هواجيسكّ
و تتذكر كيف كنت تعطي مشاعر جياشة و لهفة لشخص كنت تظنّ إنه هو الغير عنهم ولكن شصار؟ خذلك و تخاذلك وخلاك وحيدّ بين أفكارك و هواجيسكّ ، وكأنه يقول « مافي أحد غير كلنا نخذل » ، و ترجع تتندم و الحسايف تملى قلبك
– ياحسافة والله ! "
______
رفع يده ناوي يلكمه مره ثانيه الا انه ماقدر رما أيمن عند الباب وقال : ودوه لتوقيف واطلعوا مابي اشوف احد
تنهد خلف وسحب أيمن وياسر اخذ جلال وأمير وهم يطلعون من المكتب عايش
ياسر نداء احد العسكر ياخذ إيمن لتوقيف ، وهو وخلف اخذوا أمير وجلال معهم للاستراحة يحتاجونهم بعد رجوع فهد
___
_ قبل صلاة الفجر _
فتح عيونه وهو يناظر حوله بعدم استيعاب ، همس بالاستغفار بعد ماتذكر انه نايم من بعد صلاة العشاء، عدل جلسته وهو يمرر يده على رقبته بألم ، التفت لجانب وتوسعت محادق عيونه من ياسر النايم بجانبه لكن يغطي نصف وجهه جهاز البخار وواضح لمطلق ملامحه المتعبه ، فز وهو يقترب منه وهو يلامس جبهته الحاره قليلاً، والادويه الموجوده بجانب فراشه ، التفت لزايد اللي قال : مافي الا عافيه بس اتعب نفس كالعاده والتهاب مكان طعنه فارتفعت حرارته
رجع يجلس وهو يمسح على وجه التفت للخلف وعقد حواجبه من بان له ملامح الشخص الغريب الليّ يناظر بتعقد حواجبه، أمير ناظر بمطلق ثواني ثم رجع ينسدح بجانب جلال الا انه قرب اكثر منه وهو حاس بنزعاج جلال منه ، زايد ماقدر يكتم ضحكته من شكل امير اللي صحى وناظر بوجه مطلق ورجع ينسدح وملصق بجلال ، كتم ضحكته من أمير اللي رجع يقوم ويقول ببحه : وش الليّ يضحك!
زايد هز راسه برافض ، التفتوا لدخول سيف وهو يتثاوب ولابس بدلته : قوموا مابقى شيء على صلاة الفجر ولاحد يقرب من خلف وياسر
نهضوا وأمير هز جلال يصحيه
___
مرت يومين بنتظار رجوع فهد
صباح اليوم الثالث
وقف ياسر ببدلته وهو يتصل على باسل ، وصله صوت باسل وقال ياسر : وينكم؟
تنهد باسل : تونا امس نخلص سدد دينه من الرجال لكن المشكله انا من أبها واحد من اهلي تعب وابي اجيه ومادري كيف اخليه بمشي وحده واخاف يهرب وبرضوا ابي اروح
تنهد ياسر وهو يسحب مفاتيح سيارته: خلاص انا جاي خله بشقته وروح لاهلك
استند على عكازه وهو يتجهه للباب الا انه اوقفه صوت خلف المبحوح : وين رايح؟
ابتسم له ياسر ورجع له وهو ينحي لفراشه ويحط يده على جبهته : بروح اشوف لفهد وراجع ماني متاخر
تنهد من حس بحرارته مرتفعه: لا تقوم من مكانك
خلف كشر ومسك يده : مسوي طالع منها تراك تعبان حتى انت توه حرارتك تخف اليوم واتوقع من مفعول المسكن وبترجع ترتفع خل غيرك يجيبها
هز راسه برفض : اخاف يهرب وانا مابي بنته تتيتم لكن اذا شافني بيعرف اني مصر انه يرجع فهد الليّ اعرفه انت ارتاح ولا عليك مني
