"اللي يرخص
قدرنا كيف نغليه؟
واللي خذلنا ما نثمِّن وقوفه
لا ضاعت الهقوة وخاب الرجا فيه
لو هو بجنب اكتافنا.. ما نشوفه"
___
تنهد خلف واتجه لسياره يدور لجواله فز خلف بخوف من صوت ضرب إقدام على على الارض تلفت باحث عن مصدر الصوت ، التفت لياسر الي وقف وهو ينفض الغبار عنه ويفتح يده وهو يصرخ ببتسامه : ارحبي ثم ارحبي
التفت خلف لنياق الي تتراكض لياسر وحاوطته أحد النياق وتلوي عنقها عليه وياسر يضحك ويبوسها : يابعدي حي
التفت لنياق الي انتشرت تاكل من الزرع المحاوط المكان اقترب خلف وهو يقول: هذولي الي مشتاق لهم؟
هز راسه وابتعد عنها وهو يمسح على الناقه ...
__
_ بعد صلاة الجمعه _
« مجلس بيت فيصل »
دخل فيصل وعقد حواجبه من مطلق الجالس بجانب ياسر ويفرك يديه ببعض
اتجه للمكان فاضي وسحب فنجان القهوه وقال ببرود : وينك امس؟ ولا سويت مثل الـ**** الي بجنبك وهربت؟
مطلق بلع ريقه وقال بتوتر : هم الي بدوا وانا بس خذيت حقي وامس كنت بتوقيف
رفع فيصل حواجبه وقال : وترادد بعد؟ اذا بتطلع مره ثانيه مع الي بجانبك فالعاد تراجع يعلمك العقوق وتجي يـ..
قطعه ياسر وهو يقول بهدوء : الليله عمي حميدان مسوي عزيمه وبتخطب لمطلق بنت محمد اخت خويه خالد ، حـيـاه
وشدد على اسم حياه ، رفع حواجبه فيصل وضحك بسخريه : وليه هذي الثقه
التفت لمطلق : وانت مالقيت الا بنت الفقر الي رجعت امس ماتدري كانت مع مين وين راحت ويمكن شرفه مـ..
قاطعه مطلق بحده : يبه البنت كانت مختطفه ورجعت وشرفه نظيف وانا باخذه لو بالقوه
ضحك فيصل ووقف وهو يضرب الفناجين الي كانت تتوسط طاولة المجلس لتنكسر : تحلم فيها سامع؟
مطلق قام : يبه انـ..
فيصل صرخ بتهديد : تبي تنضرب انت!قلت لك لا يا..
ياسر رفع حواجبه وقام ببهدوء : ولي امره انا وانا اخوه وابوه العاقل
وناظره بسخريه : وانت خلك مع بلويك ، واليوم انا بخطب له الي يبه هو رجال وعارف مصلحته فقط علمنك عشان مايكون علينا ذنب من ناحيتك يا...
ابتسم بسشمئزاز : يالاب الفاشل
وطلع من المجلس وهو ماسك يد مطلق الي ابوه يتواعد فيه
..
__
« بيت المرحومه ، ام خالد »
متمدد في صاله ، وانظاره للسقف بسرحان بلع ريقه وهمس : اخطبها؟
هز راسه برفض ولكن جت بذهن فكرت انها مخطوبه ، بلع ريقه بتشتت وهمس : بخطبه والي يصير يصير
رجع يهمس بأسمها : نـور!
التفت للمطبخ وهو يسمع حياه تناديه ، وقف وهو يعدل تشيرته واتجه للمطبخ ابتسم من شم ريحة الاكل : يلبيه من زمان عن غداء من يد حياتي
ضحكت حياه : سويت كبسة مكرونه حمراء بتاكل اصابعك بعدها
ابتسم خالد وحاوطه وهو يبوس راسه وهمس : الحمدلله الي رجعك سالمه غانمه
