" ماتعرف معنی
شخص عايف هالأرض
ومن عليها
ومايبي منها إلا انت .. "
___
التفت لخلف الي يقول بخوف وهو يمسك كتفه : وش فيك ؟
بلع ريقه وقام بهدوء وقال : برجع لدمام
ارتجف صدر خلف بين ضلوعه ، وضحك بصدمه : تمزح!
هز برفض ، وصد متجه للخارج ، الا ان خلف سحبه بقوه وقال وهو راص على اسنانه : والله ماتروح سامع!
ياسر تنهد وهمس بضيق : خلف يرحم والديك فكني مافيني حيل ا..
خلف قاطعه بتشديد : مانت طالع ولا رايح مكان
ضرب المركى بقهر : هنا مكانك ولانت رايح لهم ولا تبين اذكرك بلون وجهك المسّود وحالتك بعد مارجعت من عندهم اخر مره ! تكلللم
همس بهدوء : لكن هناك اهلي يا اخوي مجبور ارجع
صرخ خلف بقهر : لا مانت مجبور لاتضحك علي وعلى نفسك
التفتوا لدخول مطلق الي يناظرهم بستغراب : وش فيه اصواتكم واصله نهاية الحي ؟
ياسر رفع راسه لمطلق وقال بخفوت : تجهز بنرجع لنسوف
ارتخت اكتافه وهو يناظر لياسر يدور بعيونه شيء يثبت انه يمزح او يكذب
دخل زايد خلف مطلق ووقف من سمع كلام ياسر ، التفت للمطلق بغضب وناظر لياسر ، مطلق مانتبه لزايد وقال : انت صادق! بنرجع مع خالد!
هز ياسر راسه بصمت ، شهق مطلق من انسحب من الخلف بقوه ، وناظر لزايد الي امسك معصمه بقوه وهو يجره خلفه
بلع مطلق ريقه وهمس بألم : زايد يدي
أن بألم من ازداد شد زايد على يده الي لتوا فك الجبس ولازالت تألمه مفاصلها ، سحب يده بقوه وهو يصرخ : وجع
التفت له زايد بغضب ومطلق معقد حواجبه بألم وهو يحرك اصابعه على معصمه ، زايد دفعه للجدار وهو يقول بقهر : متجهلني طول المده الي راحت والحين ناوي تروح ! انت بايعني بكل بساطه !
مطلق بقهر دفعه : وش قاعد تقول ولا صار انا الغلطان ! نسيت انك انت الي تتجاهلني؟ ولانت راضي تسمع مني! واذا سالفة الالف.. فهي ماهي لك
رفع زايد حواجبه بسخريه : كيف مو لي وهي بصرافتي لاتستعبط لا اهفك!
مطلق بقهر : سجلت باحد معاهد تعليم الحاسب عن بعد ، وكل شهر تنزل فلوس ، وصار ذاك اليوم مشكله فخليتهم ينزلونها بحسابك ومن بعدها سحبتها من صرافتك ،
رفع راسه له بقهر : وماقدرت ابرر لك ولا اعلمك ذاك اليوم بعد ما صار الي صار
همس بألم وقهر : لاتظلمني الا الظلم يا زايد
..
بلع ريقه زايد بصدمه وصد عنه وهو يمسح على وجهه رجع التفت لمطلق وسحبه بقوه لحضنه بلع ريقه مطلق وهمس : زا..
زايد شد عليه وهو يبوس كتفه ، وهمس بكره لنفسه : اسف ا..
عجز يكمل كلامه رفع مطلق يده وهو يضرب ظهره : اكرهك
بلع ريقه مطلق وضم زايد اكثر وهو يهمس : اشتقت لك
ابتسم زايد وهو يتنهد براحه ابتعد عنه وهمس بصدمه : انت صادق مسجل بمعهد!
حك راسه وهز راسه بأيه : ماكنت بعلمكم الين اخلص الامور واشوف الاوضاع اذا ارتحت لها او لا بس حلوه يعني تمشي الحال وترا المكافاه ثمان ميه بس عشان اكثر من شخص نفس المشكله وجربوا اكثر من صرافه وفي نهايه ضبطت على صرافتك شكل عشانك بقطاع الامن
