مثلما يتجمد الزمن
حال بيننا جرح
لم نحظ بنهاية
لم نقل وداعًا
ولبقية حياتي سوف أتساءل
لماذا؟
__________
_ بعد صلاة الجمعة ، النسوف _
جلست إيلاف بتعب بعد مانامت إلين ، التفت لـ كنان الي تذاكر وقالت : ترا بكره غيداء عزمتنا وبنطلع معها نفرر شوي في الدمام ونروح البحر
هزت كنان راسه : ان شاءالله خير الا حلا وين؟
إيلاف كشرت : توها تجي طلبيتها خواتم
ضحكت كنان : مستحيل يعني نشوف اصابع يدها بتختفي من كثر الخواتم
___
_ بيت تميم _
دخل نواف غرفة غيداء وهو يدندن عقد حواجبه واقترب من السرير وهو يهز كتف غيداء : بنت باقي نايمه ، وين فتّاة الصباح؟
رفع حواجبه بعدم تصديق انها لازالت نايمه ، ابد الفراش عن وجهه وبدا يهزه اكثر: قومي مو من جدك نايمه ياغدو
التفت لتميم : وش فيك؟
نواف أشر على غيداء : بنتك من اشرقت الشمس وهي نايمه متخيل؟
اقترب تميم من سرير غيداء وانحنى لمستواه وهو يبعد شعرها عن وجهه ويلمس جبينه ويهمس : غيداء وش فيك؟
شهق نواف من غيداء الي رفسته برجلها وطاح على الارض ، عدلت سدحتها وهو تبعد شعرها عن وجهه وتقول : مافني شيء بس مانمت الا بعد الفجر ، كم الساعه؟
تميم وقف وهو يقول : واحده ظهراً صلي الظهر ونزلي نشوف وش فيك
امسك نواف ودفعه خارج الغرفه وخرج وهو يسكر الباب خلفه ، كتمت غيداء ضحكتها وهمست : الله لايرحمني منكم
___
_ ينبع _
خرجوا من المسجد على رشات المطر الخفيفه ابتسم بتال وهمس : اللهم صيباً نافعاً
التفت لياسر الي مسك يده يساعده بنزول من الدرج التفتوا لزايد ومطلق الي يلعبون تحت المطر ، ابتسم ياسر ورفع صوته ينبه مطلق : برد يامطلق انتبهوا لاتمرضون
اشر له مطلق ورجع يكمل لعبه
التفت لسيف الي يركض له وقال : عايش ارسل لي بنجي معه انا وانت وخلف بس سعد يبقى مع زايد
هز راسه واتجهوا للفندق
وصلوا والكل اتجه لغرفة، سيف طلع بدلته ويتأكد من اغراضه التفت لسعد وزايد الي يسألون وين يروح قال : انتم مانتحتاج وجودكم بنروح مع عايش نعطيهم ملف القضيه عشان يباشرون بالبحث عن بدر ونشوف الاوضاع ، انتم لاتطلعون حتى نجي ونتاكد الوضع بأمان
زايد بلع ريقه ونفض شعره المبلل وتنهد ، التفت لسعد الي حط المنشفه على راسه وهمس : ماهو جايك شيء تطمن
خرج ياسر وهو يعدل بدلته وقف للحضه وهو يناظر لخلف المنسدح والابتسامه شاقه وجهه مو يم احد ولا منتبه لهم ، ياسر اقترب وهو يشوف اسم الشخص الي يرساله ( مسّكن القَلب الشَّجاع)
اخذ نفس يهدي من عصبتيه ، اخذ العقال وجلد خلف بقوه على ظهره ، فز خلف وهو يصرخ ويحك مكان الضربه : وش فيك؟
ياسر رفع العقال بوجه وهمس : مع خمس دقايق لو ماتلبس بدلتك وتلحقني صدقني اقطع العقال بظهرك ، قلت لك بنداوم وانت جالس ترسل للحب!
خلف قام وهو يقول بغضب : اذا تزوجت غيّهبك علمتك كيف تخرب علي
نهض بعد ما ودع عُروب ، التفت ياسر لمطلق الي يحاول يسكر فمه وماتطلع صوت ضحكته المكتومه ياسر ناظره بحده : لاتتشمت انت الثاني لا اشغلك الحين
مطلق غط فمه اكثر بمعنى بسكت
