..
اتجه لحاتم الي في المزرعه : ارحب روح جيب الوايت تسقي الزرع
ياسر رما حجر وهو يقول: لا يتطاول صوتك علي
حاتم التفت له بقهر من اصابه الحجر : ان قمتن علمتك الادب
ياسر تجاهله وهو يتمدد في الخيمه بتعب
حاتم اكمل شغله وهو يقول بقهر : الله يقلعك يا تميم انا من العامل مايفهم عربي ولا من البزر ذا
بعد مانتهى من المزرعه عقد حواجبه من اختفاها : وين راح هل ورع!
بدا ينادي وهو يبحث : ياسر يابزر وينك ؟؟
التفت للخيمه ودخل اخذ نفس يمنع ابتسمته من شافه نايم
للحظه مر طيف ذكريات او اول لقاء بينهم ..
<
<
بين نسمات الماضي
عقد حواجبه من دخول شخص كبير بالعمر بجانبه طفل لم يتعدى ست اعوام اقترب منهم وهمس الطفل وصل لاذانيه : ابي خيلاً ماحد يملكه ياجد ال تركي مايرضى الا بـ الخيل الاصيل
ضحك على كلامه : اقول تدل محل الالعاب ؟ ولا ادلك!
ياسر ناظره بقهر وقال : اقول لا تطاول على ال تركي ولا علمتك مكانك !
التفت لدخول تميم وقال بقهر من كلامه : طلع هل بزر لا والي خلقني ارميه
ياسر طنشه واتجه للاسطبلات باحث عن خيل يناسبه
اتسعت ابتسامته من شاف احد الخيول غامق اللون التفت لجده : ياجدي ابي هل خيل اجرب واحكم بنفسي
ضحك تركي وقبل يتكلم التفت لحاتم الي اقترب من ياسر وقال بضحكه ساخره : والله ماتلمسه وانا ولد نايف
تميم اقترب من حاتم : وش فيك عليه خله!
التفت لها بغضب: الا كسار والله مايلمسه هل بـ..
سكت بصدمه من ياسر الي رفع ثوبه ودخل بين سور الفاصل بينه وبين الخيل واتجه لها وهو يمسح على ظهره فز من سحبه حاتم بقوه ورفعه وهو يقول: ماتفهم يا *** لا تقترب منه
ضحك ياسر وهو يقول لكي يغيضه : لمسته وغصب عنك! وباخذه طرقًا عن خشمك وقول حفيد الكحيله ماقال دز امها بس
تركي اقترب وسحب ياسر من حاتم : امسحه بوجهي ياولدي
تميم تنهد وهو يعرف عناد حاتم : ياسر تعال معي في مزرعه و..
ضحك بسخريه وسحب يده من جده وهو يناظر بحاتم : من متى ياسر يترك شيء اهل فيه! وعشان هل مخيس والله لـ اخذه
تنهد تميم والتفت لتركي : ياعم حفيدك اعند منه مافي وذا يوازيه بالعناد خلهم وحنا سرينا نشوف احول الاراضي
ضحك تركي : والله انك صادق
وخرجوا و التفت حاتم لياسر الي يناظره بتحدي : يالله وش سويت بحياتي وتبلني بهل ورع!
عقد حواجبه من التفت ياسر و خرج الاسطبلات ..
..
عقد حاتم حواجبه من سمع اصوات غريبه والتفت لياسر الي رفع ثوبه وركض جهت الصوت والتفت لتركي وتميم المقبلين من انتبهوا لركض ياسر.. ركض خلفه وهو مستغرب معرفة بالمكان او حتى مصدر الصوت توقف بصدمه من وقوف ياسر امام خيل صغيره حديث الوالدها اقترب منها وهو يمسح عليه : اهداب وش فيك ! مو انا قلت لك اشوف لك مكان زين واجيك
وقف تركي وتميم الي قال : ياسر !
التفت بوهقه وهو يحك راسه : ام اا اعرفكم على!
تنهد من شاف نظراتهم والتفت لجده : لقيتها انا وفهد في جبل ساري وجبته هنا وفاتحتك بالموضوع وقلت لي بتجيب لي فا مشيت معك اتعرف على مكانه والاسطبلات
والتفت لحاتم وقال : مو اي شخص يقول انا خيال فعلًا يكون خيال !
حاتم اقترب من اهداب وهو يتأمل لونه النادر مابين الاسود والابيض الا ان فز من ياسر الي دفعه : ابعد عنها
حاتم رفع حواجبه: وش عرفك انه انثى ؟
تركي قال وهو يقترب من اهداب الي فزت وتخبت خلفت ياسر: لها خبره بالخيل ياحاتم
اتسعت ابتسامته من ردة فعل اهداب : واضح اختارت فارسه!
حاتم وقف بصدمه الا انه قال : اعتذر ماني مستقبلها عندي واذا البزر لاعاد اشوفها ولا بجرم فيها سمعت يا تميم
ياسر ناظره بسخريه : اهو عرفت انك الخيال بوادي وانت يارخمه بوادي!
احتدات انظاره والتفت لها وهو ينوي يجرم فيه الا ان تميم اوقفه : حاتم كبر عقلك وفارق !
تنح حاتم مبتعد عنهم الا ان صوت ياسر العالي اوقفه : يا*** اهداب بحطه باحد السطبلات لاشوفك يمها ولا ترا ماعدا بتشوف كسار
