لا شانت عليك وجيه الأيام توقى ّبي
والله أن كل ضلعٍ من ضلوعي لك ذرى .
___
_ الدمام _
فتحت حلا قزاز السيارة وطلعت يدها وهي تضحك من رشة المطر الخفيفه الي تبلل يدها
غيداء رفعت صوته : حلا ياكلبه حنا ندفي السياره عشان إلين وانتِ تفتحين القزاز!
ضحكت حلا وقفلت وهي تقول : لا تصحين قفلت
ناظرته غيداء بتواعد : هين ياكلبه خلني بس اوقف وانزل لك
نجلاء التفت لغيداء : وين بنروح؟
غيداء ابتسمت : الخبر بنروح للبحر بنجلس هناك وبعد صلاة العشاء ناخذ العشاء ونروح للبيتي ناكل ونسهر وعاد ترجعون
__
_ الخبر _
توقفت سيارة كيان ونزلت وهي تضم جكيتها من فوق العباية التفت لـ لمى واقتربت ترفعها وهي تقول: جيبوا البساط والاغراض انا ولمى بنروح نشوف المكان الناسب
سارعة خطواتها تبتعد عن السياره متجاهله صراخ نواره وشيخه
___
_ ينبع _
توقفوا امام مزرعة كبيره ، بجانبه اسطبلات أحصنه ومدمار خاص للخيول ، والجانب الاخر يوجود به أبل بالقرب من خيمه ..
نزلوا وهم يناظرون للمكان بنبهار ، التفتوا لبتال الي قال : كلها لـ صاحبي ابو ثاري
التفتوا لشخص الي طلع من الخيمه يرحب فيهم ، ابو ثاري : يالله انك تحيك يابو سيف
اقترب من بتال وهو يسلم عليه بحراره ، وبعد يسلم على عيال حتى وصل لخليل واتسعت ابتسامته: ارحب يالغالي ولد الغالي
ضحك خليل وهو يسلم على راسه : كيفك ياعم
ابو ثاري ببتسامه: بخير يابوي وانت كيفك وابوك ليه ماجاء معك
ابتسم خليل : الشغل ياعم
ربت ابو ثاري على كتف خليل وهو يقلط العيال للخيمه
اقترب ياسر من خليل وهمس : سبحان الله ، يخلق الله من الشبه اربعين
عقد خليل حواجبه وهمس : وش تقصد؟
جلسوا وجلس خليل بجانب ياسر الي اكمل كلامه : اقصد ياطويل العمر انك تذكرني بواحد يشبهك اتوقع اعماركم متقاربه من بعض
خليل بفضول : مين؟
ضحك ياسر على حماسه : اسمه ماجد من شفتك وشفت اسلوبك وانا اقول تشبه عاد لجت زياره لي في رياض خذيتك معي
ابتسم خليل : تحمست اتعرف عليه
خلف كان يناظرهم ووده يقوم ويضرب خليل ويدفنه ، نزل فنجانه وطلع من الخيمه مايبي يجلس اكثر ويذبح خليل
سيف كتم ضحكته وهو يشرب من فنجانه
__
_ الخبر _
جلست شيخه وهي تراقب لعب البنات مع لمى على البحر ، صورة جلستهم والبحر وارسلت لعايش
تنهدت من الشبكه الضعيفه قامت وهي تقول: بروح اتمشى انتبهوا على الاغراض
نهضت وهي تمشي تدور شبكه وانظارها على جوال
شهقت من اصتدمت بشخص وطاح الجوال ، رفعت راسه للولد الواقف وقبل يتكلم انتبه للجوال انحنى يرفعه ، وعظّ شفايفه من انكسر الجوال ، تجمعت الدموع بعيون شيخه وهي تناظره بقهر ، بلع ريقه حميد والتفت لصوت ولده فيصل الي يناديه : يبه
حميد رجع يناظر لشيخه وقال : اسف لكن الغلط مـ..
انهمرت دموعها وهي تقول بقهر : الله لا يسامحك ولا يوفقك ياكلب
اخذت جوالها وهي ترجع للجلستهم ودموع بعيونه ، ماكان يهمه الجوال كثر مايهمه الصور الي كانت فيه وكانت دايم ترفض تجدد جوال خايفه تضيع الصور
تنهد حميد وهمس : بكايه المشكله ان هي الغلطانه ، استغفر وهو يتجه لفيصل ورفعه وجلس بجانب نواف وخالد وانظارهم لجلسة البنات من الجهه الثانيه ، قال نواف : لو مازلة حياه لسانه ماعرفنا انهم طالعين مو صاحين يطلعون وحدهم
ضحك خالد وهو يتلذذ بالقهوه : قهوتهم لذيده بزياده ولايتهيى لي؟
نواف صب له من القهوه وشرب وناظر لخالد : لا يرجال والله انه لذيذه و..
شرق بالقهوه من طاحت انظاره على حلا الي تناظره
فز خالد وهو يسحب القهوه منه : يابزر
حميد ماكان يمهم تفكيره عند شيخه ، تنهد وهمس : بكايه
