((بين فنايا الظلمات))
بسم الله الرحمن الرحيم
قبل البدء طيبوا افواهئكم بالصلاة على محمد وآل بيت محمد 🌺
...........................
وفي صُبحًا .
وَقفت امَام مُرأتي.
بَانت عَلى وجهِي خَساراتي.
أرى شَخصًا عَلى المِرأة يَكرهُني.
وَما اقسَاهُ كُرهِ الذَاتِ للذَاتِ.
..............................................
الساعة 6:45 Am
نايمة بفراشي بالگاع و الدنيا باردة ثلج والبرد يجمد
النار واني احوس من انام والغرفه مابيها زوليه واني نايمه صايره على الكاشي يلي عبارة عن ثلج واني نومي ثگيل فما احس على نفسي بس فجاة واثناء نومتي يندفر باب الغرفة وتدخل مرت ابويه فاطمة وتصيح صيحه ترج البيت رج.
فاطمه: ولج يالخايسة الزفره كومي يحضي نايمة للسبعة شوكت تسويين الغدا شوكت تبدلين لخوانج يمعزاية.
مرت ابوي ما تطبخ ابد اني اطبخ وانظف هيه ماتشتغل حتى اخوتي اني ربيتهم بعمر صغيرة كلش وهيه عشتوا امهم يلي جايبتهم اكللها تعاي سويلهم كذا شغله تكول ما اعرف او تلعب نفسي.
كمت بسرعة ركض ركض للمطبخ بوجهي طلعت الطاسة نكتت تمن وطلعت البتيته والجزر اسوي برياني علسريع سلكت الجزر وكشرت البتيته ونكعت التمن رحت كعدت اخواني العَود همه كل واحد وغرفته تصفن الواحد بالاثاث والالوان والديكور واني غرفتي فرشة ماعندي كعدتهم بطلعت الروح كعدوا راحو يغسلون حتى يبدلون ويرحون للمدرسه.
رحت سويت الريوك الهم وهذا كله بنص ساعه لان تعودت على الشغل واني ايدي خفيفه بساع اكمل الشغل والخاتون رجعت تكمل نومها.
اجت بكلبي شجاعة مدري من وين ورحت لغرفتها وكتلها: عمة حبابه متأخره وعندي امتحان وماالحگ كومي وياي بس بدلي لجهالج واني اسوي الغدا فدوه.
فاطمه: وغمه اي والله ولچ شنو داومين غيبي اليوم ماتلحكين خوش
: لا عمه فدوه عندي امتحان شهري
فاطمه: شوفيلج صرفه مالي غرض ومن طلعين سدي الباب اريد انام خوش
سديت الباب وطلعت رحت جبت مشط ورحت للمطبخ لكيت بس ضحى و سجى و مرتضى ماكو سألت ضحى عنه كالت بعده نايم غميت نفسي ودخلت لغرفته لكيته نايم اجت بعيني مطارته رحت فتحتها وذبيت المي يلي بيها بوجهة كام يصرخ ويغلط عليه غلست وطلعت رحت للمطبخ البنات جاي يتريكن سحبت ضحى امشطت الها وخليتلها شرايط واني افكر بنفسي واسترجع ذكرياتي المره المابيها شي حلو صحيت على صوت ناعم
سجى: هلال من اكبر هم البس شرايط؟
هلال: اكيد عمري من تصيرين صف اول ابتدائي تلبسين شرايط حمر
سجى: اريدج انتي تسويلي هيج گصايب حلوه.
ضحى: من زين گصايبها العوج
جريت شعرها بيدي وكتلها لو بيج خير جان سويتي لنفسج مره شكبرج السنه الجايه متوسطة الحذاء البسج ياه
ردت عليه ضحى: اي حبي مو بكيفج بكيفي انتي خدامتي وشنو اريد تسوين فهمتي.
هلال: اني اختج الجبيره احترمي شويه
ضحى:***** الجبيره
أنت تقرأ
بين فنايا الظلمات
ChickLitبين فنايا الظلمات بين فنايا ظلمات الحياة ولوعات القلب وامواج الحياة ورياحها التي تعصف بينا الى حيث لا نريد والعاب القدر تلك الحياة الظالمه التي تختار الفقير والمسكين لتذوقهة من كأس الغدر والخيانه والحزن وتشبعة الهموم وتغنيه بالحزن والالم وتسلط عليه...
