بين فنايا الظلمات

البارت الثاني و اربعون

بسم الله الرحمن الرحيم..........

الحمد الله

استغفر الله

الله اكبر

اللهم صلِّ على محمد وعلى آله الطيبين الطاهرين

~~~~~~~~~~~

هلال.....

صارلي ببيت اهلي شهرين تقريباً و خلالها خالد نهائياً لا سأل او خابر كلهم گطعوا بيه او قل تواصلهم وياي عدا هاجر الجانت يوميه وياي تخابرني نبقى نسولف بالساعات و عبدالله المايمر اسبوع و اذا هوه مو هنا جاي يشوفنا و متسوگ محمل اكل و فلوس.

فاطمه: خالد.

فزيت من صفنتي صحت.

هلال: خالد شبيه خاااالد شكو شبيه.

فاطمه: ههههه صارلنا ساعه نلغليي وانتِ مو ويانا بغير عالم بس سمعتي اسم خالد نطقتي.

تفشلت حگيت راسي و حجيت.

هلال: هسه احجي شبيه.

فاطمه: مو يم خالد زوجج جاي نحجي عن ممثل

هلال: تره مو زعطوطه خاطر اصدگ.

فاطمه: يابه والقرءان ما جايبين طاريي الشفيه ولج ضحى احجي عليمن سولفنا.

ضحى: اي

عفتهن ورحت للغرفه جان يحوس حسين بالجربايه مالته انطيته اللهو و طفيت الضوه و نام بقيت اتگلب اخخ خالد هواي مشتاقتله واضوج من يمر اليوم بدون صوته او عيني ما تشوفه

فتحت تلفوني اگلب بصفحته مناشر هواي بس صوره اله عاديه صوره اله لابسه مناظر سود و جاكيت نيلي و بنطرون اسود و صوره ثانيه بالمطار مصور لابس قميص خردلي و بنطلون بيجي.

و كم ستوري عادي صور اله و صور اله هوه وابوه و صوره لامين وياه قديمه و كاتب اشعار عليها.

غلقت الجهاز و نمت فزيت على تلفوني يرن جانت الدنيا ليل حيلل شكد جنت نايمه رديت و بالگوه احجي اسحگ سحگ بالحجي.

هاجر: هلال مريضه شبيج.

هلال: امممم هاا لا امم اي نايمه جنت.

هاجر: و اشك لهسه نايمه شبيج صحصحيي.

هلال: اممم.

هاجر: وحمسسس هلااال.

هلال: لا تعييطيين.

هاجر: أكلللج.

هلال: هاا.

هاجر: خطبنا لاخوي.

هلال: منو منهم.

هاجر: رجلج.

هلال: صدككككك.

هاجر: ايي قبل كم يوم رحنا شفنا لاخوي مره.

هلال: لا، بربج كولي واالله